Suteen ondorioz Nafarroan hartutako neurriak kritikatu dituzte ekologistek
Ekologistak Martxan, Sustrai Erakuntza eta Lurra taldeek ohar bateratua kaleratu dute eta nabarmendu dute Nafarroako Gobernuaren neurriak berandu datozela eta ez direla nahikoak.
Nafarroako Gobernuak Nafarroako Ingurumen Kontseiluan aurkeztu ditu suteen aurkako neurri berriak. Talde ekologistek diote luzarotik eskatzen aritu diren proposamenetako batzuk jaso direla, baina azpimarratu dute sute-uholdearen ondoren etorri direla, sute gehienak saihestu zitezkeenean. Eskatu dute suteak prebenitzeko asmo handiagoko neurriak “irmoki eta nahitaez” hartzea.
Oharrean adierazi dutenez, bost sute tximistek eragindakoak izango lirateke, bi tren baten txinpartek eragindakoak, hiru ikertzeko daudenak giza jardueraren susmoarekin, eta gainerako hogeiak, % 67, uzta biltzeko makinen txinpartek eragindakoak. Ekonomikoki kaltegarrienak diren bi suteek uzta biltzeko makinek eragin dituzte: Valdizarbe – Erreniega eta Bardeako ingurua.
Egurasko Erreserba Naturalean 2021ean izandako sute larriaren ondoren, Nafarroako Gobernuak urtebete “neurririk hartu gabe” eman duela salatu dute. Aldiz, aspalditik eskatzen aritu diren proposamenak kontuan hartu balituzte “sute horietako asko” ez zirela gertatuko azpimarratu dute. Landa Garapeneko eta Ingurumeneko kontseilariak, Ingurumeneko zuzendari nagusiak eta Nekazaritzako zuzendari nagusiak kargua uztea eskatu dute.
Bestalde, Errigora elkarteak kalteei aurre egiteko diru-bilketa hasi du. Taldeak bat datoz: kalteak “oso handiak” izan direla argi geratu da eta denek adierazi dute zorionez ez dela giza biktimarik izan.
Ekologistak Martxan, Sustrai Erakuntza eta Lurra erakunde ekologisten oharra hemen osorik.
Suak geroz eta leku gehiago hartzen du albisteetan. Azken urteetan sute askok partida irabazi digu, planeta osoan zehar. Egungo suteak ez dira lehengoak bezalakoak, erasokorragoak dira eta planeta sakonki aldatzen ari dira: Pirozenoa dei genezakeen garaiaren atarian jarri... [+]
Alerta gorria ere jarri dute eskualde batzuetan: zehazki, Bizkaiko eta Gipuzkoako kostaldeetan, Ebro ondoko eskualdean, Bizkaiko eta Gipuzkoako barnealdeetan eta Arabako erdialdean.
Sute arrisku handia aurreikusi dute egunotarako Nafarroan. Babes zibil eta larrialdietako zerbitzuak, suhiltzaileak, Poliziaren ingurugiroaren babes brigada, ingurugiroaren departamentua, Guardia Zibila eta Estatuko Agentzia Meteorologikoaren Nafarroako delegazioa abuztuaren... [+]
Tenperatura altuek eta lur eremu lehorrek eragin dituzte suteak asteartean. Ondorengo herrialdeak izan dira kaltetuenak: Kroazia, Aljeria, Tunisia, Siria, Italia, Grezia eta Frantzia. Azken orduetan, Portugalen eta Kanariar Uhartean ere zabaldu dira suteak.
Inoiz erregistratu diren tenperatura altuenak ekarri ditu bero-boladak, eta horrekin batera baso suteen arriskua areagotu da.