Topa Gaitezen: "Euskaratik eta Euskaraz aritzera goazen gazteak gara"

  • Bizkaiko euskaltzaleen topaketak egin eta hiru astera prentsaurrekoa eman dute Topa Gaitezeneko kideek. Hizkuntzek herriaren garapenean duten garrantziaz jabetuta, hizkuntzaren inguruko hausnarketak piztu nahi dituzte tokian tokian.

Topatu.eus @topatu_eus  |  Uriola.eus @uriolaeus
2018ko abenduaren 06a

Topa Gaitezen:

Abenduaren 4a da gaur. Ez da hilabete pasa Portugaleteko Merkatuan 100 gazte inguru euskararen inguruan eztabaidatzeko batu ginenetik. Egunak berak luzerako eman zuen, goizeko 10:30etan hasi eta gaueko 20:30etan bukatu ziren prestatuta genituen eztabaida-dinamikak; leher eginda bukatu genuen bai, baina baita esperantzarekin ere, pausu bat aurrera eman duenaren uste sendoarekin. Izan ere, gazte eta euskaltzale bezala izan nahi dugun horren lehen zertzeladak eman genituen eta aurrera egiteko oinarri sendoa jarri. Egun osoko eztabaidaren ondorioa bost hitzetan laburbildu dezakegu: euskaratik aritzera goazen gazteak garela.

Argi baitugu euskarak eta hizkuntzek balio komunikatiboaz gain pertsona eta herri gisa dugun garapenean duten garrantzia. Horrela, euskarak eta hizkuntzak ikuspuntu horretatik aztertzeko ariketa egingo dugun gazteak izango gara, hizkuntzei balio komunikatiboaz gain duten balioa aitortuko dietenak. Horretarako hizkuntzen balio eta ulerkeren inguruko hausnarketak piztuko ditugu, tokian tokiko errealitatera egokitzeko helburuarekin, beharrezko diren hausnarketa baliabideak mahai gainean jartzeko konpromezua hartuz. Eskualdeetatik herrietara, Igorretik Bilbora, gaztetxeetatik ikastetxe eta unibertsitatera. Gazteen arteko saretze eta elkar ezagutza bultzatu nahi dugu, bakoitzaren errealitateak ekarpena egin dezan, gero kolektibo bat eraiki dezagun. Ezin ahaztu, noski, gure aurrekoek egindako lana; horregatik belaunaldien arteko transmisioa sustatuko dugu, iraganeko erabakiak aztertuz etorkizuna irudikatzeko. Saretze, hausnarketa eta baliabideen bitartez, gaur hausnarketa direnak biharko norabidea markatu dezaten.

Hau egiteko ez goaz egitura zurrunik sortzera, mugimendu izan nahi dugu, egunero zabaltzen doan mugimendu bat. Gure oraingo esparruetan euskaratik eragiten hasiko gara, gure egunerokoan sufritzen ditugun zapalkuntzak azaleratzen eta ikusarazten. Euskaratik lan egingo duten mugimendu erreferenteak sortuko ditugu aukera dugun tokietan. Euskararen aferan lanean diharduten eragileekin lan egin eta eragile horien arteko elkarlana sustatuko dugu, zapalkuntza ezberdinen aurka borrokatzen diren gainerako mugimenduekin ere elkarlanean arituz. Gutxinaka-gutxinaka, hausnarketak bideratuz eta hausnarketetan sakonduz komunitatea ehuntzeko, eta komunitatetik herria eraikitzeko.

Abenduaren 4a da gaur bai, Euskal Herria Euskaraldiaren erronkaren osteko biharamunarekin dabil, balorazio eta pentsamoldeekin. Guk baina, Amets Arzallusek aditzera eman bezala, badakigu 12. egunak duen garrantzia; eta euskaraldian gogotsu parte hartu ostean, Euskal Herria euskaratik eta euskaraz eraldatzeko erronkari heldu diogu. Ez da makala egitera goazena, ez horixe! Baina ez da makala ere euskal komunitate saretu batek daukan potentziala. Hemen gaude, eta umiltasun osoz zera diogu, gu lanean hasiko garela, eta bai Bizkaiko gazte guztiei, baina baita Euskal Herriko gazte guztiei ere, euskaratik eta euskaraz aritzeko eta lan egiteko deia luzatzen diegula.

 

Albiste hau Topatu.eus-ek argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskararen erabilera  |  Bizkaia

Euskararen erabilera kanaletik interesatuko zaizu...
Eneko Gorri, Mintzalasai euskara elkarteko kidea eta Miarritzeko euskara teknikaria
"Euskaldunak gara, baina oraindik ez dakigu ogia euskaraz erosten"

Eneko Gorrik (Angelu, 1983) Erabileraren aroa: begirada bat Ipar Euskal Herritik hitzaldia eskaini zuen Topaguneak urtarrilaren 31n antolatutako Euskaltzaleen mugimendu berritura bidean jardunaldietan. Gorrik uste du gazte sektore ameslarienean euskararekin sekula baino konektatuagoak direla. Kudeaketa lanak zaharrei utzi eta haien militantzia eredua sortzea proposatzen die.


Nortxu Nuñez. Gasteizko "Baiona" hortz klinikaren arduraduna
"Euskara hiztunak gara guztiok, bat izan ezik"

Joan den urte amaieran Lazarraga Saria jaso zutenen artean da Baiona Hortz Klinika. Odontologia zerbitzua euskaraz eskaintzen du Gasteizen Nortxu Nuñezek (Trapagaran, Bizkaia, 1976) zuzentzen duen zentroak. 2004az gero ari da Arabako hiriburuan. Lazarraga Sariaren aitzakian joan gatzaizkio, eta ARGIAren mendeurrena aipatu digu berak.


2019-02-25 | Hernaniko Kronika
'Baietz Hernanik!' erronkaren emaitzen aurkezpena, gaur

Aztikerrek aurkeztuko ditu, 19:00etan Biterin, eta datu ugari emango ditu: erronkalarien %63,9 emakumeak, gehienak 30-44 urte bitartekoak...


2019-01-15 | Xiberoko Botza
Eüskara ikastea aisa da, zonbaitentako phürü!

Xiberotarraren egoera linguistikoa aztertzeko Dylan izeneko ingles bat ebilten da heben gainti.


2019-01-13 | Malen Ubiria
Lau haizeetara edo "a los cuatro vientos"?

Irail amaierarako plan ezin hobea izan daiteke. Hartu Goierri Valley-n egindako autobusa, eta joan Bermeo Tuna World Capital-era. Erosi garagardo parea Izaro Irish Pub-en, eta gozatu estropadez, moila gainean eserita. Ziur traineruren batean badagoela BAT Basque Team-en dabilen arraunlariren bat, eta agian Go Fit Hondarribia-k irabaziko du estropada. Kirola atsegin ez bada, gertu dago Urdaibai Bird Center. Iluntzean, Gipuzkoara joan eta Basque Culinary Center-en afaldu ostean osteratxoa egin... [+]


2019-01-10 | Iñigo Igartua
Joseba Sanchez (Baskonia Zainetan)
"Saskibaloiaz euskaraz informatzeko dagoen hutsunea bete nahi dut"

Joseba Sanchez txiolari eta saskibaloi adituak Baskonia Zainetan proiektua jarri du martxan. 2006an sorturiko “Baskonia en vena” blogari buelta bat eman nahi izan dio, hedabideetan saskibaloia euskaraz jorratzeko dagoen gabezia bete nahian.


"EuskarAbentura 2019" aurkeztu dute iazko arrakastaren ondoren

Iazko espedizioaren balorazioa “oso ona” egin dute antolatzaileek, eta bigarren edizioa bueltan izango da datorren uztailean. 2002. eta 2003. urteen artean jaiotako gazteei zuzenduta egongo da.


Euskaraldia
Ikusgaitasuna, konplizitatea eta konpromisoa

Orri hauetan Euskaraldi betean egindako hiru elkarrizketa jaso ditugu. Asier Lafuente Arabako lautadako Euskaraldiaren koordinatzailea izan da; Kattalin Minerrek hirugarren ekinaldia du, aurrez Donostiako Egiako eta Piratetako ekimenentan parte hartu baitzuen; eta Alberto Irazu ahobizia Egian Euskaraz Bizi Nahi Dugulako ekimen aitzindariaren bultzatzaileetakoa izan zen.


2018-12-04 | ARGIA
Euskaraldia arrastoa utziko duen esperimentu handitzat jo dute antolatzaileek

Euskararen Egunean, abenduaren 3an, hamaika egunak bukatuta, ekimenaren sustatzaileek lehen balorazioa egin dute. Ariketa masiboa izan da, herritarrei hausnarketa eginarazi die eta hainbat ohitura aldatu dituzte. Euskaraldia hasi besterik ez dela egin adierazi dute.


Eguneraketa berriak daude