Tubos Reunidos enpresak enplegua erregulatzeko aldi baterako espedientea abiatu nahi du
Amurrion egoitza duen enpresak atzo jakinarazi zion bere asmoa langile batzordeari. Pasa den astean aitortu zuen iaz mozkin handiak izan zituela.
Pasa den astean sekulako mozkinak aitortu eta gero, atzo komunikazioa bidali zion Tubos Reunidos enpresako zuzendaritzak langile batzordeari, jakinarazteko enplegua erregulatzeko aldi baterako espedientea jarri nahi duela indarrean.
Berez, "ekoizpen eta antolakuntza arrazoiak" argudiatu ditu enpresak eta neurriak 848 langilerengan izango du eragina, bi aldeek kontrakoa adosten ez badute.
Halaber, astebete barru bilera deitu du Tubos Reunidosek sindikatuekin, dokumentazio guztia pasatu eta negoziazio prozesua abiatzeko.
Enpresa batzordeko iturriek aipatu diote Aiaraldea Komunikabideari modu ez ofizialean heldu zaiela espedientea irailean hasiko litzatekeela, hurrengo urteko otsailean amaitzeko.
Ekoizpen eta antolakuntza arrazoiak argudiatu ditu enpresak eta neurriak 848 langilerengan izango du eragina
Mozkin historikoak pasa den astean
Iturri horiek azaldu diote komunikabideari duela zenbait hilabete zuzendaritzak aipatu zuela lortu berri diren emaitza onen sorburua iazko eskariak zirela, eta aurten ez dela eskari nahikorik jaso.
Hala ere, ezustean harrapatu die neurriak sindikatuei, pasa den astean irabazi bikainen berri eman baitzuen konpainiak.
Zazpigarren espedientea
Tubos Reunidosentzako langileentzat azken urteetako zazpigarren espedientea izango da iragarri dutena: 2009an, 2010ean, 2016an, 2018an ere ezarri zizkieten, eta pandemia garaian beste biren menpe egon dira.
Izan ere, enpresak zor ugari pilatu zituen 2007tik aurrera eta SEPIk erreskatatu behar izan zuen 2021ean maileguaren bidez.
Sindikatuek hainbat aldiz aipatu dute 2007an eskatutako 170 milioi euroko kredituan dagoela zulo ekonomikoaren iturburua. Ustez, diru hori beste enpresa baten erosketarako baliatu behar zuten, baina azkenean akziodunen artean banatu zen, langile antolakundeen arabera.
Irungo udal gobernua ez da gai izan 29 urte luzetan alardeari lotutako gatazka konpontzeko… ez duelako nahi izan, beste alde batera begiratu duelako, alarde baztertzailea babestea aukeratu duelako, ausardia politiko falta eta arduragabekeria instituzional itzela erakutsi... [+]
Ostirala da, bero handia egin du gaur ere. Baserriko lanak bukatu ditugu, belarretan egin dugu. Nekatuta, izerditan, berotuta, baina pozik! Denon artean lortu dugu, denok bat ekinda lana hobeto egiten da.
Ostiral arratsaldean egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Hernaniko San Joan jaietan magrebtarren kontrako eraso gehiagoren berri eman dute Hernaniko Txosna Batzordeak eta Amher SOS Arrazakeriak. Salatu dute herrian asteak daramatzatela "jarrera, gezur eta ekintza antolatu arrazistak" bizitzen, eta ohartarazi dute: "Hau... [+]
Kooperatibismo bat komunitateari begira UEUko topaketek, komunitatea ahaldundu eta lurraldeetako beharrei erantzuteko tresna direla gogorarazi ziguten. Halaxe da, bai, baina ekaina ez da kooperatibetan idealizaziorako garai egokiena, ez behintzat kooperatibetako kudeaketa... [+]
Maribi Ugarteburuk, EHNE Bizkaiaren enkarguz, herrialdeko hamar emakume baserritarren bizi historiak batu ditu Erein, Borrokatu, Bizi liburuan. Azken mende erdian Hego Euskal Herrian nekazaritzan eta abeltzaintzan izandako gertaerak bizi izan dituzten emakumeak dira protagonista.
Argitaratutako oharrean, EHGAM Euskal Herriko Sexu Askapen Mugimenduak ohartarazi du "faxismoa eta ideia faxistak" zabaltzen ari direla mundu mailan, eta "erresistitzeko prest" daudela: "Beldurra baino askoz handiagoa da sentitzen dugun amorrua".
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Tramite burokratikoetan murgilduta dago Ed Rojas. Kolonbian jaio eta bizi, 2022an Ikasketa Feministak eta Generokoak Masterra egin zuen EHUn. Baina titulua amaitu eta hiru urtera, ez du lortu bere izenean jasotzea. Arrazoia? 2022an ez-bitar markagailua jarri zuen bere... [+]
2009tik 2023ra izandako iktus intzidentziak jaso ditu Nafarroako Osasun Publikoko eta Lan Osasuneko Institutuak. Iktusa izan duten nafarren %84k arrisku faktoreren bat zuen.
Euskal Herriaren nazio izaera eta burujabetza aldarrikatzeaz gain, "erresistentzia eta borroka antifaxistari gorazarre egitea eta berrespen antifaxista egitea" jarri dute helburuen artean.
Horbel kooperatibaren proiektu bati esker, errefuxiatuen kanpamenduetan bizi diren Saharako hamabi haur hartuko dituzte bi hilabetez Goierriko udalerri horretan. Orkli kooperatibaren Orklidea ekimeneko dirulaguntza jaso du proiektuak.
Osakidetzak berak aitortzen duenez, “komunikazioa tresnarik garrantzitsuenetako bat da jarduera asistentzialean; beraz, zerbitzuaren kalitatea bermatzeko, ezinbestekoa da paziente eta erabiltzaileak erosoen eta seguruen sentitzen diren hizkuntza ofizialean jardutea”.
Asteazkenean, NATOren goi-bilera hastearekin, aliantzak herrialdeei inposaturiko gastu militarraren aurkako mobilizazioak izan dira Hego Euskal Herriko hiriburuetan. Ostegunean eta ostiralean Iranen eta Palestinaren aurkako gerrak salatuko dituzte.