Europako Kontseiluko Torturaren Prebentziorako Batzordeak Espainiako Estatuko komisariak, espetxeak eta atzerritarrak barneratzeko zentroak bisitatu zituen 2011ko maiatzaren 30etik ekainaren 13ra bitartean. Ikusitakoaren arabera, presoen aurkako torturak salatu ditu Batzordeak bere txostenean eta torturaren aurka irmoago ekiteko eskatu die Espainiako agintariei.
Inkomunikazio egoera "salbuespenezko neurria eta mugatua" izan beharko lukeela azpimarratu du Batzordeak eta atxilotuei begiak edo burua estaltzea debekatuta egon beharko lukeela, baita galdeketetan ere. Hasieratik, atxilotuek abokatu bat izan beharko luketela dio txostenak, inkomunikazio egoeran edo galdeketetan. Azken finean, Batzordeak ondorioztatu du "galdeketak, sarri, arauditik kanpo" egiten direla.
Batzordeak elkarrizketatu zituen ustezko 11 ETAkideetatik 10etan tratu txarrak antzeman zituzten: kolpeak atxilotuei, poltsaren moduko tortura praktikak, eta kasuetako batean, baita sexu erasoa ere. Tratu txarren helburua da ahozko judizio-ikustaldirako adierazpen sinatua lortzea, dio txostenak.
Estatuko hainbat komisaria bisitatu zituzten eta Cadiz eta Madrilgo galdeketa aretoetan makilak eta beisboleko bateak aurkitu zituzten.
Guardia Zibilak jarritako trabak
Batzordeko ordezkariek salatu dutenez, Guardia Zibilak ez zien utzi Madrilgo inkomunikazio unitatea bisitatzen, 2007an gertatu zen moduan. Txostenak dioenez, Europako Kontseiluko Torturaren Prebentziorako Batzordeak "bi hamarkada daramatza Guardia Zibilak urratzen duen tratu txarren arazoaz Espainiako agintariak ohartarazten", baina arazoak "konpondu gabe jarraitzen du".
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.
Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]
1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]