Urtero legez istripuaren urteurrenean agerraldia egin du Lasarte-Oriako EH Bilduk Askatasunaren parkeko eskulturan. Indarrean dagoen dispertsio politika amaitzea eskatu dute, presoak bisitatzera bidean 16 senide eta lagun hil baitira; "30 urtetako ondorio larriena". Era berean, salatu dute biktima horien "memoriari eta familiei egiten zaien bazterkeria", eta hori konpontzeko aitortza soziala eta instituzionala eskatu dute.

16 urte daramatzate "Argi eta Iñakiren memoria kaletik eta herri ekimenetatik bizirik mantentzen". Udaleko alderdi politikoei, Eusko Jaurlaritzari eta dagokien instituzio guztiei gararazi diete: Biktima guztiek egia, justizia, erreparazioa eta diskriminazio ezaren eskubidea baitute".