Udazkenfest antolatu dute urriaren 1erako, Arabako elkartasun eguna
Egitarau zabala osatu dute Gasteizen, “azken bidaia, azken paketea, azken bisita” lemapean. Dispertsioaren aurkako aldarria jai giroan helaraziko dute, ume jolasen, kontzertuen eta herri bazkariaren bidez, besteak beste.
“Egun indarrean dirauen espetxe politikaren ondorio larrien aurrean elkartasuna adierazteko ekimena” antolatu dute Gasteizen urriaren 1erako. Antolatzaileek adierazi dutenez, “preso eta iheslariak etxeratzeko aldarria jai giroan” egitea da asmoa. Horretarako, egitarau zabala prestatu dute egun osorako: herri bazkaria, kontzertuak, umeen txokoa eta antzerkia egongo dira, esaterako.
Udazkenfesten antolatzaileek “astebururo espainiar eta frantziar errepideetan barrena abiatzen diren arabar guztiei keinu” egin nahi izan diete, bide guzti horietan bakarrik ez daudela jakin dezaten. Horregatik, euskal presoek pairatzen duten dispertsioa salatuko dute jaialdian: “Sakabanaketa, eskubide urraketa izateaz gain, zigor ekonomiko ikaragarria da. Bidaiak, eguneroko bizi baldintzak hobetu nahi izateak, edota isolamendu afektibo eta kulturala gainditzeak, ekonomikoki odoluste handia da”.
Etxeraten datuak oinarri hartuta, jaialdiaren deitzaileek azaldu dute dispertsioak ia 15 milioi euroko kostua duela urtean, eta zama hori arintzeko asmoa dute. Hala, bost gune nagusi izango ditu Udazkenfestek. Foruen plazan ezarriko dute umeen txokoa, eta bertan jolasak eta Irrien Lagunen ikuskizuna eskainiko dituzte. Santa Maria plazan herri bazkaria egingo dute, eta Probintzia plazan antzerkiak eta poesia errezitaldiak izango dira. Gaztetxean eta Matxeten, aldiz, Las Tea Party, Indarrap edota Tajon Prietoren kontzertuak izango dira, besteak beste. Hain justu, Matxetetik abiatuko da presoei elkartasuna adierazteko manifestazioa, 18:00etan. Horrez gain, Gasteizko zenbait tabernak ere kontzertuak iragarri dituzte.
Hainbat bideo egin dituzte ekimena iragartzeko.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Asteazken eguerdian berreskuratu du askatasuna astigartarrak, zigorra osorik beteta. Espainiako Auzitegi Nazionalak otsailean inputatu zuen ETAren zuzendaritzako ustezko beste lau kiderekin batera, Gregorio Ordoñezen hilketa leporatuta.
Martxoaren 13an lau urte bete dira Fran Balda arbizuarra istripuz hil zela. Preso, iheslari eta deportatuen etxeratzearen alde egin zuen lan, eta haren bost kidek idatzi diote gutun hau.
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.
Sare Herritarrak antolatuta, pasa den urtarrilaren 11n Bilboko kaleak bete zituen manifestazio jendetsuaren ondoren, berriz sortu da eztabaida, euskal presoei salbuespen legeriarik aplikatzen ote zaion. Gure iritzia azaltzen saiatuko gara.
Espetxe politikan aldaketa nabarmena... [+]
Irakurlea dagoeneko jakitun dateke Euskal Herrian askatasunaren alde egon den eta dagoen gatazka politikoaren ondorioz urte luzetan kartzelan, erbestean edota deportazioan bizi behar izan duten euskaldunak, etxerako bidean, beren bizitza berregiten hasteko izaten dituzten... [+]
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioak. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]