“Sistema aldatzeko, diskurtso indartsuenetakoa da klimarena”

  • Klima aldaketaren ondorioak geldiezinak izango badira ere, haren indarra txikiagotzeko neurriak hartu eta erakundeen arteko lana koordinatzen hasi behar dela uste du Unai Pascualek.

Artikulu hau CC BY-SA 3.0 lizentziari esker ekarri dugu.

2016ko uztailaren 18an - 16:02
Ingurumen eta ekonomia gaietan aditua da Unai Pascual (Arg.: Arabako Alea).

Klima aldaketak atzera bueltarik ez duela argi du Unai Pascualek (Gasteiz, 1973), eta horri aurre egiteko mahai gainean dauden tresnak koordinatu eta administrazioei presioa egin beste biderik ez dagoela dio. Laino ezkorraren artean, ordea, klima aldaketaren kontrako diskurtsoa beste esparru eta borroka batzuetan eragiteko baliagarri izan daitekeela uste du. Udalerri txikietatik hasita, –Zuia Kuadrillari erreparatu dio– aldaketa horietarako "urrats interesgarriak" egiten ari direla uste du.

Klima aldaketa hurrengo urteetako arazo nagusietako bat izango dela diote azterlan guztiek, baina herritarrek sinistu al dute erronka bat denik? 

Uste dut benetako aldaketa izan dela azkeneko bost urteetan. Orain dela hamarkada bat ez zen klima aldaketa medioetan agertzen orain azaltzen den moduan, eta kontzientziazio maila nahiko zabala dagoela uste dut, gutxienez kontu batean: klima aldaketa benetan gertatzen ari da, hemen dago eta egia da, ez da asmakizun bat, eta garai batean aipatzen zen ezjakintasun zientifikorik ez dago.

Aldiz, nahikoa egiten dugu horri aurre egiteko? Opor garaia dator, kotxe iladak nonahi, 12 orduko hegaldiak... 

Orain dela urte batzuk erronka zen hau egia zela ikusaraztea, eta oraingo erronka handiena da mugiaraztea, maila guztietan, norbanakoaren esparruan eta baita administrazioek kudeatzen dutenaren gainean presioa eginez. Eguneroko ohiturei aurre egitea da helburua, oso indartsuak baitira eta horri nola buelta eman pentsatzen hasi behar dugu. Jendea geldi dago, ez daki zer egin eta nondik hasi; bakoitza bere esparrutik, bere herritik, bere lagun taldetik baldintza txikiak jartzen hasi behar da trantsizio hori eman dadin eta horretarako batez ere politika eraginkorrak behar dira. Udalerrietan, esaterako, aukera asko dago energia mailan, edo mugikortasunari dagokionean.

Albiste hau Arabako Aleak argitaratu du eta CC-by-sa lizentziari esker ekarri dugu ARGIAra (Elkarrizketaren bertsio osoa Alearen paperezko edizioan)


Kanal honetatik interesatuko zaizu: Larrialdi klimatikoa
2030erako lur eta itsas eremuak %20 lehengoratzeko araudia onartu du Europar Kontseiluak

Astelehenean onetsi du Europar Kontseiluak Natura Lehengoratzeko Legea, hiru hilabeteko blokeoaren ondoren. "Mugarri gako bat da kontinenteko ekosistemen babeserako eta berreskurapenerako", esan dute hainbat elkarte ekologistek, besteak beste, BirdLife Europe,... [+]


Ikusten banauzu, egin negar

Elba ibaiaren arroa, 1417. Lehorteak eraginda ibaiaren mailak nabarmen egin zuen behera, eta norbaitek ur maila markatu zuen harri batean, idazkun bat zizelkatuta: “Harri hau berriro ikusten baduzu, negar egingo duzu. Ura maila honetan zegoen 1417... [+]


2024-05-29 | Nicolas Goñi
Marshall uharteetan, elkarlana dute itsasoaren igoerari egokitzeko planen oinarrian

Ozeano Barean, atoloi apalez osatuak, Marshall uharteak dira klima aldaketaren aurrean herrialde hauskorrenetakoak, itsas mailaren gorakadak zuzenki mehatxatzen dituelako. Bertako gobernuak egokitze plan sakon eta zehatz bat martxan jarri du, biztanleekin elkarlanean, behetik... [+]


Islandiak izoztu zuen Konstantinopla

Teofanes Aitorlea kronikalariak jaso zuenez,  763-764ko negua inoizko hotzenetakoa izan zen Konstantinoplan. Elurrak eta izotza hartu omen zuten bizantziar hiriburua eta Bosforon iceberg bat ere ikusi omen zuten.

Orain arte klima hoztea, besteak beste, jarduera... [+]


Eguneraketa berriak daude