Sánchez Espainiako Gobernuko lehendakari hautatu du Kongresuak

  • Aurreikusitako moduan, 179 aldeko boto izan ditu eta 171 aurka. Ondoren Espainiako Erregeak formalki izendatuko du Espainiako Gobernuko lehendakari. Horrela, Sánchezek hirugarren agintaldiari ekingo dio, eta PSOEk eta Sumarrek osatuko duten gobernua gidatuko du.


2023ko azaroaren 16an - 13:59
Azken eguneraketa: 15:49
Argazkia: Alejandro Martínez / Europa Press
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Kataluniako, Euskal Herriko eta Galiziako diputatu abertzaleen baiezkoa klabea izan da, eta haren beharra ezinbestekoa ez bazen ere, Coalición Canariako diputatuak ere Sánchezen alde egin du azkenean. Emaitzak kontrastea egiten du azken egunotan Espainiako kaleetan bizi izan denarekin, “hauteskunde iruzurra” eta “estatu kolpea” lehen lerroan astindu badituzte ere, Sánchezek orain sostengu handiagoa izan duelako PPko Mariano Rajoyk 2016an baino. Azkenean, PPk, Voxek eta UPNk inbestiduraren aurka egin dute eta beste guztiek alde, eta 2020an baino hamabi boto gehiago eskuratu ditu Sánchezek.

Eraikinaren kanpoan manifestari gutxirekin hasi da osteguneko inbestiduraren osoko bilkura Espainiako Kongresuan. Aurreko gauean berriz ere istiluak eta hamabost zauritu izan dira Madrilen Ferraz aurrean, manifestarien eta Poliziaren artean. Eskuin muturrak Kongresua inguratzeko egindako ahalegina porrota izan zen atzo, eta manifestazioen indarrak behera doaz apurka.

Mertxe Aizpurua: bai, eskuin muturrari bidea ixteko

Atzo hitz egiteko denborarik izan ez zutenen txandarekin hasi da eguna. EH Bilduk abiarazi du goizeko saioa eta Mertxe Aizpurua diputatuak hasieratik esan du Pedro Sánchezen inbestidura sostengatuko dutela, hiru arrazoitan oinarrituta: bat, eskuin muturrari bidea ixteko; bi, estatu plurinazionala aitortu dadin eta estatuaren demokratizazioa bultzatzeko; eta hiru, klase herritarrak eta langileak mesedetuko dituzten ezkerreko politikak bultzatzeko.

PPri eta Voxi esan die haiek indultatu zituztela Estatu terrorismoa bultzatu zuten agintariak, torturatzaileak eta ustelak. Espainiako errege bati amnistia fiskala eman ziela gogorarazi du. Estatuko nazio gatazkei begira, bide berriak irekitzeko unea dela iritzi dio, Erresuma Batuan eta Eskozian egin duten bezala. Eta Ekialde Hurbilera ere begiratu du Aizpuruak: Sánchezi eskatu dio Israel palestinarren aurka egiten ari den genozidioa salatu dezala eta Palestina estatu gisa onar dezala. Voxek Kongresutik alde egin du Aizpuruak berba egin duen denboran.

Sánchezek labur erantzun dio Aizpuruari: “Demokraziak ezberdinen arteko akordioak ehuntzeko balio du”. Aitortu dio joan den legealdian EH Bildurekin izandako elkarrizketa emankorra izan zela eta eskertu dio izan duen jarrera eraikitzailea. Ez dio agindu Aizpuruak eskatutako guztiak beteko dituela, baina bai interesarekin hartuko dituela.

Esteban: traktorea, saski-baloia eta errugbia

EAJko Aitor Estebanek erakutsi du ondo ezagutzen duela Kongresuko dialektika eta giroa metaforaz animatu du, traktorea, saski-baloia eta errugbia erabilita. Barreak piztu ditu diputatuen artean, bereziki, esan duenean egunean batean akaso azalduko duela zer eskaini dioten popularrek Feijooren alde egiteko, “deigarria litzateke”. Geroago El Diario Vasco-k jakinarazi du PPk Industria Ministerioa eskaini ziela jeltzaleei, baina horiek uko egin ziotela. PPk ukatu egin du berria. Estebanek Gazara ere begiratu du hasieran eta “su-etena" eskatu du. Sánchezi gogorarazi dio autonomien eskumenekiko begirune gehiago izan behar dela, bere hitzak sarritan ezertan ez direlako geratzen.

Alberto Nuñez Feijooren eremura ere begiratu du, eta leporatu die kalean lortu nahi izatea instituzioetan ezin dutena, eta ikusten ari dena ikusita zalantzan du ea 1978an “trantsizioa beharrean ez ote zen haustura egin behar”. Asteazkenean traktorea aipatu zion Feijook Estebani, eta oraingoan errima eta guzti erantzun dio Estebanek, “ea ulertzen didazun”: “Alberto, tu tractor tiene gripado el motor por usar aceite Vox” (“Alberto, zure traktoreak motorra izorratua du Vox olioa erabiltzen duelako”). Azkenik, Sánchezi gogorarazi dio gaur baloia saskian sartuko duela, baina negoziazioak ez direla hemen amaitzen eta bere agintaldia amaitu nahi badu legealdi osoan negoziatu beharko duela.

Sánchezek erantzun dio esanez orain estatuan gertatzen ari dena lehenago gertatu izan dela beste hainbat herrialdetan, hala nola Brasilen eta AEBetan. Lurralde kontuetan, gogoratu dio PP eta PSOE ez direla berdintsuak, “hainbatetan iradokitzen duzun bezala”, eta PSOEk lurralde arazoa PPk baino hobeto ulertzen duela. Zerrendatu dizkio, halaber, azken urteetan EAEko instituzioetara bideratutako eskumenak.

Catalan: “Ortega Lara eta Otegiren artean, gu Ortega Lararen alde”

Jarduneko ministroa den Podemoseko Ione Belarraren txandan, salatu du Podemosek karguak izatea baztertzen ari direla Sumar eta PSOE, eta Yolanda Diezi eta Pedro Sánchezi eskatu die ez dezatela baztertu Irene Montero hurrengo gobernutik. Diezi leporatu dio horren erantzukizuna eta kexu agertu da hark ez diolako deitu iragan ekainetik. Hala ere, gobernu berriak Podemos motorra ezinbesteko duela gogoratu du.

Talde mistoko txanda etorri da ondoren BNG, Coalición Canaria eta UPNko diputatuen parte hartzearekin. Alberto Catalán UPNko ordezkariak gogor jo du PSOEren aurka, eta eskumenetan eta proiektu handienetan Nafarroan urratsik ez ematea leporatzeaz gain, adierazi dio bandoen aukeraketan argi duela “biktima eta borreroen artean” non gelditzen diren: “Ortega Lara eta Otegiren artean, guk Ortega Lara”. Gaur “inpunitatea eta ustezko terroristak” ere bozkatzen direla azpimarratu du, “ETAko oinordekoen zuriketa eta zuzenbide estatuaren apurketa”, eta horregatik UPNk ez duela sostengatuko inpunitatea eta traizioan oinarritutako inbestidura.

PSOEko bozeramaile Patxi Lópezek gogor jardun du PPren aurka, eta aitortu dio hauteskundeak irabazi zituela, baina ondoren gertatu zenaren aurrean entzungor egitea leporatu dio, “hauteskundeek argi esan zutelako ez zutela eskuin eta eskuin muturraren gobernurik nahi”. Amnistia legea guztiz konstituzionala dela baietsi du, Konstituzioaren atarikoan argi egiten delako elkarbizitzaren alde, eta amnistiak horri erantzuten diolako.

Goizean zehar ultraeskuineko hainbat manifestarik PSOEko diputatu talde bati eraso egin diote, besteak beste arrautzekin buruan emanda, eta Lópezek animoak eta indar mezuak bidali dizkio militantziari, eskuin muturrak ez dituela geldiaraziko azpimarratuta. PPk erasoak gaitzetsi ditu. Goizean zehar ezagutu da, halaber, PPk hala eskatuta, Europako Legebiltzarrean amnistia legeaz eztabaidatuko dela, Dolors Montserrak PPko bozemaileak jakinarazi duenez.

Bozketari ekin aurreko bukaerako txandan, Sánchez demokrazia eta prozeduretan murgildu da: “Hau izan da gure Konstituzioan ezarri genuen mekanismoa, eta eztabaida hau amaituko da gobernu legitimoa eta konstituzionalaren hautaketarekin”. Gogoratu du gobernu berria sostengatzen duten indarrek 12,5 milioi pertsona ordezkatzen dutela eta taldeei eskerrak eman dizkie katalanez, euskaraz eta galegoz.


Kanal honetatik interesatuko zaizu: Espainiako politika
AHTren Ezkio-Itsasoko loturak “arazoak” dituela dio Espainiako Gobernuak eta Gasteizkoaren alde egin du

Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.


Mozal Legea ez dutela indargabetuko argi utzi du PSOEk, Diazek hori esan ostean

Astearte goizean iragarri du Díazek Mozal Legearen “indargabetzea”, baina eguerdian Pilar Alegría Espainiako Gobernuko bozeramaileak eta Enrique Santiago Sumarreko bozeramaile laguntzaileak adierazi dute 36. artikuluko arau-hauste batzuetara mugatuko... [+]


Kataluniara itzuli dira Tsunami auziko erbesteratuak

Ostiral goizean ekitaldi politiko bateratua egingo dute Gironan, Herrialde Katalanetan. Puigdemont faltako da, ezin baitu itzuli.


Sexu abusuen biktimak “sendatzeko” plan bat onartu du Espainiako Elizak, baina ez du bete beharrik izango

Espainiako Gotzainen Batzarrak asteartean egindako bilkuran onartu du abusuak jasan dituzten biktimei kalte-ordain ekonomikoak ordaintzea, baina elizbarruti eta kongregazioek ez dute nahitaez bete behar izango. Espainiako Gobernuak gogor kritikatu du plana,... [+]


Enpresa militar israeldarrei 1.000 milioi euro baino gehiago ordaindu dizkie Espainiako Estatuak, Gazako genozidioa hasi zenetik

ElDiario.es hedabideak aurreratutako Centre Delas erakundearen txostenaren arabera, enpresa israeldarrekin kontratu berriak egin ditu Espainiako Gobernuak azken hilabeteetan. Armak erosteaz gain, urritik hona Europar Batasunetik Israelera arma gehien bidali dituzten... [+]


Tsunami auzia artxibatu du Espainiako Auzitegi Gorenak ere

Espainiako Auzitegi Nazionaleko apelazio aretoak astelehen arratsean esan du baliogabetu egin behar direla Tsunami auzi judizialaren ikerketako azken hiru urteak, "ilegalki" luzatu zelako. Erabaki hori behin betiko bihurtzean Carles Puigdemont eta Marta Rovira kasutik... [+]


Loiuko aireportuan atxikitako gaztea deportatuko dute, Espainiako Auzitegi Nazionalaren aginduz

Ostiral arratsaldeko 15:00etan deportatuko dute Bilbotik Tangerrera doan hegaldi batean, EITBk informatu duenez. Espainiako Auzitegi Nazionalaren arabera, “gaur egun ez dago demandatzailearen bizitzarako edo osotasun fisikorako berehalako arrisku edo arrisku... [+]


AHTren obrak eta Renfe: murrizketak eta buruhausteak Gipuzkoako tren zerbitzuan, zazpi urtez

2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]


2024-06-13 | Gedar
Adin txikiko pertsona migratuak indarrez tokialdatzeko erreforma bat onartu dute Espainiako Estatuan

Atzerritartasun Legea aldatzea adostu dute Kanariek eta Espainiako Gobernuak: lurralderen batek pertsona migratuak hartzeko duen "gaitasunaren %150" gainditzen denean, estatuko beste erkidego batzuetara mugitzera behartuko dituzte adingabeak.


2024-06-07 | ARGIA
Espainiako Gobernua Hagako prozesuan egongo da, baina ez du Israelen kontrako genozidio salaketarekin bat egin

Hagako Nazioarteko Justizia auzitegian epaileak aztertzen ari dira Israelen Gazan egiten ari dena, eta prozesu horretan esku hartzea erabaki du Espainiako Gobernuak. Hala ere, José Manuel Albares Kanpo gaietarako ministroak argitu du ez dutela "parte hartuko... [+]


Mugikorretan kontrol parentala derrigortzeko legea “beharrezko baina gutxiegizko” neurritzat jo du Som Connexió-k

Telefono-konpainiek serieko gurasoen kontrola nahitaez sartu behar dutela arautu du Espainiako Gobernuaren lege berriak. Legea aurrerapausotzat jo du kooperatibak, baina azpimarratuta ez duela ezertarako balioko gazteek hezkuntza digital egokia jasotzen ez badute.


2024-05-30 | ARGIA
Amnistia Legea aurrera atera da Espainiako Kongresuan

Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.


Euskal sindikatuen aldarrikapen historiko bati atea ireki eta lurralde-hitzarmenak lehenetsi ditu Espainiako Gobernuak

Hego Euskal Herrian negoziatzen diren itunek babes eta berme gehiago izango dute hemendik aurrera, Espainiako Estatukoen gainetik, Espainiako Gobernuak EAJrekin akordioa egin ostean. Sindikatuek neurria txalotu dute eta gogorarazi dute langile borrokaren ondorio dela.


Zapaterok dio Ostiral Santukoaren gisako akordio bat egon zela ETAren amaieran

Madrilgo Ateneoan ETAren amaierari buruzko zikloa egiten ari da azken asteetan, eta bertan astearte honetan egindako adierazpenetan, Irlandako bake prozesuan izandako jendea euskal bake prozesuan izatea oso garrantzitsua izan zela aipatu zuen José Luis Rodríguez... [+]


Eguneraketa berriak daude