Sexu erasoen kontrako oihu ozena Azkoitiko plazan
Sostenipe Talde Feministak eta Sustraiak Moretzen taldeak deituta, elkarretaratze isila eta jendetsua egin dute Azpeitiko eta inguruko herrietako ehunka pertsonak herriko plazan. Bertan izan dira Azkoitiko eta Azpeitiko udal ordezkariak.
15 minutu inguru iraun du asteleheneko elkarretaratze isilak, eta Sostenipe Talde Feministako ordezkariek idatzi bat irakurri dute erasoak salatzeko.
Abuztuaren 19an, goizaldean, adin txikiko batek eraso sexista pairatu zuela baieztatu zion Ertzaintzak Maxixatzeni. Ertzaintzak zapatuan jaso zuen sexu erasoaren salaketa, eta ikerketak aurrera jarraitzen du oraindik.
Astelehenean bertan, esaterako, zapatuko erasoaren ustezko egilea identifikatu du Ertzaintzak. Irakurketa egin ostean plaza bete duten pertsonek txalo zaparrada luze batekin itxi dute kontzentrazioa. Honako hau adierazi dute Sostenipeko kideek:
«Sostenipe, Azkoitiko mugimendu feministatik jakinarazten dugu hainbat eraso eta bortxaketa egon direla andramaixetan, Azkoitian.
Egoera oso larria da, horrelako erasoak ezin dira onartu. Erasoak jasan dituzten emakumeen ausardia eta salatzeko indarra goraipatu nahi ditugu, hau beti gertatu da baina ez dugu beti hitz egin!
Nazkatuta gaude; erasotu, iraindu, gutxietsi, zapaldu, bortxatu eta erail egiten gaituztelako! Zer egin eta zer ez egin esaten digutelako, nola jantzi, zer pentsatu eta noiz isildu agintzen digutelako! Nazkatuta gaude, erasotzaileak sortzen dituen sistema patriarkalak errotik aldatzea nahi ez duten azaleko neurriekin.
Gaur berriro ere hemen gaude, atzo geunden bezalaxe, atzotik gaurrera ez da ezer aldatu! Sistema berdinak jarraitzen du, indarkeria berdinak, eraso berdinak, azalpen eta aitzakia berdinak. Horrelako gertakari larriak inguruan gertatzean soilik larritzen direnek ahalbidetzen dute denak berdin jarraitzea.
Mugimendu feminista ez da isiltzen, ez gara isiltzen ez gaituzte isilduko! Kaleak hartzen jarraituko dugu, momentu oro erabaikiko dugu zer egin gure bizitzarekin! Gutako bat ukitzera ausartzen diren bakoitzean erantzungo dugu!
Ez beti da ez! Emakumeak saretu behar gara, elkar babestu, indartu, autodefentsa feminista aldarrikatu eta praktikatu!
Guk argi daukagu, begiak irekita eta hortzak zorroztuta ditugu! Ez gaude prest eraso gehiago jasateko!
Gora borroka feminista».
Albiste hau Maxixatzenek argitaratu du eta CC-by-sa lizentziari esker ekarri dugu ARGIAra.
Nagyrev (Austro-hungariar Inperioa), 1911. Zsuzsanna Fazekas emagina hungariar herrixkara iritsi zen. Bere egitekoaz gain, medikuntza, kimika eta beste alor askotako oinarrizko ezagutzak zituenez, eta Nagyreven ez medikurik eta ez apaizik ez zegoenez, berehala eragin handia... [+]
Atzo egindako agerraldi publikoan adingabeei egindako iruzkin matxistei eta emakume helduek pairatutako ukituei dagokizkien garrantzia eman nahi izan zieten.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]