Nahasmendu psikologiko kategoria kendu diote transexualitateari, eta genero inkongruentzia bezala izendatu. Aldaketak kontu fisikora mugatzen du orain arte gaitz psikologikotzat jotakoa.
Osasunaren Mundu Erakundeak astelehenean egin du publiko eguneratutako Nazioarteko Gaixotasunen Sailkapena, ICD-11 izena duena. Eguneraketaz baliatuta, transexualitatea “sexu osasunari lotutako baldintzak” biltzen dituen epigrafera pasatu dute, “genero inkongruentzia” gisa izendatuz. Aldaketa honekin, transexualitateak orain arte “nortasun eta jarrera nahasmenei” eskainitako epigrafean zeukan tokia betetzeari utzi dio, despatologizaziora bidean pauso bat emanaz.
ICD-11 sailkapenak 1990etik indarrean den ICD-10 sailkapena ordezkatuko du. Aurreko horretan homosexualitatea sailkapenetik at geratu zen. Ordutik, sailkapenaren gaineko bertsio ugari baimendu badira ere, orain artean transexualitatea nahasmendutzat jotzen jarraitu dute, LGTBI kolektiboaren despatologizazio eskakizunei entzungor. Aldaketa honetan eskakizun horiek kontutan hartu dira, nahiz eta kolektiboak eskatzen duen despatologizazio osora bidean bidea dagoen egiteke. LGTBI kolektiboak transexualitatea inkongruentzia ordez, norbanakoen arteko aniztasunaren adierazpen modutzat hartzea eskatzen baitu.
ICD-11 2019ko maiatzean aurkeztuko da Osasunaren Mundu Erakundearen asanblada orokorrean, eta 2022ko urtarrilaren 1etik aurrera jarriko da indarrean.
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Lege honek oztopoak kendu eta aitortza legala izatea “berebizikoa” dela adierazi du Naizen elkarteko Bea Severrek.
Osasunean, hezkuntzan eta lan eremuan eragingo du erreformak, eta pertsona ez binarioak eta intersexualak kontuan hartuko ditu.
Polemika artean atera zen aurrera Espainiako Estatuko Trans Legea, 2023ko otsailean. Erregistro Zibilean izena eta sexua aldatzeko prozesua erraztea zen helburuetako bat. Urtebetean 227 pertsonaren aldaketa burutu dute Araba, Bizkaia eta Gipuzkoan.