Espainiako egoera politikoari begira, pentsa daiteke hango alderdi nagusiek urteetan beharko dituztela periferia abertzaleen botoak Madrilen gobernuak eratzeko. Horrek eman dezake aukerarik Espainian plurinazionaltasunaren bueltan bestelako urratsik emateko? Testuinguru horretan dator Urkullu lehendakariaren konbentzio konstituzionalaren proposamena. Eta zer da? Funtsean, une hau baliatzea Espainiako Kongresuan gaiaz hitz egiteko eta 1978ko marko konstituzionala gainditzeko, alor ekonomikoan euskal lurretan dugun hitzarmen ekonomikoa, esparru politikora ere eramanda.
Egiazki, nazio auziaren gainean azken bi hamarkadetan jeltzaleek egin duten proposamen epelena da. Bestelako testuinguru politikoetan askoz eskaintza borobilagoak plazaratu ohi dituzte: 2001ean Ibarretxe plana, 2006an Loiolako elkarrizketetan adostutakoa, 2008an Ibarretxeren kontsulta, 2014an Estatutua erreformatzeko proposamena, 2018an bilateraltasun politikoa...
Tira, oraingoa ezin da aipatutakoekin konparatu, baina Alderdi Egunaren atarian eta Eusko Legebiltzarrerako hauteskundeak ate joka, eskaintza herabeagorik ezin da plazaratu. Kontraste gisa, Kataluniatik amnistia, erreferenduma eta autodeterminazioa aipatzen dira PSOEkiko elkarrizketa horietarako. Euskal Herritik, aldiz, ia ontzat ematen da Sánchezekiko akordioa, jakinik alternatiba askoz okerragoa dela.
Itxuraz, Kataluniako independentismoak, Juntsek bereziki, baliatu nahi du politikak eman dien abagune berezi hau, erbesteko kapitulua duintasunez eta indarrez ixteko, eta mugimendu independentista beste etapa batera eramateko. Ez da txantxetako lana, ikusi besterik ez proces-a altxatu zuen independentismoaren zatiketa egoera zein den.
Betor katalanek negoziatu nahi duten amnistia, Katalunian oraindik milaka pertsona dago errepresioaren mehatxupean eta. Hala ere, han ez dago inor espetxean. Euskal Herrian, ETAk armak utzi eta hamahiru urtera, oraindik 150 bat preso dira eta hogei bat erbesteratu. Aurreko legealdia sakabanaketaren amaierarena izan bazen, aurtengoak beharko luke behin-behinekoz gehienak kaleratzearena. Mende erditik gora iraun du ETAren kapituluak Euskal Herrian, eta orrialde hori guztiz pasatu gabe dago. Horrek oraindik eragin handia izango du nazio auzia berriz konfrontazioaren esparrura eramateko. Ezker abertzalea estrategia instituzionalean dago, arrakastaz gainera, eta herri mugimenduan oraindik ez dago ekimen indartsurik bestelako bideak eraikitzeko.
Demokraziaren ikuspegitik beti litzateke ongi etorria Espainiako Estatuaren izaera plurinazionalean aurreratuko lukeen edozein konbentzio konstituzional, baina perspektiba historikoa duen edonork irudika dezake horretan ere ez dela aurrerapauso esanguratsurik emango mugimendu soberanisten gizarte bultzada handirik gabe. Akordioak goraipatuta, 1978ko trantsizio giroa aipatzen da sarri, baina ez horrenbeste orduan zegoen presio giro itzela. Orain, izatekotan, urrats txikietarako garaian gaude.
Nazismoaren biktimak izandako euskal herritarrak oroitzeko Eusko Jaurlaritzak egin duen lehen aitorpen instituzionala da. Hego Euskal Herriko 253 pertsona deportatu zituzten 1940 eta 1945 urteen artean. 113 bertan hil ziren eta beste asko, handik bizirik irten baziren ere... [+]
Gutxienez botoen %40 lortuta, George Simion AUR alderdiko buruak bikoiztu egin du bigarren indarraren babes kopurua. Europako Batasuna "diktadura bat" dela aipatu du Simionek behin baino gehiagotan, eta Errumaniak Ukrainari emandako laguntza etetearen alde agertu da... [+]
Pedro Sánchezek hornitzaile pribatuei eta Red Eléctrica de Españari egotzi die itzalaldiaren inguruko informazio gutxi eskaintzea, baina azken honek jakinarazi du "gutxi gorabehera" aurkitu dutela Iberiar penintsula osoko argindarra joatearen arrazoia... [+]
José María Agramontek agerraldia egin du asteartean Nafarroako Parlamentuan, UPN eta Contigo-Zurekin alderdiek eskatuta. Bardeako Komunitatearen Batzarreko lehendakariak nabarmendu du Espainiako Defentsa Ministerioa ingurumenarekin egiten ari den "esfortzua"... [+]
Hedabideetan nahiko aipatu dira asteleheneko itzalaldiak gizartean eragin dituen ondorioak, baina nahikoa aipatu al da gertakari horrek agerian uzten duena? Besteak beste, bi auzi nagusi: bizirauteko energiarekiko dugun menpekotasuna eta azken urteetan gertatzen ari den zerbitzu... [+]
Maiatzaren 22tik 23ra bitartean deklaratu beharko dute auzipetuek. Gazteek salatu dute instituzioak "geroz eta gehiago" ari direla mugatzen protestarako eta mobilizaziorako eskubide politikoa, eta 'Bajadikako 27ak' izenarekin sortu dute plataforma bat. Maiatzaren... [+]
Sare sozialetan argitaratutako argazkiaren bidez ezagutarazi du erasoa Ordiziko alkate Adur Ezenarrok. Bere sexu izaerarekiko "harrotasuna eta ohorea" berretsi du, eta azken aldiko "oldarraldia" salatu du.
Bizkaian eguneko zentro publikorik ez duen eskualde bakarra da. Elkarretaratzea eginen dute apirilaren 27an, 12:00etan, Sopelako (Bizkaia) Udaletxeko plazan.
Israelgo IMI Systems enpresarekin Espainiako Barne Ministerioak egindako bala erosketa bertan behera uztea agindu du Pedro Sanchez Espainiako Gobernuko lehendakariak. PSOEren eta Sumar-en arteko gobernu koalizioan zegoen apurketa arriskua baretu du erabakiak.
2023ko urritik armamentua erosteko 40 kontratu sinatu ditu Espainiako Estatuak Israelekin eta hango enpresekin, horien erdia azken urte erdian. Horietako kontratu batekin ika-mika piztu da Espainiako Gobernua osatzen duten PSOE eta Sumarren artean, bereziki azken horren barnean,... [+]
Espainiako Estatu mailan, behera egin dute bai ezarritako babes-neurriek bai aurkeztutako eskaerek.
2002az geroztik Espainiako Estatuko hainbat kolektibotan infiltratutako hamabi poliziaren berri eman dute La Directa eta El Salto agerkariek. Nieves López izen faltsua baliatzen zuen Espainiako poliziaren kasua da publiko egin duten azkena. El Salto-k argitaratu duenez,... [+]
Espainiako Gobernuak urte amaierarako Defentsara bideratuko duen gastua Barne Produktu Gordinaren %2 izango da: 33.123 milioi euro. Sánchezek adierazi du erabaki horrek "Espainiaren segurtasuna bermatzea" eta armadaren baliabideak "modernizatzea" dutela xede.
Natura Ondarearen Zerbitzuak txosten bat aurkeztu du Barakaldoko mendi horretan bost haize errota jarri nahi dituen Iparaixe II proiektuaren aurka. Barakaldoko Udalak duela urte eta erdi eman zion ezezkoa egitasmoari, Mendietan Eolikorik Ez–Barakaldo plataformaren... [+]