Urduñako espetxe frankistatik identifikatutako bederatzigarren pertsonaren gorpuzkiak, bere senideen eskuetan

  • Francisco de la Cruz Orellanaren gorpuzkiak identifikatu ditu Gogora Institutuak, eta bere senideen eskuetan utzi ditu. 

Urduñako Udaleko ordezkariak Francisco de la Cruz Orellanaren senideekin. Argazkia: Gogora

2024ko urtarrilaren 04an - 07:52

Francisco de la Cruz Orellanaren gorpuzkiak bere senideen eskutan daude, 80 urte baino gehiagoren ostean. Cruz Orellana Urduñako espetxe frankistan zendu zen. 2014an eginiko indusketan topatu zituzten bere hezurrak, hiriko hilerrian, baina Duintasunaren Kolunbarioan egon dira orain arte, bere unean ezin izan zituztelako identifikatu. 2022an jarri ziren senideak (Bizkaiko Mallabia herrikoak) Gogora Institutuarekin harremanetan, hilerrian indusketa berriak egin zirenean. Euren DNA laginak hartu zituzten orduan, eta modu horretan lortu zuten gozpuzkiak identifikatzea. 

Badajozeko Quintana de la Serena udalerrian lurperatuko dituzte hildakoaren hezurrak, bertakoa baitzen. 

Orain arte bederatzi pertsona identifikatu ditu Gogora Institutuak DNA proben bidez, ia guztiak Badajozekoak:

  • Fructuoso Llorens Tolosano, Badajozeko Fuente de Maestro herrikoa.
  • Manuel eta Salvador Del Amo Jimenez, anaiak, Villagonzalokoak (Badajoz)
  • Alejandro Gomez Hidalgo, Toledoko Carpio de Tajo herrikoa
  • Alfonso Tena Prieto de Don Alvaro, Badajozekoa
  • Domingo Galindo Gonzalez, La Moreran jaioa, Badajozen
  • Inocencio Gallardo Rebolledo, Magacelakoa, Badajoz
  • Bernardo Rodriguez Rincon, Badajozko Campanario herrikoa
  • Francisco de la Cruz Orellana, Quintana de la Serena, Badajozekoa

Gorpuzki gehienak 2023ko abuztuan entregatu zizkieten senideei, Duintasunaren Kolunbarioan eginiko ekitaldian:

Hala ere, beste 71 pertsonen hezurrak daude oraindik identifikatu gabe, eta horretan dihardu Gogora Institutua. Bide horretan, 60 familia ingururekin egin du harremana dagoeneko.


Kanal honetatik interesatuko zaizu: Oroimen historikoa
1936ko biktimak eta kolpistak berdintzeko UPNren saiakera atzera bota du Nafarroako Parlamentuak

Memoria eta Bizikidetzako, Kanpo Ekintza eta Euskarako Batzordeak atzera bota du UPNk aurkeztutako mozioa, 1936ko Gerran Errepublikaren kontrolpean zeuden lurraldeetan izandako biktimak Oroibidea memoriaren datu-basean sartzea eskatzen zuena. Mozioak PP eta Voxen babesa jaso du,... [+]


Eneko Etxeberria
“Ez nioke nire semeari Jose Miguelen bilaketaren zama utzi nahi”

Jose Miguel Etxeberria Naparra-ren gorpua aurkitu gabe bukatu da Frantziako Landetan egindako bigarren indusketa. 44 urte dira militantea desagertu zenetik eta bere familiaren belaunaldi batetik bestera pasa da bere bilaketaren zama.


Cuelgamuroseko indusketetan eskuin muturraren presio eta sabotaiak salatu dituzte auzitegi-medikuek

Madrilgo Cuelgamurosen, Erorien Harana deituriko monumentuan arkeologoak egiten ari diren indusketetan etengabe ari dira jasaten eskuin muturreko jendeen presioa, hala adierazi du Pako Etxeberria auzitegi-medikuak. Egunotan, biktima errepublikarren senideek bisitatu ahal izan... [+]


Olaia Beroiz: "Emakume errepresaliatuen kemena gogoratzea ezinbestekoa da"

Iruñeko Txantrea auzoko kale-izendegian frankismoan errepresaliatuak izan ziren hamar emakume gogoratuko dituzte. Ekitaldia egin zuten atzo eta auzoaren hegoaldean dagoen plaza bat oroimen gune ere izendatu zuten. "Garrantzitsua da historian gertatutakoa gogoratzea;... [+]


2024-04-26 | Xuban Zubiria
Memoria berreskuratzeko usurbildarrak lehen lerrora

Andatza mendia memoria leku bihurtu zuen Usurbil 1936 elkarteak apirilaren 13ko birsortze historikoan. Herritarren lan boluntarioarekin berreskuraturiko lubakiak antzezleku bihurtu ziren egun batez. Gerraren eraginez Usurbilen jazotakoak elkarbanatzeko enegarren ekimena izan da.


Eguneraketa berriak daude