Nafarroako Auzitegi Nagusiak azaroaren 3an emandako ebazpenak eragin du aldaketa. Segregazioa amaitu ezean bi eskolek ezingo baitute diru publikorik jaso 2025-26 ikasturtetik aurrera.
Opus Deiren Irabia-Izaga (Iruñea) eta Miravalles-El Redín (Zizur Nagusia) ikastetxeek orain arte finantziazio publikoa jaso dute kontzertuaren bidez, nahiz eta Nafarroako Gobernuarekin sinatutako akordioa ez bete eta segregazioari eutsi. 2018an, esaterako, 11,5 milioi euro jaso zituzten funts publikoetatik. Datorren irailetik aurrera, ordea, ikastetxe misto izatera pasako dira. Hala adierazi dute asteazken honetan ikastetxeetako zuzendaritza-organoek, hausnarketa-prozesu luze baten ondoren.
Nafarroako Auzitegi Nagusiak azaroaren 3an emandako ebazpenak eragin du aldaketa; izan ere, segregazioa amaitu ezean bi eskolek ezingo dute diru publikorik jaso 2025-26 ikasturtetik aurrera. Hori dela eta, kontzertu horri eusteko hartutako erabakia izan dela adierazi dute, “legeak behartutako erabakia”, hain zuzen ere. Berretsi dute Opus Dei elkarte ultrakatolikoarekin harremana izango dutela aurrerantzean ere.
Irabia-Izagak ikasgela mistoak sortuko ditu maila guztietan; Haur Hezkuntzako lehenengo mailatik, Batxilergoko bigarren mailara arte; Miravilles-El Redínek, ordea, Lehen Hezkuntzan “progresiboki” jarraituko du ikasgela mistoak sortzen.
Orain arteko hezkuntza-bereizia
Bi ikastetxeek luze jardun dute segregazioari eutsita. 1965az geroztik baitauzkate ikasleak banatuta: Mutilek Irabiako eta El Redingo eraikinetan ikasten dute, Txantrean; eta neskek, Miravallesen eta Izagan, Txantreatik zazpi kilometrotara. Bi eskolen artean 4.000 ikasle inguru dituzte. Miravalles-El Redínek 2.395 eta Irabia-Izagak 1.900.
.
Miravalles-Redin eta Irabia-Izaga ikastetxetako ikasleen guraso talde batek Nafarroako Gobernuko Hezkuntza Departamenduarekin hitz egin du ikastetxe pribatua sortzeko prozedura ezagutzeko.
Hasi da ikasturtea eta milaka ikasle itzuli dira ikastetxeetara. Iruñean bazegoen jakin mina ea nola itzuliko ziren ikasleak sexu banaketa egiten duten El Redín edo Miravalles ikastetxeetara, edota Irabia-Izagara, guztiak Opus Dei erakundeari lotutako ikastetxeak.
Unibertsitatera sartzeko proba egitear da milaka ikasle. Gure gizarte desorekatuan, azken helduleku eta esperantza beti da hezkuntza: aukera berdintasunaren ikur, igogailu sozialerako amets. Errealitatean, baina, pribilegiatuak pribilegiatu eta zapalduak zapaldu mantentzen... [+]
Iruñeko ikastetxe kontzertatu ezagunak dira biak, eta Batxilergoko ikasleen notak puzten dituztela sumatuta, Arartekoak bi eskola horien jarduna azter dezala eskatu dio Nafarroako Hezkuntza Departamentuari.
Opus Deiren bi eskola pribatuk ikasleak sexuaren arabera bereizten jarraitzen dute Nafarroan. Biek finantziazio publikoa jasotzen dute, eta ez dute martxoan Nafarroako Gobernuarekin sinatutako akordioa betetzen. Eskolek legea bete dezaten bermatzeko zein neurri hartu aztertzen... [+]