Soldatapeko emakumeek gizonek baino ia hiru ordu gehiago eskaintzen diete etxeko lanei eta zaintzari
Araba, Bizkaia eta Gipuzkoako emakumeen batez besteko urteko errenta pertsonala gizonena baino 9.500 euro txikiagoa da, "eta alde hori ez da arindu azken 15 urteetan", Eustatek plazaratutako azken txostenaren arabera. Gainera, zuzendaritza-karguetan dauden emakumeen proportzioa 4 puntu baino gehiago jaitsi da 2015 eta 2021 artean.
Emakumeek ez dute ordezkaritza parekidea botere-postuetan beren pisu demografikoari dagokionez, batez ere eremu pribatuan. Hori ondorioztatu du Eustatek bere azken txostenean. Genero Berdintasunaren Indizea (GBI) 1etik (erabateko desberdintasuna) 100era (berdintasun osoa) neurtzen da. Aztertutako eremuetan, botere ekonomikoari dagokiona da emakumea berdintasunetik urrunen dagoena: 45,1. Eustatek azpimarratu duenez, botere publiko/politikoaren eremuan legeak du arautzen berdintasuna eta emaitza begi-bistakoa da: indizea 96,7 da.
Lan-baldintza okerragoak
Gizonek kontratu mugagabe eta lanaldi oso gehiago dituzte emakumeek baino. Adibidez, 2020an, emakume landunen %22,7k lanaldi partzialean egiten zuen lan, eta portzentaje hori %7koa zen gizonen artean. Gainera, emakumeen lan-baldintzak okerragoak izateko beste faktore erabakigarri bat da kontziliazioa. Emakumeek gizonek baino ordu gehiago eskaintzen dizkiote egunero etxeko lanei edota adin txikikoak eta mendeko pertsonak zaintzeari. Zehazki, 2021ean gizonek baino ia hiru ordu gehiago egunean, eta alderik nabarmenena seme-alaben zaintzan dago: 1,4 ordu gehiago.
Zuzendaritza-karguak eta botere ekonomikoa
Boterearekin lotura duen adierazle nagusietako bat errenta da. Bada, errenta-maila altuenetan gizonen ehunekoa emakumeena baino hiru aldiz handiagoa da. Emakumeen batez besteko urteko errenta pertsonala gizonena baino txikiagoa da (9.500 euro inguru) eta alde hori ez da arindu azken 15 urteetan.
Txostenaren arabera, Araba, Bizkaia eta Gipuzkoako zuzendaritza-karguetan dauden emakumeen proportzioa 4 puntu baino gehiago jaitsi da 2015 eta 2021 artean. 2021ean, zuzendaritza-karguen %32,26 (eremu publikoa eta pribatua) emakumeak dira, eta are txikiagoa da zifra goi-zuzendarien eta enpresaburuen kasuan: %25,58.
Erran egin nion umetan sexu abusu bat jasanarazi zidanari: hala egin zidala. Bazekien, sinetsi zidan, eta errespetatu du harekiko behar dudan urruntzea. Zortea izan nuela uste dut; denok ez daukagula bera. Prozesu inperfektu haren kontakizun ez-fikziozko bat da hau.
Nagyrev (Austro-hungariar Inperioa), 1911. Zsuzsanna Fazekas emagina hungariar herrixkara iritsi zen. Bere egitekoaz gain, medikuntza, kimika eta beste alor askotako oinarrizko ezagutzak zituenez, eta Nagyreven ez medikurik eta ez apaizik ez zegoenez, berehala eragin handia... [+]
Atzo egindako agerraldi publikoan adingabeei egindako iruzkin matxistei eta emakume helduek pairatutako ukituei dagokizkien garrantzia eman nahi izan zieten.
Emakumeak dantzara atera eta gizonezko dantzariek oztopatu egin dituzte, bultza egin diete eta haien dantza eragozten saiatu dira. Beste batzuetan musikariak geldiarazi dituzte eta ikusleetako batzuk bizkarra eman diete emakume dantzariei. Ez da Baztan, ez Hondarribia edo Irun;... [+]
Agerraldia deitu zuen Laudioko mugimendu feministak igandean, Odoloste eguneko goizaldean Txosnagunean gertatutakoa salatzeko.
Candela emakumeen elkarteak eta PSNk eskatu dute argazkia kentzea eta udalak argitaratutako materialetan kontrol handiagoa egotea, ez egoteko estereotipo sexistarik.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]