Siemens Gamesa
Nafarroako Pirinio aldeko enpresarik handiena bere ateak ixtear dago. Bertan lan egiten duten 237 langileei ekainaren 30ean jakinarazi zieten enpresak bat-batean itxiko duela abuztuaren 8an. Jakina denez langileek ez dute erabaki hau onartu, horregatik egun bakarrean 2.550 sinadura baino gehiago biltzea lortu dute. Izan ere, hamabost urte luzez zonalde baztertu eta biztanlez hustuenetarikoa den honetara oparotasuna eta lana ekarri duen enpresa eolikoak ez du bere martxa eten azken egunera arte. Hemen lan egiten duten langileak ere ez dira gelditu bere eguneroko jardunean, eta horretan buru belarri aritu dira azken momenturaino. Agoitzeko egoitza Espainiako Estatu mailan enpresaren erreferente bihurtu dute bere lanaren poderioz, bai kalitateari dagokionez, bai bizkortasunari dagokionez. Agoitzen 40 metroko haize erroten palak sortzen dira, Bilbora bidali aurretik. “Astean 7 pala osorik egitera iritsi egin den fabrika honek 571 pala baino gehiago egin ditu azken urteetan. Eta hau ez da ezer ezetik sortu, lan itzela da hori.” Azaldu du Nagoreko biztanlea den Txisko langileak, enpresan 12 urtez lanean aritu ondoren.
"Ezin dugu ahaztu enpresa itzel honek Nafar Gobernuak luzaturiko diru laguntza eta inbertsio mordoari esker lortu duela burua altxatzea, azkena 6 milioi eurokoa"
“Enpresa honi esker etxe askotan bi soldata jasotzen dira familian, gurean kasu”, dio Marianek, Berriozarko 40 urteko emakumeak. Bat-batean aldi baterako 180 langile kaleratuak izan ondoren, finko eginiko 237 langileek euren etorkizuna argituko duen irtenbiderik ez dute inondik sumatzen. Langile komiteak dio gobernuak emandako argudioak ez direla nahikoa planta honen ixtearen erabakia hartu ahal izateko. Langileen eta komitearen eskakizuna da planta ez ixtea, eta horretan dihardute buru-belarri: sinadurak biltzen, manifestazioak antolatzen, pankartak marraztuz, prentsaurrekoak eginez, atzekoari aurrea bilatuz…
“Beste irtenbiderik ez badago zonalde honetarako bidezko alternatiba ekonomiko bat bila dezala gobernuak”, diote. Ezin dugu ahaztu enpresa itzel honek Nafar Gobernuak luzaturiko diru laguntza eta inbertsio mordoari esker lortu duela burua altxatzea, azkena 6 milioi eurokoa, ez da gutxi. Enpresaren erantzuna izan da kanpoko aholkularitza juridiko bati txosten bat eskatzea, non ematen diren milaka kontra-argudio, besteak beste, lan maila jaitsi dela. Hau ez dator bat gertatu denarekin, erantzun du enpresan 10 urte luzez lan egin duen Abdulek, lan istripu baten ondoren muleten laguntzaz oraindik ere errenka dabilena: “Argudiatzen dute enpresako zuzendariek galerak izan dituztela azken 5 urteetan, hala ere langile berriak kontratatzen ibili dira azken egunera arte.”
Aurreko hilabetean haize erroten palak egiteko erabiltzen diren bi moldeetatik bat Portugalera eramango zutela egin zieten mehatxu langileei. Oraindik plantan bertan jarraitzen du gordeta. Rodolfok argi dauka zein den arazoa: “Portugalen 650€ soldatak jasotzen dituzte langileek, eta duela gutxi multinazionalak planta berria zabaldu duen Tangerren are gutxiago, langileek 300 euroko soldaten truke egiten dute lan”. Horregatik goizetik gauera, planta berria erosi bezain pronto hemengo hau ixtea ez dirudi kasualitatea denik.
Enpresako 50 lagunek eta langileen ordezkariek argi utzi zuten horri guztiari aurre egiteko euren asmoa, uztailaren 14an Agoitzeko Udaletxean ospatu zuten osoko bilkuran. Argi eta garbi azaldu zuten indarrak batuz gero euren eskakizunak ez direla hutsean geratuko, eta berriro ere uztailak 25eko manifestaziorako deialdia egin zuten.
Esan ohi den bezala, balizko olak burdinarik ez.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Aurten, berriz ere, Euskaraldia izan dugu. Bi astez, gure hizkuntza-ohiturei erreparatu diegu, geure buruari galdetuta zenbat eta nola egiten dugun euskaraz. Baina ariketa horretatik harago, galdera handiago bat ere pizten da: zeren araberakoa da hizkuntza baten biziraupena?... [+]
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]
Nahiz eta jakina izan inkestak ez direla errealitatearen isla zehatza, interesgarria da bistadizo bat ematea, beti eskaintzen baitigute gai zehatzekiko tenperatura sozialaren arrastoren bat. Are garrantzitsuagoak dira, gai zehatzetan sartuegiak edo katramilatuak egoteagatik,... [+]
Haurrak begiratzeko gure paradigma ez da erabat aldatu, baina aldaketak-edo egiten ari gara, egia da, beste kontzientzia maila batekin, aferak duen garrantziagatik-eta. Bazen garaia. Kontua da, baina, haurren bizitza gure esku dagoela, eta behar duten bizimoduan aldaketak... [+]
Stanfordeko Unibertsitateak dohainik eskaintzen duen Storm deituriko erreminta ezagutu berri dut. Adimen artifiziala erabilita, edozein gairen inguruan artikulu akademikoak sortzeko diseinatutako ikerketa tresna da. Fidagarriak eta baimenduak diren hamaika iturri erabiltzeko gai... [+]
Erdaraz hitz egiten duzu, Francok nahi zuen bezala’ kamiseta dut gogoan egunotan, OlaXonMario Galiziako sortzaile digital kuir eta independentistaren diseinua.
Gogora ekarri dut, lehenengo, Isabel Díaz Ayusok alde egin duenean Imanol Pradales lehendakariak... [+]
Oraindik joan den astea asimilatzen nabil. Boterean daudenen eta botere ereduetan eragin nahi dutenen aldarriak ozen entzun ditugu nonahi. Sareetan zein kalean.
Izan diren manifestazio ezberdinetan, herrietako giza eskubideen garapen maila agerian geratu da. Amerikako Estatu... [+]
Noizbehinka aipatu ohi da zientzia, edo hobe esanda akademia, gizartetik urrunegi dagoela. Gauzak honela, aditu eta arituen arteko distantzia ahalik eta txikien izatea da jasangarritasunaren zientziaren zioetako bat. Jasangarritasunaren arloan aritzen garen zientzialariok... [+]
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Nork sinesten du urtebetean Ordiziako errealitatea goitik behera aldatu dela eta desorekak desagertu direla?
Udaberriko oporren ataritan egunkarietan Begoña Pedrosak eman zigun titularra: Ordiziak ez du desorekei aurre egiteko plan berezirik behar... [+]
“Hauxe titulu bitxia” erranen du aspaldian leitzen nauen ARGIAko irakurleak. Jakingo du halaber Stanley Kubrick zinegilearen azken filmaren zale amorratua naizela. Horrek hura esplika dezake. Funtsean, begiak zabal itxita begiratzen diogu munduari, bereziki Gazako... [+]
Badirudi Europar Batasuna eskalada beliko betean sartu dela. Munduaren ordena geopolitikoa kolokan dabil eta Europak bertan zuen pribilegiozko lekua galtzeko arriskua ikusi du. Autonomia estrategikoaren lemapean, beste neurri askoren artean, industria armamentistikoa... [+]
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]
Diskrezioa edo zuhurtzia hitzak entzuten dizkiedanean buruzagi politikoei kezka sortzen zait. “Hobe izango da zuhurtziaz jokatzea”, esaten digute. Horixe izaten da estalkia jakiteko, era publikoan egin izan balitz, onargarria ez zatekeen operazioa era sekretuan... [+]