Tapia Legearen aurka mobilizatu dira ehunka herritar Gasteizen
Araba Bizirik plataformak antolatutako manifestazioak hiriaren erdigunea zeharkatu zuen larunbat arratsaldean. Tapia Legea naturaren eta demokraziaren aurkakoa dela salatu dute, eta ohartarazi tramitean dagoen legearen moldaketa are kaltegarriagoa dela.
Bazkalosteko euri zaparrada mardulen ostean, ehunka herritar batu ziren Gasteizen larunbat arratsaldean Tapia Legearen aurka egiteko. Parke eoliko eta fotovoltaikoak, goi tentsioko linea elektrikoak, AHT... Araban aurreikusita dauden hainbat proiekturen aurkako pankartek, irudiek eta mezuek koloreztatu zuten mobilizazioa, lurraldeko hamaika herrietako bizilagunek eramanak.
Bilbo plazan hasi eta Andra Mari Zuriaren plazan amaitu zen manifestazioa. Bertan, antolatzaileek Tapia Legearen aurka egiteko dituzten arrazoiak laburbildu zituzten. Tapia Legeak boterea “zentralizatzen” duela salatu zuten, udalerrien eta kontzejuen erabaki ahalmenaren alde eginez: “Herri gisa mendeetan zehar mantendu dugun antolatzeko modua, lurrari eta gure sinesmenei lotuta dagoena, bat-batean kendu nahi digute”. Ingurumenaren eta trantsizio energetikoaren izenean udalerri eta kontzejuek onartzen ez dituzten eta naturaren aurka doazen proiektuak inposatu nahi ditu Jaurlaritzak Tapia Legearen bidez, Araba Biziriken esanetan: “Proiektu horiek ez dira alternatiba krisi ekologiko, sozial eta energetikoaren aurrean. Ez dira energetikoki eraginkorrak, horiek garatzeko energia fosil kopuru handiak bideratu behar baitira, eta ez dute energiaren kontsumorako eskubidea demokratizatzen”.
Tapia Legea 2.0
Abenduan onartu zuen Gasteizko Legebiltzarrak Tapia Legea, Jaurlaritzak Interes Publiko Goreneko Proiektu (IPGP) izendatzen dituen proiektuen inguruko erabakimena udalerriei kendu eta Jaurlaritzari ematen diena. Gaur gaurkoz, proiektu horiek ingurumen arloari loturikoak eta sustapen publikokoak izan behar dutela dio legeak. Baina tramitean da Tapia Legearen moldaketa, eta onartuz gero IPGPak sustapen pribatukoak eta edozein esparruri loturikoak izan ahalko dira. “Ez dugu onartuko!”, ohartarazi zuten manifestazio amaieran.
Tapia eta Tapia II Legeek, EAJ eta PSEk bultzatuta, natura suntsitu eta enpresak aberasteko balioko dutela gogorarazi dute manifestazioaren hondarrean. Gobernantza sozial eta lokalaren aldeko apustua ere berretsi dute Arabako herritarrek. pic.twitter.com/sTWgK7vmAD
— Hala Bedi (@halabedi) May 14, 2022
Agerraldia deitu zuen Laudioko mugimendu feministak igandean, Odoloste eguneko goizaldean Txosnagunean gertatutakoa salatzeko.
Baionako ospitalean unitate berritzaile bat ideki da: kardio-ginekologia unitatea, menopausian diren emazteei zuzendua. Gai hau, askotan tabu edo bazterrean utzia, osasun arazoak eragin ditzake bizitzako etapa horretan.
Irailaren 10a izanen dute protestarako lehen hitzordua. 2018 urteko Jaka Horien mugimenduaren segipen gisa ikusten dute anitzek deia, nahiz eta alderdi politikoak eta sindikatuak dinamikari lotu izanak ezberdintzen dituen biak. François Bayrouren austeritate politikaren... [+]
Candela emakumeen elkarteak eta PSNk eskatu dute argazkia kentzea eta udalak argitaratutako materialetan kontrol handiagoa egotea, ez egoteko estereotipo sexistarik.
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Ibilaldiaren helburuak dira, alde batetik, Euskal Herrian kausa palestinarra babesteko sarea ikusaraztea eta aktibatzea, eta, bestetik, sionismoarekin kolaboratzen duten enpresa eta erakundeak salatzea, hala nola CAF, Teva, Carrefour, Zara eta Bardeako tiro poligonoa. Euskal... [+]
Euskal Herrian auzo borrokalaririk bada, hori Txantrea da zalantzarik gabe. Herritarrek euren eskuz eraikia (literalki), auzoa defendatzen ikasi dute kalez kale, izan poliziarengandik, izan agintarien utzikeriatik, izan ugazaben diru-gosetik. Baina auzoa hori baino gehiago da,... [+]
Ezagutu dezakezu Euskal Herria gure txoko eder eta famatuenak bisitatuta, Instagramerako edo postal baterako argazkiak aterata zure buruari, kostaldeko paisaietan edo monumentu bisitatuenetan irri eginez. Baina ez duzu Euskal Herria guztiz ezagutuko. Horretarako, hobe zenuke... [+]
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
Donostiako hirigunetik Urumeak banandua, nekazaritza eremu zabala zen Egia: Nabarrizene, Txurkoene, Mikelaene, Polloene... 70 baserri baino gehiago zeudela uste da. Trenbidearen etorrerak beste destino petral bat ekarri zien lur horiei, ordea: zerbitzuetarako eta... [+]
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
1962ko udan, CNT Francisco Franco diktadorea hiltzen saiatu zen Donostian, ETAren laguntzarekin. Octavio Alberola anarkistak koordinatu zuen ekintza, baina huts egin zuten.
Sasijakintsua, jakineza eta franco txikia: horiexek dira aurrekoan Gotzon Lobera jaunak, Bilboko kale batzuen izenak aldatzeko ekimenaren kariaz, Deia egunkarian zuzendu dizkidan epitetoak. Ez du nire izena aipatu, egia, baina neu izan naizenez urte eta erdi luzeko borrokan... [+]
Hasieratik argi utzi nahiko nuke ez naizela inolaz ere feminismoan, sexu- eta genero-teorietan ezta LGTBIQ+ komunitatearekin lotutako gaietan aditua. Gizon txuri heterosexual bat naiz, ezkertiarra esan dezagun, bere burua feministatzat hartzen duena (edo feministen aliatua,... [+]
Hainbat talde "neonazik" azkenaldian Irunen zabaltzen ari dituzten mezuak salatu dituzte asteazkenean Harrera Sareak eta hainbat kolektibok herrian. Eskuin muturreko "auzo patruilak" antolatzen ari direla salatu dute, eta hauek jendearen jatorriaren arabera... [+]