ARGIA.eus

2022ko urtarrilaren 26a

Transexualen eskubideak jasoko dituen Espainiako aurreproiektua urardotuta datorrela salatu dute

  • Transexualen Legea bertan behera geratu zen Espainiako Legebiltzarrean eta orain bi lege batean atera nahi ditu aurrera Espainiako Gobernuak: transexualen eta LGBT berdintasun legeak. Transexualen errealitatea difuminatuta geratu dela, adin txikiko transexualentzat atzerapausoa izan dela eta pertsona ez binarioak kanpoan utzi dituztela salatu du hainbat kolektibok.

Mikel Garcia Idiakez @mikelgi
2021eko ekainaren 29a

Bi proiektuak fusionatuta, pertsona transexualak galtzen atera direla eta euren errealitate espezifikoari behar bezalako erantzunik ez zaiola ematen salatu du transexualen kolektibo ugarik. Adibidez, enpleguan, hezkuntzan, osasunean, kirolean… pertsona transexualek bizi duten egoera eta horren aurreko babes legala asko murriztu dela salatu dute.

Adin txikikoen artean, ezberdintasunak

Lege proposamen berriarekin, 14 urtetik gorakoek sexua aldatu ahal izango dute erregistroan, medikuaren txostenik edota tratamendurik gabe. Alegia, beren identitatearen autodeterminazioa onartuko zaie, beti ere gurasoen baimena ezinbestekoa delarik.

Ordea, adina 14 urtetan ezartzea atzerapausoa dela kritikatu du Naizen elkarteak (Hego Euskal Herriko transexualen familien elkarteak), zenbait kasutan sexua aldatzeko aukera aitortu egin zaielako 11 eta 12 urteko haurrei ere, Auzitegi Konstituzionalak hala ebatzita.

Aurreproiektuaren arabera, 12 urtez azpikoek ez dute autodeterminazio eskubiderik (izena baino ezingo dute aldatu), eta beraz 12 urtera arteko transexualen eskubideak alboratu izana salatu dute. 12 eta 14 urteen artean, epaitegien onespena beharko dute (eta gurasoena) erregistroan sexua aldatzeko.

Pertsona ez binarioak ere, kexu

Espianiako Legebiltzarrak atzera bota zuen hasierako proiektuak pertsona ez binarioak aipatzen zituen eta NAN agirian hirugarren laukitxo bat jartzea eskatzen zuten, binario ez diren pertsonentzat. Baina herritar ez binarioak guztiz ezabatu ditu aurreproiektu berriak, kolektiboek adierazi dutenez.

Kanal hauetan artxibatua: Transexualitatea  |  LGBTI  |  Espainiako Gobernua

Transexualitatea kanaletik interesatuko zaizu...
Emakume transexual batek bortxatu egin dutela salatu du Gasteizen

Erasoa igandean gertatu zen, Gasteizko Abetxuko auzoan. Gizonezko batek labanarekin mehatxu egin zion emakume bati, eta bortxatu egin zuen. Biktimak salaketa jarri du. Asteazken honetan, 20:00etan, deitu dute elkarretaratzea, Gasteizko Bilbo plazan.


Eraso transfobo bat Gasteizen eta homofobo bat Lizarran; eskalada LGBTfobikoaz ohartarazi dute

Emakume transexual bat jipoitu dute Gasteizen; Lizarran berriz, hiri-autobusean bi bidaiarirengandik irain homofoboak jasan behar izan zituen hirugarren batek bidaia osoan zehar. Zerbitzu publikoa den heinean protokoloaren inguruan galdetu diote La Estellesa autobus konpainiari,... [+]


"LGBT kolektiboan zaurgarrienak garenak eskubiderik gabe jarraitzera kondenatu gaituzte"

Trans Legea ez du tramitera onartuko Espainiako Kongresuak, PSOEk abstenitzea erabaki ostean lege-proiektuak ez baititu nahikoa boto lortuko. Borrokan jarraituko dutela esan digu Edurne LH aktibista iruindarrak, baina gogorra izan dela onartu du: “Jasan behar izan dugu... [+]


"Identitate disidenteak asimilatzen doa sistema, heteroaraura moldatuta"

Armairuaz, LGBT mugimenduan bizirik diren eztabaida eta borroka moldeez, sexu askapenaz, lumafobiaz, korronte erreformista eta erradikalaz, haurren identitatearen eraikuntzaz, espazio bizigarriez... aritu gara Hiruki Larroxa kooperatibako Egoitz A. Albeniz eta Ibai... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude