Bi hildako eta tentsio uneak Krimeako hiri nagusietan
Tentsioak gora egin du astearte gauean, Krimeako penintsula Errusian sartu ondoren. Simferopolen tiroketa izan zen asteartean eta Sebastopoleko Ukrainako armadaren egoitza indar errusiazaleek hartu dute.
Bi hildako eragin zituen astearteko tiroketak: Ukrainako armadako kide bat eta Krimeako “autodefentsa miliziako” beste bat (milizia hori Errusiarekin bat egitearen alde dauden soldaduek osatzen dute).
Gertakarien bi bertsio
Ukrainako Defentsa ministerioko eledun Vladislav Selezniovek telebistan adierazi duenez, soldadu ukrainarrak bularraldean eta lepoan jasotako tiroen erruz hil da.
Uniforme errusiarrak jantzita, baina soldadu errusiarrak direla baieztatzeko moduko bereizgarririk gabe, hainbat militar Simferopoleko kartografia eta topografia militarraren zentroa indarrez hartzen saiatu direnean gertatu da tiroketa Seleznioven arabera. Beste militar ukrainar bat ere zauritu dute Selezniovek adierazi duenez.
Aldiz, gertakaria Ukrainako ultraeskuinaren probokaziotzat jo dute errusiazaleek. Krimeako segurtasun indarrek adierazi dutenez, autodefentsa miliziako kide bat ere hil da. Gertakariez Russia Todayk eman duen bertsioaren arabera, topografia zentroaren ondoan dagoen eraikuntza batetik frankotiratzaile batek egindako tiroek hil dituzte bi soldaduak.
Topografia zentroak ez du pertsonal askorik RTk dioenez eta, hedabide errusiarrean diotenez, Errusiaren parte izango den Krimean geratzeko dokumentazioa prestatzen ari dira bertako militarrak. Webgune berean irakur daitekeenez, frankotiratzaile bat atxilotu dute.
Sebastopoleko gertakariak
Autodefentsa miliziako kideek eta hainbat manifestarik Sebastopolen dagoen Ukrainako armadaren egoitza hartu dute asteazkenean. 8:00etan hasi dira eraikinaren inguruan protestak eta behin eremuan sartu ondoren, ITAR-TASS agentziaren arabera 50 soldadu ukrainarrek utzi dute eraikina. Indarkeriarik gabeko ekintza izan da hainbat iturrik emandako bertsioen arabera.
Krimeako tatareraz lan egiten duen munduko telebista kate bakarra, ATR, lizentziarik gabe utzi du Errusiak. Erabakia teknikoa izan dela adierazi diete Nationalian irakur daitekeenez, legedia betetzeko eskabideak ez dituela garaiz bete argudiatuz. Internet bidez emititzen... [+]
2014ko otsailaren 28an; Sebastopolen milaka pertsonek Nakhimov almirantearen plaza hartu eta hiriaren defentsa antolatzen hasi ziren. Egun batzuk lehenago, Kieveko Maidan plazako ekintzaile europarzaleek eraikin publikoa okupatu eta botere aldaketa bortizki gauzatu zuten.
Alex Salmond Eskoziako ministro nagusiak jada adostu du Espainiako Gobernuarekin Eskoziak independentzia lortzen badu, onartu egingo duela.
Krimea: Itsaso Beltzeko urrea eta sekretuak erakusketa ekainaren lehena bitartean egon zen ikusgai Amsterdameko Unibertsitateko Allard Pierson Arkeologia Museoan (argazkian, K.a. 4. mendeko urrezko kaskoa).
Ukrainak badu presidente berria. Petro Poroxenko enpresari milioidunak bildu ditu bozen %57. Bigarren bozkatuena Julia Timoxenko lehen ministro ohia izan da, %12,39arekin. Poroxenkok guztira bozen %50 baino gehiago bildu dituenez, ez da beharrezkoa izango bigarren itzulia... [+]
Rafael Poch kazetariarekin elkarrizketa izan dute Rebelion.org webgunean, Ukrainako egoera ardatz hartuta. La Vanguardia egunkariko nazioarteko adituak egoera ulertzeko hainbat gako eman ditu.
Krimear penintsula errusiar federazioan integratzean errusiar nazionalitatea eskuratu zuten pertsonek, ukrainar herritartasuna mantendu ahal izango dute, hala nahi izanez gero.
2014 urte historikoa izango dugu Europan. Bai Katalunia zein Eskozia abiapuntuan daude: erreferendum bitartez, bai batak zein besteak, geroz eta oldarkorrago eta antidemokratikoago den Europar Batasunaren baitan beren etorkizuna erabakiko dute. Gaur egun dugun zalantzari... [+]
Barack Obama AEBetako presidenteak iragarri du NATOk indar handiagoa izango duela Europa ekialdeko estatuetan, Krimeako krisiaren eraginez Mendebaldeak Errusiarekin dituen harremanak gaiztotu ostean.
2014ko martxoan berriro Gerra Hotzean aurkitu da Europa. Kapitalismoak menderaturik Sobiet Batasunaren inguruan artikulatutako bloke alternatiboa, deitu sozialismo erreala edo estatu kapitalismoa, Historia ez dela amaitu. XXI. hastean inperio kapitalistek talka egin dute... [+]
Alde batetik tenkatu eta besterik lasaitu, hala dabil Ukrainako soka azken asteetan, giroa baretuko dutela diruditen bileren eta egoera tentsionatzen duten gertakarien artean.