Selektibitatearen aurkako mobilizazioak deitu ditu Ikasle Abertzaleakek
Ekainaren 4tik 7ra bitartean egingo dira unibertsitatera sartzeko ebaluazio probak Hego Euskal Herrian. Selektibitatearen aurkako kontzentrazioak burutuko ditu Ikasle Abertzaleak erakundeak, azterketek “kapitalismoa erreproduzitu eta indartzeko helburua dutelako eta langileongan eragiten duten sufrimendu, estres, depresio, min eta ezinegon guztiagatik”
Ikasle Abertzaleak taldeak kontzentrazioak deitu ditu laster ospatzekoak diren selektibitate azterketen aurka, ohar batean jakinarazi duenez. Unibertsitatera sartzeko ebaluazioen aurka gogor egin du ikasle sindikatuak, haren ustetan probek dituzten hiru funtzio nagusiak salatuz.
Ikasle Abertzaleaken iritziz, hezkuntza sistemak sortu nahi duen ikasle mota lortu den ala ez ebaluatzeko azterketa litzateke selektibitatea: “Ikasleak zenbateraino barneratu duen hezkuntza prozesuak ezarritako ikasketa diziplina. Hori, irakatsitako edukia memorizatzeko gaitasunaren arabera baloratzen du selektibitateak”. Bigarrenik, hezkuntzak betetzen duen “filtro sozial” funtzioaren azken urratsa litzateke selektibitatea, ikasketa alor batzuetan edo besteetan sartu ahal izateko nota sistema erabilita nagusiki. “Estatus sozial altua duten ikasketak nota gehien duten ikasleentzat, ikasketa diziplina hobekien barneratua dutenentzat”. Azkenik, edukien bidezko homogeneizazio ideologikoa salatu du Ikasle Abertzaleak: “Milioika ikaslek, zehatz-mehatz jakingo baitute [Espainiako Estatuko burgesiari] komeni zaion ikuskera historiko, filosofiko eta ekonomikoa, besteak beste”.
Horregatik guztiagatik, 'Selektibitateari ez!' lelopean kontzentrazioak deitu ditu Ikasle Abertzaleak. Ekainaren 4an Iruñeako NUPen, eta 5ean Ibaetako, Gasteizko, Leioako eta Sarrikoko campusetan.
.jpg)
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]