UPNk oker kudeatutako auziengatik 67 milioi euro ordaindu ditu aurten Nafarroako Gobernuak
Nafarroako Ogasunean UPNk utzitako zuloa hazi egiten da urtetik urtera. Aurten 51 milioi euro bideratu beharko dira Garraioaren Hiria handitzera eta 16 milioi behin behinean Gobernuarentzat lan egin zutenen oporrak ordaintzeko.
20,2 milioi euro izanen zirenak 71,5 milioi euro izanen dira. Garraioaren Hiria proiektuaren gainkostua da hori. Kudeaketa okerraren ondorioz 51 milioi euro gehiago ordaindu beharko ditu Nafarroak. Atzera begira jarri behar da ulertzeko nondik datorren gainkostua: 2008. urtean aurreikusi zuten Inmarkoainen egitasmoa: zoru industrialaren kudeaketa eragile pribatuen onurarako egin zen, hori bai, sortu zitezkeen kalteak sektore publikoak beregain hartu beharko zituen. 600.000 metro koadro ditu Garraioaren Hiriak, industria-nabeak egiteko baliatu dira, baina, eraikitakoen artetik erdiak baino ez dira erabiltzen ari, eta beste zenbait eremu oraindik ere nekazaritzarako erabiltzen ari dira. Hala ere, Auzitegi Gorenak urteotan zenbait epai kaleratu ditu: espropiazioengatik ezarritako 'justiprezioa'-ren aldeko epaiak izan dira eta Gobernuak aurreikusitakoa baino hirukoitza direla onesten dute. Hala, lursail desjabetu horiengatik 49,2 milioi euroko kalte-ordainak ezarri ditu eta Gobernuak %5 gehiago ordaindu behar izan du interesak direla-eta. Gastu horiek guztiak ez zituen aldaketaren Gobernuak espero eta aurre egin behar izan die lege berezi bat onartuz eta halako arrisku edo gertakizunei aurre egiteko partidatik tiratuz.
Behin behinean Gobernuarentzat lan egin zutenei, bereziki irakasleei, zenbait opor egun ordaintzeke gelditu zitzaizkien eta baita langile batzuen senitartekoei ordaindu gabeko laguntzak ere. Horiei ere aurre egin beharko die Gobernuak orain, 7,6 milioi euro lehenengo kasuarentzat eta 8,5 milioi euro bigarren kasuetarako.
Lizarrako udalari ere, kalte
UPN eta PSNk egindako kudeaketa oker batek 4,3 milioi euro ordaintzera behar dezake Lizarrako udala. Zer dela eta? Onzineda izeneko parajean hirigintza proiektu bat aurreikusi zutelako, baina gero, bertan behera utzi behar izan zuten krisiak eztanda eginda. Desjabetza Auzitegiak baieztatu du 4,3 milioi euro ordaindu beharko dizkiela Udalak bi eraikuntza enpresari egitekoa zuten baina egin ez zuten lanarengatik, konpentsazio gisa.
Baina ordaindu beharrekoa are gehiago izan daiteke, 20 milioi euro gehiago Onzineda parajean lursailak zituzten jabeei kalteak ordaindu behar bazaizkie. Lizarrako Udalarentzat ezinezkoa litzateke kudeaketa oker horren ondorioa ordaintzea, kontuan hartuta urteko aurrekontua herriarentzako 11 milioi euro direla.
Zorra, datuetan
UPNk hartutako zenbait erabakiren ondorioz 281,5 milioi euro ordaindu beharko ditu aldaketaren Gobernuak orain. Azpiegiturekin zerikusia dute askok eta bestelakoak era badira tartean, auzitegiek hala jasota. 51,3 milioi euro ordaindu beharko ditu Garraioaren Hirirako; 16,1 milioi euro langileei zor zaiena ordaintzeko; 30 milioi euro 2012an ordaindu ez zen aparteko ordainsarirako; 98,3 milioi euro interesak ordaintzeko; 85,8 milioi euro itzalpeko bidesariak ordaintzeko eta 60.000 euro errepidea gaizki neurtzeagatik sortutako kaltearen ondorioz (Pirinioetako Autobideak 45,421 kilometro neurtzen ditu, baina sententzia batek agintzen du 46,097 kilometrorengatik ordaindu behar dela, alegia, 2,4 milioi euro 2039ra arte).
(Euskal Herria Irratiak argitaratu du albistea bere webgunean eta ARGIAra ekarri dugu CC by-sa lizentzia baliatuta)
María Chivite Nafarroako Presidentearen "konfiantza galdu" duela eta, Ramón Alzórrizek PSNko idazkariorde nagusi eta Nafarroako Parlamentuko bozeramaile izateari utziko dio. Bere bikotekidea Servinabar enpresan lanean aritu zela publiko egin ostean eman du... [+]
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".
Dagoeneko Guardia Zibilek eta zenbait herritako udaltzaingoek badute taser pistolak erabiltzeko eskumena Nafarroan, eta badirudi bide horretan hurrengoa Foruzaingoa izango dela: Nafarroako Kontseiluak Foruzaingoak taser pistolak eman ahal izatea "indarrean dagoen... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Telefonicak intzidentzia bat izan du eta horrek sare finkoan eragin du. Ondorioz, EAEko Larrialdiei Kudeatzeko Zentroa kaltetu da. Hala ere, arazoa konpondu dela ezagutarazi dute eta 112 larrialdietako telefonoa martxan dago berriro. Nafarroan ere eragina izan du, baina... [+]
Nafarroako funtzio publikoan 30.000 langile zeuden grebara deituta asteazken honetan. Deialdiak jarraipen desberdina izan du sektorearen arabera, eta sindikatuek salatu dute foru gobernuak "abusuzko" gutxieneko zerbitzuak ezarri dituela nahita.
Hego Euskal Herriko lau hiriburuetan egin dituzte manifestazioak. Israelek Palestinan egin duen eta aurrera daraman genozidioarekin kolaboratzen duten enpresei laguntza publikoa emateri uzteko eskatu diete Nafarroako Gobernuari eta Eusko Jaurlaritzari.
Itxaron zerrendak gutxitzeko Osasunbideak hartutako estrategiak gaitzetsi ditu Plataformak
Haurreskolara beharrean, 0-3 urte bitarteko umea zuzenean ikastetxera bidaltzea, Haur eta Lehen Hezkuntza osoa (12 urtera arte) hartzen dituen zentro berera. Hori da Nafarroako Hezkuntza Sailak Burlatako Hilarion Eslava ikastetxean martxan jarriko duen proiektu pilotua eta... [+]
Geroa Baiko lehendakari eta Nafarroako lehendakariorde izandakoa enpresa bati 2,6 milioi euroko diru-laguntzak ustez modu irregularrean emateagatik zegoen auzipetuta, Davalor auzia deiturikoan. Nafarroako Probintzia Auzitegiak erabaki du auzia behin betiko artxibatzea, legalki... [+]
Ostegunean egoera hori ikertzeko eta zuzentzeko eskatu dio EH Bilduk Nafarroako Gobernuari legebiltzarreko osoko bilkuran. UPNk eta PPk bat egin dute eskaerarekin, eta Osasun Departamentuak urtebete du ikerketa gauzatzeko.
Ilbeltzeko igande goiz batez jo dugu Baztanera. Eguzkiak oraindik ez du Lekarozko plaza argitu; bertan elkartu gara Garbiñe Elizegi Narbarte, Itziar Torres Letona eta Ernesto Prat Urzainkirekin. Itzaletan hotz egiten du eta umorez goxatu dugu lehen agurra, hogei urtean... [+]
Haurrak dituzten familiei egiten diete deia, bereziki. Seme-alabentzat onena nahi dugulako, etorkizunerako aukerak zabaltzea litzateke euskara ematea. "Eleaniztasunaren aldeko hautua egiteko gonbidapena da, euskara ematea batzea delako", esan du Ana Ollo Euskara... [+]
Irakasle hau egokitzen zaielarik, 6-9 urteko haurrengan beldurra, amesgaiztoak, antsietatea, negarra… orokortzen direla salatu dute Atarrabiako Atargi ikastetxeko gurasoek. Urtetako arazoa konpontzen ez dela-eta, haren klaseei planto egitea erabaki dute. Guraso elkarteko... [+]