Dirua itzultzeko eskatu dio Sarek poliziari eta bere jarrera zein den adierazteko Jaurlaritzari

  • Sarek oharra atera du astelehenko polizia operazioaren harira. Ondoren dago osorik irakurgai.


2015eko urtarrilaren 12an - 18:11
Azken eguneraketa: 2015-02-26 13:37:33

SARE herritarren sareak, gaurko eguneko azken gertakarien harira ondorengoa adierazi nahi du:

1. Zaila egiten da presoen eskubideen alde eta dispertsioaren amaiera eskatuz pasa den urtarrilak 10eko mobilizazioaren arrakasta eta gaurko polizia operazio hau banatzea.

2. Esku artean dugun informazioaren arabera, LAB sindikatuaren erregistroa larunbatean kuestazioarekin mobilizazioan zehar jaso genuen dirua kentzeko asmoarekin eraman da aurrera.

3. Beraz, LAB sindikatuak ez duela inongo erantzukizunik, egin duen bakarra jasotako txanponak euren bulegoan batzeko aukera eman izana da. Gaur goizera arte, banku bulegoak itxiak zeudelako. Diru bilketa hori, soilik, herritar mobilizazio honen antolakuntza gastuei aurre egiteko eskatu genuen.

4. Horregatik, konfiskaturiko diru hori itzultzea exijitzen dugu.

5. Euskal jendarteak bake eszenatoki bat eskatzen du eta gure herrian elkarbizitza lortzeko bidean aurrera egiten jarraitzen du. Bilbon bildu ziren milaka eta milaka pertsonen eta, orokorrean, euskal jendartearen  elkartasunaren aurrean, Espainiar gobernuak behin eta berriz, zaharkitutako eszenatoki batera itzultzen saiatu nahi du konfrontazio eta liskarra besterik bilatzen ez duelako. Euskal jendarteak arbuiatzen duen eszenatoki bat.

6. Espainiar gobernua, beste behin ere, mundu guztiaren begietara nabarmen geratzeak baino gehiago, abokatuak atxilotzeak, auzipetuak defentsa gabe uzteak eta giza eskubideen aldeko mobilizazioa finantzatzeko jasotako dirua konfiskatzeak arduratzen gaitu.

7. Oinarrizko giza eskubideak urratzen jarraitzen duten bitartean, euskal jendarteak lanean jarraituko du berauek errespetatuak izan daitezen.

8. Eusko Jaurlaritzari, gertakari hauen larritasunaren aurrean, argi eta garbi adieraz dezala bere jarrera zein den eskatu behar diogu, hedabideen bitartez jaso badu ere gertakari hauen berri.

9. SAREk datozen egunetan publikoki agerraldi bat egingo duela aurreratu nahi dugu, jokaera antiemokratiko hauen aurreran egitekoak dituen ekimenen berri emateko.


Kanal honetatik interesatuko zaizu: Abokatuen aurkako operazioa
2021-05-03 | ARGIA
77 espetxe urteko eskaera presoen defentsa juridikoa egiten zuten zortzi lagunentzat

Uztailean hasiko da beren aurkako epaiketa Espainiako Auzitegi Nazionalean. Fiskaltzak 7 eta 19 urte arteko espetxe zigorrak eskatzen ditu 13/13 sumarioko inputatuentzat, ETArekin kolaboratzea edo integrazioa leporatuta. 2010ean izan ziren atxilotuak. Epaiketa denboraz kanpo... [+]


2017-03-16 | ARGIA
Sare-ri 2015eko operazioan kendutako 104.000 euroak ez dizkiote itzuliko

Euskal preso politikoen eskubideen aldeko Sare herritarrari 2015ean kendutako dirua ez itzultzea erabaki du Espainiako Auzitegi Nazionalak.


2015-09-30 | ARGIA
Iñaki Goioaga Amaiurko senataria ikertuko du Auzitegi Gorenak

Eloy Velasco Auzitegi Nazionaleko epaileak “ETAren kartzeletako frontean” parte hartzea leporatu zion ekainean Iñaki Goioaga Amaiurko senatariari, eta foruduna denez, Gorenari eskatu zion abokatua inputatu zezala.


2015-01-22 | ARGIA
Guardia Zibilak Bilboko Errondabide tabernatik 14.000 euro eraman zituela salatu dute

Urtarrilaren 12an Guardia Zibilak eta Espainiako Poliziak Bilboko Errondabide tabernatik 14.000 euro inguru eraman zituela salatu dute. Langileei eta hornitzaileei ordaintzeko dirua zela eta Espainiako Auzitegi Nazionalean salaketa jarriko dutela jakinarazi dute prentsaurrekoan.


Eguneraketa berriak daude