Sionismoaren kontrako juduak jazartzen ari dira Alemanian
Palestinarekin elkartasunez kongresu bat antolatu zuten Berlinen aurreko astean, baina hura itxi zuen Poliziak. Atxilo eraman zituzten sionismoaren aurkako hainbat judu.
Aurreko asterako, Palestinarekin elkartasunez, kongresu bat antolatu zuen Berlinen sionismoaren kontrako elkarte batek: Palestinaren eta Bakearen Aldeko Juduen Ahotsak. Asmoa zen, ekimen horretan, Gazako sarraskia, okupazio sionista eta Alemaniako Gobernuaren konplizitatea lantzea, gonbidatu ugariren eskutik. Ostiralean hasi zen hiru eguneko kongresua, baina hura debekatu eta indarrez itxi zuten tokiko polizia-agintaritzek: 900 polizia-agente mobilizatu eta ekimena eten zuten.
Kongresua egiten ari zen bitartean sartu zen Polizia aretora, 250 pertsona bertan zirela. Zuzeneko jarraipena gelditu zuten agenteek, eta kongresua grabatzeari utz ziezaiotela agindu zieten lan horretan ari zirenei, hainbat hizlari hitz egiten ari ziren unean. Argindarra ere moztu zuten. Palestinaren aldeko ekimena zarratuta, sionismoaren kontrako judu batzuk atxilo eraman zituen Poliziak.
Horren aurretik, gainera, kongresuan hitz egin behar zuen hizlarietako bat atxiki zuten aireportuan: Ghassan Abu Sitta palestinarra, hain zuzen ere. Alemaniara sartzea debekatu zioten, kongresuak irauten zuen bitartean. Gainera, bere parte-hartzea hartu zuten aitzakiatzat polizia-agintaritzek, judu antisionistek antolatutako kongresua debekatzeko. Abu Sittak "adierazpen antisemitak" egin izan dituela esan zuen Poliziak, ironikoa badirudi ere.
Udi Raz izan zen aurreko astean Berlinen atxilotutako juduetako bat. Hala azaldu zuen gertatutakoa Sionismoaren Kontrako Juduen Batasunak (@TorahJudaism): "Atxiloketaren arrazoia Israelen aurka egindako protesta eta Palestinari emandako babesa izan ziren. Alemanian, Israelen aurka egotea eta Palestinari laguntzea krimentzat hartzen da. Zergatik egon da Alemaniako Estatua beti alde okerrean historian zehar?".
Alemaniako Estatuan gogor debekatu eta jazarri dute Palestinarekiko elkartasuna azken hilabeteetan. Palestinaren aldeko mobilizazio ugariri jarri diote debekua, baita horiek erreprimitu ere. Eta ez hori bakarrik: keffiyeh zapia eramatea ere kriminalizatu dute agintaritzek.
Sionismoaren kontrako juduak jo-puntuan Palestinan ere
Alemanian ez ezik, Israelgo Estatu sionistak ere jazartzen ditu sionismoaren aurka dauden juduak palestinar lurretan. Militar israeldarrak hainbatetan sartu dira indarrez judu horien sinagogetara, euren kontra oldartuta. Aurreko astean bertan, Jerusalemgo sinagoga antisionista batera bortizki sartu ziren soldadu israeldarrak, eta bertan zeuden juduak aterarazi eta kolpatu zituzten.
Europako azken urteetako joerari jarraiki, derrigorrezko zerbitzu militarraren harrabotsa Alemaniara heldu da: SDP Alemaniako Alderdi Sozialdemokrata buru duen Defentsa Ministerioak borondatezko soldadutza ezarriko lukeen lege proiektua onartu du, "beharrezkoa" denean... [+]
Bisita, bizipen eta hausnarketa egunak izan ditut maiatzekoak. Hor nabil, intersekzionalitatea nola gauzatu, borrokak lotu nahian, bertsolarien moduan puntu guztiak esan nahian, potorik egin gabe...
Lan egiten dudan LoRa irrati komunitariotik, Maiatzaren 1erako... [+]
Lehen bozketako ezustearen ostean, CDUko buruak Alemaniako parlamentuko 325 diputaturen babesa jaso du bigarren bozketan, gehiengoa osatzeko behar dena –316 aulki– baino bederatzi gehiago. Bosgarrenez gobernatuko dute elkarrekin CDU-CSU eta SPD alderdiek... [+]
CDU-CSUren eta SPDren arteko aliantzak 328 aulki baditu ere Bundestagen, 310 diputaturen babesa jaso du Merzek astearteko bozketan, gehiengoa lortzeko behar direnak baino sei gutxiago. Lehen aldia da Alemania errepublika federala denetik ez dela kantzilergai bat lehen bozketan... [+]
"Bakearen" bidean, Errusiak proposatu du kontrolpean ez dituen lurraldeei uko egitea. Trukean AEBk hainbat onura emango dizkio, Financial Timesen arabera. Hala ere, Kremlineko bozeramaile Dmitry Peskov-ek abisu egin du: "Ez fidatu hedabideez, ezta errespetagarriak... [+]
Poloniar bat, bi irlandar eta estatubatuar batek jaso dute Alemania apirilaren 21a aitzin uzteko manua. Hori gertatu ezean, kanporatuko dituztela argitu die Berlineko Migrazio Bulegoak. Salaketa jarri dute kanporaketa prozedura geldiarazteko xedez.
Berlinen martxoaren 8an izandako manifestazioa gogorki erreprimitu du Poliziak. Palestinaren aldeko aldarriak zeramatzaten manifestariek. Agintariek Alemanian arabierazko abestiak eta diskurtsoak debekatu dituzte manifestazioetan, "segurtasun publikoko" arrazoiak direla... [+]
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
Ikerketa bat egin dute Alemanian, hauteskundeen atarian: kontuak sortu dituzte TikToken, X-n eta Instagramen, eta aztertu egin dute algoritmoak zer nolako edukiak erakusten dituen. Guztietan, algoritmoak eskuinera eta eskuin muturrera jotzen du gehien, TikToken nabarmen.
Sozialdemokratek inoizko emaitzarik kaskarrenak lortu dituzten arren, litekeena da demokristau kontserbadoreekin elkartzea eta gobernua osatzea. Botoen %28,5 jaso ditu CDUk, eskuin muturreko AfDk %20,7 eta SPDk %16,4.
Olaf Scholz lehen ministro sozialdemokratak berde eta liberalekin zuzendutako “semaforoaren” gobernu koalizioa hautsi zen urte amaieran. Igandean Alemaniako kantziler berria aukeratzeko hauteskunde orokorrak izango dira, eta, inkesten arabera, kontserbadoreen... [+]
Berlinale zine jaialdian gertatu da joan den asteburuan. Jun Li zuzendariak, Queerpanorama lan berria aurkeztu zuenean, printzipio ideologikoengatik Alemaniara ez joatea erabaki zuen Erfan Shekarriz aktore irandarraren testu bat irakurri zuen oholtza gainean: "Ibaitik... [+]
Porzheim (Alemania), 1945eko otsailaren 23a. Iluntzeko zortziak jotzear zirela, hegazkin aliatuak hiria bonbardatzen hasi ziren bonba su-eragileekin. Erasoak sarraski izugarria eragin zuen denbora gutxian. Baina Pforzheimen gertatutakoa itzalean geratu zen, egun batzuk lehenago,... [+]
Ibilgailu baten bidez, Ver.diren protesta batean zeuden manifestariak aurretik eraman ditu. Duela egun gutxi, supremazista zuri batek 11 pertsona erail zituen Suedian.
Larunbatean hamarnaka milaka herritar manifestatu dira Berlinen eta Alemania osoan. Otsailaren 23ko hauteskunde orokorren atarian, gainontzeko alderdiei eta bereziki CDU alderdi kontserbadoreari exijitu diete AfD eskuin muturreko alderdiarekin harreman oro eteteko.