Urkullu eta Muñozen arteko eztabaidan, ‘Zuloan’ liburuak erakusten duen “esplotazioa” mahai gainean
Eztabaida bizia sortu da azken asteotan Iñigo Urkullu lehendakariaren eta ELA sindikatuaren artean, euren arteko harremanik ezaren inguruan.
Sindikatu abertzaleko idazkari nagusi Adolfo Txiki Muñozek Eusko Jaurlaritzaren “hipokrisia” salatu zuen abenduan, soldatak igotzea iradoki baina obra publikoetan “alderantzizkoa” egiten duelako bere ustez. Hain justu, AHTko lan-baldintzak erakusten dituen Zuloan liburua bidali die ELAk lehendakariari eta beste hainbat goi-karguri.
#Zuloan liburua zuei bidaltzeko lanetan gabiltza @iurkullu @uxuebarkos @PedroAzpiazu @manuayerdi @arantxa_tapia @ramirogonza @urementeria @markelolano. Olentzerorako ez zaizue iritsiko, baina erregeetarako bai. Irakurketa on! pic.twitter.com/Y7NawAxzYc
— mrafundazioa (@mrafundazioa) 2017(e)ko abenduak 20
Era berean, Muñozek gogor kritikatu du Urkulluk beraiekin bildu nahi ez izatea: “Erlazio klientelarra baizik ez dute nahi”, azaldu zion Radio Euskadiri.
ELAren “erregimen esklusibodun” harremana
Egun batzuk geroago Urkulluk berak erantzun zuen, irrati berean egindako elkarrizketan. Lehendakariaren aburuz ELAk “erregimen esklusibodun” harremana nahi du eta gainerako ordezkaritza sindikala “mespretxatzen” du modu horretan. Parte-hartze foroetan ez egotea ere egotzi zion euskal sindikatuari eta “kontraboterea” izateko helburua edukitzea.
Urte amaieran euskal telebista eta irrati publikoetan igorritako mezuan, berriz, lehendakariak “kalitate hobeagoko enplegua” sortu beharra nabarmendu zuen, lan-prekarietate salaketei erantzunez.
“Lehendakari jauna, zure ardurapeko eremuetan esplotazioa nagusi da”
Ostegun honetan Berrian eta El Correon (gaztelaniaz) gutuna argitaratu du Txiki Muñozek, Eusko Jaurlaritzari eta lehendakariari aurretik egindako kritikak berretsiz. Urkulluk aipatutako foroak “hutsalak” eta “antzezpen mediatikoak direla dio ELAko buruak.
Jaurlaritzak harreman “klientelarra” nahi duela argudiatzeko gertaera baten berri ere ematen du artikuluan: duela urtebete, lehendakariaren eskariz, bi aldeek bilera bat hitzartu zuten “gairik finkatu gabe”; baina Muñozek dioenez, ELAk 2017ko aurrekontuei kritika egin ostean, bertan behera geratu zen bilera, lehendakariak ez zuelako “hori ondo hartu”.
Muñozek berriz ere gogorarazi du AHT bezalako obretan langileek bizi duten egoera, eta Zuloan liburuak azaleratutako lan-baldintzak jarri ditu mahai gainean: “Bai, Lehendakari jauna, zure ardurapeko eremuetan esplotazioa nagusi da (…) Liburu horretan, gure herrian oso hedatua dagoen errealitate sozial bat deskribatzen da; errealitate hori Jaurlaritzak eta hedabide askok ezkutatu egiten digute”.
ELAko idazkari nagusiaren esanetan, gainera, ez lehendakariak ezta sailburuek ere, ez dute bilerarik egiten halako egoerak desagerraraztea eskatzen dutenekin: “Inork ez du ELArekin hitzordurik jarri nahi”.
Langile bat hilik topatu dute astearte goizean Laudioko Bebidas Serrano enpresan. Osalanek adierazi du hipotesi nagusia gizonak bihotzeko bat izan duela dela. Istripu honetan hildakoarekin, 2025ean 19 langile hil dira jada lan istripuetan.
Zenbait urtetatik hona sarri entzuten dugun kontzeptua da zaurgarritasuna. Gaur gaurkoz, diskurtso politikoetan pertsona zaurgarriez aritzea ohikoa da. Seguru nago nik ere inoiz erabili dudala berba hori Bizilan.eus webgunean, eskubide laboralak eta prestazio sozialak azaltzeko... [+]
Ekonomialariei asko gustatzen zaizkie merkatuen jokabideak adierazten dituzten grafikoak, kurbak alegia. Deigarria egin zait zentzu horretan Pluralistic webguneko “The future of Amazon coders is the present of Amazon warehouse workers” artikuluan (Amazonen... [+]
Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.
Buñueleko (Nafarroa) kasuan, 34 urteko gizona makina batean harrapatuta geratu da. Arratzun (Bizkaia), aldiz, garabiak goi-tentsioko linea bat ukitu ostean hil da 61 urteko gizona.
Betsaide enpresan gertatu da, 08:00ak aldera. Urtea hasi denetik gutxienez bederatzi behargin hil dira.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.
Jakina da lan ikuskariak falta ditugula geurean. Hala ere, azken egunotan datu argigarriak ematea lortu dute: lan ikuskaritzaren arabera, EAEko enpresen %64ak ez du ordutegien kontrolean legedia betetzen. Era berean, lehendakariordeak gaitzetsi du, absentismoaren eta oinarrizko... [+]
Eguerdian gertatu da istripua, 25. kilometroan, Nafarroako Martzilla herriaren inguruan. 2025ean hil den zazpigarren lagilea da.
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]