Transexualitatea despatologizatzeko beste urrats bat eman du Eusko Legebiltzarrak

  • EAEko legebiltzarrean aurrera atera da pertsona transexualak, diagnostikorik eta medikuen txostenik gabe, diren bezala onartuak izateko lege proposamena.


2019ko ekainaren 27an - 17:32
Pertsona transexualen ordezkari ugari hurbildu da Eusko Legebiltzarrera garaipena ospatzera (arg: Aitzole Aranetak Twitter bidez)

Naizen elkarteak “emozioz” hartu du Eusko Legebiltzarrean onartu den neurria. 2012ko Trasexualitatearen Legearen 3. artikulua aldatu eta medikuaren diagnostikorik edo psikologo naiz psikiatraren txostenaren beharrik ez dute izango pertsona transexualek, diren bezala onartuak izateko.

EAJ, EH Bildu, Elkarrekin-Podemos eta PSEk aurkezturiko ekimenaren testuak nabarmentzen duenez nazioartean  eta agenda politikoan “transexualitatearen despatologizazioaren tematika hazi egin da” eta horren ondorioa da honako aldaketa. “Garaipen hau zuena da” esan die Oihana Etxebarrieta EH Bilduko ordezkariak hemizikloaren goialdean begira zeuden transexualen ordezkariei.

Ekimena babestu duten alderdi guztiek nabarmendu dute aurreranzko pausoa dela lege proposamena. Hala ere, Elkarrekin-Podemoseko eledun Eukene Aranak kezka azaldu du eskuin-muturraren gorakadak halako aurrerapausoak zapuztu ditzakeelako.

PPren abstentzioa

Hain zuzen, PP alderdi kontserbadorea izan da trasenxualitatea despatologizatzeko proposamenari baiezkoa eman ez dio bakarra, bere abstentzioarekin. Laura Garridok aitortu du ez dela “gaixotasun” bat, baina pertsona transexuala hala dela “egiaztatzeko” oraingo legeak jartzen duen baldintza “garantista” iruditzen zaio popularrari.

Naizen elkarteko kideak pozik azaldu dira emaitzarekin eta PPren jarreraren aurrean ere baikor agertu dira: “Ez da kontra agertu, eta oraingo abstentzioa biharko baiezkoa bihur liteke”, azaldu du Arkaitz Ibarzabal Naizeneko bozeramaileak.

Transexualitatearen despatologizazioan urratsak apurka ematen ari dira bertako zein nazioarteko erakundeetan. Adibide gisa Munduko Osasun Erakundeak duela urtebete hartutako erabakia: gaitz psikologikoen zerrendatik atera zuen transexualitatea, baina “genero inkongruentzia” gisa izendatu, norbanakoen arteko aniztasun adierazpen bat dela onartu beharrean, LGTBI kolektiboek eskatzen duten moduan.

Nafarroa izan liteke beste kasu bat: haur transexualekin lan egiten duen Chrysallis elkarteak ARGIAri azaldu zion moduan, lege aitzindaria du, baina oraindik "gaur egun osasungintzan ematen den arreta guztiz patologizatzailea da".


Kanal honetatik interesatuko zaizu: Giza eskubideak
Fermin Muguruzaren bisita batengatik “terrorismoa goratzea” leporatu diote Valentziako institutu bati

Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]


2024-03-01 | Axier Lopez
Prentsa askatasunaren aurkako sokak ez du etenik: oraingoan AraInforen kontra jo dute

Enpresa batek kereila jarri du Aragoiko AraInfo hedabidearen eta haren bi kazetariren aurka, baita Zaragoza en Común-eko zinegotzi baten aurka. Zaragozako Udalak enpresa horri emandako dirulaguntzen inguruan, komunikabide independenteak argitaratutako informazioari... [+]


Frontexek bazekien ‘Adriana’ ontziko migratzaileak arrisku larrian zeudela, baina ez zuen ezer egin

Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]


Pablo Gonzalez
Inongo frogarik erakutsi barik, bi urte espetxean Polonian

Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.


Tarajalgo sarraskitik 10 urtera, genozidio isila Atlantikoko mugan

Ceutako Tarajal hondartzan hamalau lagun hil zituzten duela hamar urte, itsasoz igeri Europara iritsi nahian, guardia zibilen eta Marokoko polizien tiro artean. Haien senide eta lagunek urteurrena baliatu dute justizia eskatzeko, auzia oraindik epaitegietan baita. Justizia... [+]


Eguneraketa berriak daude