Tren sozialaren alde eta AHTren aurka manifestazioa eginen dute Iruņean

  • Nafarroak behar duen tren ereduari buruzko eztabaida sozial eta parte hartzailea abiatzea premiazkoa ikusten dute. Hori dela eta,azaroaren 11n, 17:00etan Gazteluko Plazatik abiatuko da manifestazioa.

Euskalerria irratia @fm983irratia
2017ko urriaren 30a
Abiadura Handiko Tren proiektua gaitzetsiz, tren zerbitzuak hobetzea eskatuko dute. (Argazkia: Euskalerria Irratia)

Tren ereduari buruz gizarteak esateko asko duela uste dute. Tren sozialagoa eta Abiadura Handiko Trenaren aurkako aldarrikapena eginen dute azaroaren 11n Gazteluko Plazatik abiatuta. Hauxe da tren sozialaren aldeko ekimenak aurkeztu duen manifestua:

Nafarroako Gobernuaren eta Sustapen Ministeritzaren arteko hilabeteetako negoziazioen ondoren, azken honek erabaki du obrak berak bakarrik egitea. Izan ere Ministeritzak Villafranca eta Erriberriren arteko lurren eta ondasunen desjabetzak egiteko tramiteak hasi ditu. Inposaketa/zentzugabekeria honen aurrean, hainbat gizarte taldek, sindikatuk eta alderdi politikok ahaleginak batzea erabaki dugu prozesu hau geldiarazten saiatzeko eta benetako eztabaida sozial eta parte hartzailea zabaltzeko. Horretarako, gaur aurkezten ari garen “AHTrik Ez, Trenaren aldeko ekimena” sortu dugu. Egitasmo hau arbuiatzeko arrazoiak askotan adierazi ditugu: Lurrean duen eragin ikaragarria hektarea asko hartu eta bertan hesia sortzen duelako. Bere balio ekonomiko itzela eta horri gehitu beharko zaizkion etengabeko diru-laguntza publikoak, korridore honek ez baitu bidaiari kopuru nahikorik izango funtzionamenduen kostuak berdintzeko. Kostu horrek beste beharrak asetzeko bitartekoak kenduko ditu. Bere zalantzazko erabilgarritasuna merkantziak garraiatzeko garaian. Castejon, Tafalla edo Altsasu bezalako herriek izango duten okerrerako aldaketa, zeren eta distantzia luzeko trenen sarbidea galduko baitute. Uste dugu tamaina honetako obra eraikitzeak benetako gizarte eztabaida behar duela eta momentuz ez du izan; era berean uste dugu Nafarroako Gobernuak Madrileko inposaketaren aurrean defendatu behar duela Nafarroako biztanleek gai honen inguruan hartuko duten iritzia. Are gehiago jakinda alternatiba askoz merkeagoak eta kalte gutxiago eragiten dutenak existitzen direla, eta ez direla aintzat hartuak izan. Gaur egungo trenbidea ez da aspalditik modernizatu. Hala ere egungo errealitatera egokitzea posiblea da honelako neurriak hartuz: Beharrezkoa den tokietan trenbidea bikoiztea, hirugarren haria ezartzea edota maiztasuna eta geldialdiak hobetzea. Abiadura Handiko trena egitea ez da beharrezkoa gutxiengo batek Madrilerako edo Bartzelonarako bidaian minutu batzuk aurrera ditzan; are gutxiago jakinda lotura horiek jada existitzen direla. Aldiz Nafarroako eskualdeak modu eraginkor eta merkean lotuko dituen trena lehentasunezko gaia dela sinestuta gaude. Izan dadila auto pribatuaren erabilera gutxinaka desagertzera eramango duen zerbitzu publiko eta soziala, betiere aldaketa klimatikoa eta petroleoaren agortzea testuingurua izanik. Sustapen Ministeritzak Nafarroan zati berriak eraikitzeko prozesuari jada ekin dio, beren biztanleen beharrak eta iritziak kontuan hartu gabe. Imposatutako proiektu hau, eztabaidarik izan ez duena, alderdien interes politikoen onurarako erabiltzen ari dira. Hemen azaldutako guztiagatik AHTrik Ez -Trenaren aldeko ekimenetik Nafarroako biztanleak gonbidatzen ditugu hurrengo larunbatean, azaroak 11, arratsaldeko 5etan Gazteluko Plazatik abiatuko den manifestazioan parte hartzera. Eztabaida sozial eta parte hartzailearen alde, tren publiko eta sozialaren alde, AHTa gelditu.

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Abiadura Handiko Trena  |  Nafarroa

Abiadura Handiko Trena kanaletik interesatuko zaizu...
2018-09-11 | Ahotsa.info
Nafarroako erdialdean hasi berri diren AHTren lanetara martxa antolatu dute

Irailaren 29an izanen da mobilizazioa, Marcilla inguruan AHTren lanak hasitako eremuan.


2018-09-06 | ARGIA
Alarma jo dute Urruņan, SNCFk etxe bat erosi duelako AHTren proiektuaren bidean

Frantzian trenbideen monopolioa duen SNCF konpainiak Urruñan AHT proiektuaren bidean dagoen eraikin bat erosi du , 650.000 euroren truke. Operazioak susmoak eta haserrea sorrarazi du abiadura handiko trenaren kontrakoen artean.


AHTren lanak geldiarazteko elkarretaratzea egingo dute Iruņean

Gobernu Delegaritza aurrean elkarretaratzea antolatu dute gaur, abuztuaren 31, 19:30ean. Erriberri eta Azkoien bitartean egin nahi dituzten lanak bertan behera uzteko eskatuko dute.


2018-08-29 | Hainbat egile*
Javier Ollo Altsasuko Alkateak AHTri buruz emandako erantzunari ohar batzuk

Atsekabez hartu dugu Javier Ollo Altsasuko Alkate jaunaren erantzuna, uztailaren 31koa, Abiadura Handiko Trenari (AHT) buruzkoa. Izan ere, Europako Kontuen Auzitegiak Espainiakoa Estatuan AHT garatzen ari den arlo guztietan porrot ekonomiko eta sozial itzela dela argi aski esan badu ere, Javier Ollo jaunak diskurtso aurrefabrikatua eta hutsalarekin erantzun du.


Zuloan: bidaia bat AHT eta lan esplotazioan barrena
MULTIMEDIA - solasaldia

Urko Apaolaza Argiako kazetari eta "Zuloan: bidaia bat AHT eta lan esplotazioan barrena" liburuaren egileak hitzaldia eman zuen Donostiako Tabakaleran ingurumenaren egunean, ekainak 5, liburuaren osaketan izan duen esperientziaz eta ikasitakoaz.


AHT: Amaiera gabeko trenbidea

Agintariek herritarrei “etorkizunaren” izenean hitz emandako Abiadura Handiko Trenbide sarearen hiru laurden amaitu gabe dago, lehen proiektuak hasi eta ia hiru hamarkada ondoren. Oraindik urteak beharko dituzte zati gehienak amaitzeko eta batzuk seguruenik ez dira inoiz egingo, Ipar Euskal Herrikoa kasu.


2018-08-08 | AHT Gelditu
AHT gelditu! 2018ko bizi martxa
MULTIMEDIA - bideo herrikoia

Abiadura Handiko Trenaren aurka bizikleta martxa antolatu du uztaila amaieran AHT Gelditu ekimenak. Nafarroako lurrak zeharkatu zituzten biztanleei trenaren inguruko informazio helaraziz.


Altsasuko Alkateari eskutitz irekia AHTari buruz

AHT-Gelditu!-k antolatuta eta Sakana Trenaren Alde plataformak lagunduta bizikleta-martxa egin zen Martzillatik abiatuta Altsasura arte. Hori baliatuta, Sakana Trenaren Alde plataformak gutun irekia zuzentzen dio Altsasuko Udaleko Alkatea den Javier Ollo jaunari.


2018-07-29 | Juan Mari Arregi
Tapiaren datu zoroak AHTrentzat

Lakuako Gobernuak, bere kontseilari Arantza Tapiaren bidez, jarraitzen du tematuta Euskal Y-a erakitzeko, Europako Kontuen Auzitegiak bere bideragarritasuna oso zalantzan jarri duen arren, esanez “mosaiko ez eraginkorra” eta “iruzur ekonomikoa” dela. Ajuriaeneakoek jarraitu nahi dute zorakeria faraonikoarekin, kontuan izan gabe haren xahutze ekonomiko publikoa, ez politikoki ez herritarren artean sekula eztabaidatu gabea gainera.


2018-07-27 | Ahotsa.info
Nafarroako Erdialdea zeharkatu du AHT Gelditu ekimenaren txirrindula martxak

AHT Gelditu ekimenak antolatu duen Abiadura Haundiko Trenaren aurkako txirrindula martxa Nafarroako Erdialdea zeharkatu du gaurko egunean. Martzillatik Tafallaraino, Azkoien, Faltzes eta Erriberritik pasatuz, bertako biztanleei proiektu honen inguruko informazio helarazi diete.


Azkenak
EGILEA
Eguneraketa berriak daude