Gure baxua zein ote
Noizbehinka, Nafarroan ale gehien saltzen dituen egunkariak erreportaje bat eskaintzen die Opusek gurean dituen ikastetxeei, Unibertsitateari edo Klinikari: zer-nolako emaitza onak lortzen dituzten ikasleek; puntako tresna bat ekarri dutela ez dakit zein eritasun inon baino hobeki artatzeko; zenbat jenderi ematen dieten lana erakunde horiek eta, oro har, zeinen etekin ekonomiko handiak ekartzen dizkioten Nafarroari.
Argudio teknikoak izaten dira nagusi kazetaritzatik baino publizitatetik gehiago duten erreportaje horietan, eta, horrela, Opusi propaganda egiteko egiazko motiboak –ideologia erlijioso ultrakontserbadorea hedatzen duen erakunde batekin adostasuna– gibelean gelditzen dira, ikusezin. Halere, ustez teknikoak diren argudioak aski ideologikoak ere badira, lanpostuak sortzen dituen oro ez baita nahitaez ona edo onargarria.
Euskarak ere lana ematen dio hainbat jenderi, baina hori ez da sekulan nafar egunkari zaharrenarendako aintzat hartzeko argudioa izan. Aurrematrikulazioa dela-eta, joan den larunbatean azalera zer ekarri eta lerro-buru hau: “Eskaerak goiti egin du itunpeko eskoletan, eta beheiti, D ereduan”. Lehengo lepotik burua, Diario de Navarrak; iaz, hau izan zen albistea: “Nafar familiek berriz ere PAI hautatzen dute”. Datu objektiboen azpitik –betiere objektiboak badira–, askatasunaren gaia; alegia, nafarrek, aukeran, D eredu publikoa ez bertzelako ereduak nahiago dituzte; alegia, itunpeko irakaskuntzak askatasuna bermatzen du, are gehiago erdaraz bada.
Datuen musikaren azpitik, askatasunaren baxua aditzen da, hain zuzen ere erregimen zaharraren prentsari sendotasuna ematen diona. Gu maiz borrokan aritu gara datu teknikoen inguruan, baina ez dakit gure baxua zein den, zein nahi dugun izatea, benetan finkatu dugun.
1.000 euskaltzale eta kulturazale baino gehiago giro goxoan ibili dira Ziburuko liburu eta disko azokan, eta larunbat goiz eta arratsaldez gozatu dute hitzaldi, kontzertu eta liburu aurkezpenez. 33 argitaletxe eta 10 diskoetxeren lanak ezagutzeko eta erosteko aukera probestu... [+]
Datorren ikasturtetik aurrera, euskaltegietan A2 mailan matrikulatzen direnek orain arte bezala 310 euro ordaindu beharrean, 70 euro ordainduko dituzte. Maila gaindituz gero, ordaindutakoa itzuliko zaie ikasleei.
Kuartela herrixantzat lelopean indar okupatzaileek Euskal Herritik irten behar dutela aldarrikatzen du Fan Hemendik taldeak.
Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.
Aieteko Nazioarteko Bake Konferentzia 2011n egin zen Donostian eta ondoren sortu zen Bake Bideak, Ipar Euskal Herritik bake prozesua sustatzeko. Bakegileen zeregina ETA armagabetzeko ekinbide zibila antolatzea izan zen. Orain, desegingo direla iragarri dute bi ekimenek.
Espetxeetako funtzionarioek lanuzte partzial bat egingo dute ekainaren 9tik 15era bitartean.
IDOIA ASURMENDI
Non: Bilboko Kafe Antzokian.
Noiz: maiatzaren 29an.
21 pertsona “giza eskubideen urraketen biktima” gisa aitortu dituzte ofizialki. Espainiako Estatuko funtzionarioek eta eskuin muturreko taldeek torturatutako pertsonak dira eta biolentzia horren lagin txikia baino ez direla dio Egiaren Garaia Da ekimenak.
Ostegunean banatu dute saria, Amasa-Villabonako Hika txakolindegian. Bertan jakinarazi dute 2024koa izan dela 111 Akademiak banatuko duen azken saria.
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Nork sinesten du urtebetean Ordiziako errealitatea goitik behera aldatu dela eta desorekak desagertu direla?
Udaberriko oporren ataritan egunkarietan Begoña Pedrosak eman zigun titularra: Ordiziak ez du desorekei aurre egiteko plan berezirik behar... [+]
Datorren irailaren 25ean 40 urte beteko dira GALek Baionako Monbar hotelean egindako atentatutik, non lau euskal errefuxiatu hil zituen. Horren karietara, Gogora Memoria, Elkarbizitza eta Giza Eskubideen Institutuak oroimen ekitaldi bat egingo du udazkenean.