Txomin Ziluaga ezker abertzaleko kide historikoa hil da
Txomin Ziluaga ezker abertzaleko kide historikoa gaur goizean hil da. Santi Brouardekin batera HASIko (Herriko Alderdi Sozialista Iraultzailea) buruzagia izan zen trantsizioan eta Herri Batasunaren sorkuntzan parte hartu zuen, baita hainbat urtez Mahai Nazionaleko kide izan ere. UNEDeko irakaslea zen, Zientzia Politikoen alorrean.
1939an Erandion sortua, Euskal Herriko azken lau hamarkadetako historiako kapitulu gehienetan hartu du parte Ziluagak, modu batera edo bestera. 1969an Zamorako kartzelan espetxeratu zuten eta zazpi urte eta erdi pasa zituen han, 1976an amnistia aplikatu eta kalera irten zen arte. Deia egunkariari duela urtebete eskaini zion elkarrizketa batean azaldu zuenez, "matxinada militarra" leporatuta sartu zuten kartzelan. "Sinesten al duzu, oraindik ez dakidala zer esan nahi duen akusazio horrek?" esan zion kazetariari.
Kartzelatik aterata, eraikuntzan lanean aritu zen, militantzia politikoa alboratu gabe. 1978an HASIko idazkari nagusi aukeratu zuten eta alderdi horretako kide esanguratsuena izan zen, Santi Brouardekin batera. 1987an ordea, KASekiko desadostasunak tarteko, HASI utzi zuen beste hainbat militanterekin batera, Herri Batasuneko kide izaten jarraitu bazuen ere.
1990eko eta 2000ko hamarkadetan politikaren lehen lerrotik urrunago ibili zen, UNEDeko Zientzia Politikoen sailean lanean eta prentsan artikuluak idazten, batez ere Gara egunkarian. 2010ean bere alaba, Haizea Ziluaga abokatua atxilotu zuen Espainiako poliziak.
Txomin Ziluagak bi egun zeramatzan ospitalean lurrera erori ondoren eta gaur goizean jakin da hil egin dela.
Informazio gehiago:
Irakurri Iñaki Zubiondok 1987an Ziluagari ARGIAn egin zion elkarrizketa: "Urteotan euskal iraultzari begira aportazio argiak egin ditugu" (1987-07-19)
Eskatutako kafea zerbitzatu zain nago tabernan, telebistan baleen inguruko dokumentala: “Arrak borrokan ari dira emea nork estaliko, borroka gordina eta arriskutsua, irabazle bakarra izango duena”. Soinu banda epikoak indartzen du ustezko gudaren intentsitatea... [+]
Langileek azaldu diote Aiaraldea Komunikabideari enpresaren proposamena ez dela konponbidea eta, horren ondorioz, hirugarren greba egunari eutsiko diote.
Lurraren historian espezie askok komunikazio konplexuak garatu dituzte, baina gutxik dute erleen dantzaren pareko kode sofistikatua. Erle langileek elikagai-iturrien kokapena adierazteko erabiltzen duten dantza ez da soilik naturaren mirari bat, baita zientziaren begietatik... [+]
Askorentzat uda soinuaren egilea da hegazti hori eta, seguruenik, hau dela eta mila izen ditu Euskal Herrian. Hauetako batzuek bere ‘txrriiii-txrrriiii-txrriii’ kantu deigarriari egiten diote erreferentzia: txirritxori, zirringilo, irrigo edo kirrilo, adibidez. Beste... [+]
Natura aspaldi deuseztatu genuen. Hori da gure kultura, natura deuseztatzea. Oinarrian, nekazaritzaren kultura, goldearen kultura, kultibatzea, berezko natura deuseztatzea da. Guk nahi ditugun mozkinak eta etekinak jezteko moduko “natura” dugu gurean.
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]
1.000 euskaltzale eta kulturazale baino gehiago giro goxoan ibili dira Ziburuko liburu eta disko azokan, eta larunbat goiz eta arratsaldez gozatu dute hitzaldi, kontzertu eta liburu aurkezpenez. 33 argitaletxe eta 10 diskoetxeren lanak ezagutzeko eta erosteko aukera probestu... [+]
Datorren ikasturtetik aurrera, euskaltegietan A2 mailan matrikulatzen direnek orain arte bezala 310 euro ordaindu beharrean, 70 euro ordainduko dituzte. Maila gaindituz gero, ordaindutakoa itzuliko zaie ikasleei.
Kuartela herrixantzat lelopean indar okupatzaileek Euskal Herritik irten behar dutela aldarrikatzen du Fan Hemendik taldeak.
Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.
Aieteko Nazioarteko Bake Konferentzia 2011n egin zen Donostian eta ondoren sortu zen Bake Bideak, Ipar Euskal Herritik bake prozesua sustatzeko. Bakegileen zeregina ETA armagabetzeko ekinbide zibila antolatzea izan zen. Orain, desegingo direla iragarri dute bi ekimenek.
Espetxeetako funtzionarioek lanuzte partzial bat egingo dute ekainaren 9tik 15era bitartean.