TV3 eta Catalunya Radio, auzipetuen aulkian

  • Urriaren 1eko erreferendumarekin loturan, bi hedabideotako zuzendariak auzipetu dituzte. Orotara 32 dira auzipetuak.

ARGIA @argia
2019ko apirilaren 09a
(Argazkia: MÓrius Montˇn)

Alejandra Gil Bartzelonako epaitegiko 13. salako epaileak 2017ko urriaren 1eko erreferendumaren antolakuntzaren inguruko ikerketa itxi du, eta 32 norbanako auzipetu. Tartean dira Saul Gordillo eta Vicent Sanchis, Catalunya Radioko zuzendaria lehena, eta TV3koa bigarrena.

Sekretuak zabaltzea, prebarikazioa, desobedientzia, dokumentuak faltsutzea eta diru publikoa bidegabe erabiltzea leporatu die epaileak. Azken puntuari loturan, auzipetuetatik hamazazpiri sei milioi euroko bermea ere ezarri die Gil-ek, berme horrekin ustez erreferenduma egiteko erabilitako diru kopurua berdintzen delakoan.

Auzipetuen artean aurkitzen dira, besteak beste: Rosa Vidal Generalitateko kontu-hartzailea, Amadeu Altafaj Generalitateko ordezkaria Europan, Natalia Garriga Generalitateko zerbitzu arduraduna, Frederic Udina Kataluniako Estatistika Institutuko zuzendaria edo Josep Masolive Puig Fundacio.cat-eko kidea. Epaileak auzitik kanpo utzi ditu, aldiz, Santiago Vidal epaile ohia eta Carles Puigdemonten aholkulari Carles Viver Pi-Sunyer.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Kataluniako erreferenduma kanaletik interesatuko zaizu...
Azkenak
EGILEA
Eguneraketa berriak daude