Transen eskubideen aldeko elkarretaratzea eginen dute Baionan, 800 eragileren deiarekin bat eginik

  • Maiatzaren 5ean mobilizatzeko deia luzatu dute 800 eragilek Politis komunikabidean plazaraturiko iritzi artikulu baten bitartez. Tartean daude besteak beste, Annie Ernaux idazlea, Hiesaren aurka dabilen Act Up elkartea, Planning Familial talde feminista ezaguna, Clémentine Autain diputatua, transen eskubideen aldeko Espace Santé Trans elkartea eta Manifesto XXI komunikabidea.


2024ko maiatzaren 02an - 16:05
Azken eguneraketa: 17:08

Emendatuz doan transfobiaren aurka mobilizatzeko deia luzatu dute Frantziako Estatuko 800 eragilek maiatzaren 5erako. Bitxi Bitxi, Planning Familial ala bestek, Ipar Euskal Herri mailan ere zabaldu dute deia eta hitzordua jarri dute iganderako, 12:00etan Baionako Herriko Etxearen aitzinean. Norberak bere gorputzaren burujabe izateko eskubidearen alde aterako dira karrikara Lapurdiko hiriburuan, zein beste 30 bat hiritan.

Transen aurkako erasoen gorakada nabaria den honetan, bi gertakizunek aktibatu dute erantzun bateratu hau. Batetik, Errepublikarrak eskuineko alderdiko senatarien lege proposamenak, zeinek debekatuko lieken transizioa bideratzeko aukera adin txikikoei. Gainera, haur transen gaineko kontrol psikiatrikoaren indartzea ekarriko luke testuak, baita laguntza bideratzen dieten medikuentzako bi urte arteko kartzela-zigorra ere. Gisa bereko testu bat aurkezturik du eskuin muturrak Legebiltzarrean. "Adin txikikoak dituzte helmugatzat, baina ez dira hor geldituko. Errepublikarren txostenak dagoeneko planteatzen du 25 urtetik beherako helduentzako edozein trantsizio debekatzeko aukera. (...) Haien logika, azken finean, trantsiziorako edozein aukera debekatzea da, adina edozein dela ere", irakurri daiteke Politis-ek zabalduriko idatzian.

Bestetik, eskuin muturrak sustaturiko Transmania izeneko liburu transfoboaren publikazioak ere haserrea eta kezka piztu ditu. Dora Moutot eta Marguerite Sternek publikaturiko liburua da, lehena feminismoaren alorrean idazten arituriko kazetaria da eta bigarrena, Femen taldeko kide ohi bat. Diskurtso esentzialistan oinarrituriko transen aurkako muturreko irakurketa dakar liburuak.

Frantziako Estatuaz zabalago, nazioarte mailan zabalduriko transfobiari aurre egin beharra azpimarratzen dute 800 izenpetzaileek: "Erresuma Batuan, Quebecen, Italian, Norvegian, Finlandian, Suitzan... nabari da transaren aurkako erasoa izango dela datozen hilabete eta urteetako erreakzionarioen ardatz nagusietako bat. Haurren osasunaz eskuinak eta eskuin muturrak duen kezkari buruzko ilusiorik ez dugu. Izan ere, sexu-zatiketa indartzea da haien helburua, gazte transen eskubideei eraso eginez eta intersex haurren mutilazioei eutsiz. "Sistema kapitalistaren krisi berri baten sarturik garela, 'barne etsai' bat sortzea dute helburu, zapalduak euren artean banatzeko gisan".

Eraso transfobo horiei aurre egiteko bidean, kolektiboki eta aliantzen bidez antolatzeko beharra azpimarratu dute 800 izenpetzaileek.

 


Kanal honetatik interesatuko zaizu: LGBTI
Gorputz hotsak
“Herrietan lumek lekua daukate, edo behintzat, nire gorputzak kabitzea lortu du”

Joten erritmora harro erakusten du luma Itxi Guerra aktibista antikapazitistak (Madril, 1998). Gorputz desgaituek bizi dituzten biolentziak balioztatzeko eta sistemari aurre egiteko saretzearen garrantziaz mintzatu da. Gorputzaren bizigarritasuna aldarrikatu du:... [+]


Alemaniako futbolari gay-ak zergatik ez dira azkenean ausartu armairutik ateratzera?

Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]


Alejandra Burgos eta Karla Guevara, El Salvadorko trans aktibistak:
“LGTBI komunitatea eta emakumeak beti egon gara salbuespen egoeran”

Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]


Nola landu desirak, aniztasun sexuala edota identitatea 12-18 urteko ikasleekin?

Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]


BOLLOTOPAKETAK
Bollera subjektua erdigunean jartzera datorren hitzordua

Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]


Eguneraketa berriak daude