ARGIA.eus

2020ko ekainaren 01a

Iņaki Goioaga Amaiurko senataria ikertuko du Auzitegi Gorenak

  • Eloy Velasco Auzitegi Nazionaleko epaileak “ETAren kartzeletako frontean” parte hartzea leporatu zion ekainean Iñaki Goioaga Amaiurko senatariari, eta foruduna denez, Gorenari eskatu zion abokatua inputatu zezala.

ARGIA @argia
2015eko irailaren 30a

“Talde terroristako kide izatea” eta “terrorismoa finantzatzea” egotzita, auzia ireki du Auzitegi Gorenak Goioagaren kontra. Gizarte Segurantzari iruzur egin eta dirua zuritzea ere egozten dio auzitegiak.

Auzitegi Nazionalak presoen abokatuen kontra hasitako operazioaren baitan kokatzen da Goioaga ikertzeko prozesua. Velascok ekainean egindako idatzi batean senataria “nabarmendu” zuen eta hura ikertu eta inputatu gisa deklaratzera deitu zezala eskatu zion Auzitegi Gorenari, senataria denez, Auzitegi Nazionalak ez baitu horretarako eskumenik.

2015eko urtarrilaren 12an euskal presoen abokatuen kontrako operazioa abiatu zuen poliziak eta 16 lagun atxilotu zituen, besteak beste ETAri babesa ematea eta Ogasunari iruzur egitea egotzita. Horietako 13 aske geratu ziren egun gutxira. Donostian manifestazio jendetsua egin zen Giza Eskubidea. Konponbidea. Bakea lelopean.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Abokatuen aurkako operazioa

Abokatuen aurkako operazioa kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude