Saats Karasatorre nagusitu da bertso txapelketan lehen final-laurdenean, Tuteran

  • Martxoaren 3an Atarrabian jokatuko den finalaurrekorako txartela lortu du Etxarri Aranazko bertsolariak. 

Euskalerria irratia @fm983irratia
2019ko otsailaren 11
Tuterako bertso saioa. Argazkia: Euskalerria Irratia.

Tuteran abiatu da 2019ko Nafarroako Bertsolari Txapelketa. 140 lagunek bete dute Erriberako hiriburuko Musika Eskolako aretoa. Haien aurrean aritu dira Aimar Karrika, Eneko Fernandez, Alazne Untxalo, Mikel Lasarte, Joana Ziganda eta Saats Karasatorre. Maialen Belarrak egin ditu gai-jartzaile lanak. Epaile, berriz, Arkaitz Goikoetxea, Amaia Telletxea eta Joseba Beltza aritu dira. Nafarroako Bertsozale Elkarteak Tuterako Argia Ikastolarekin, 2019ko Nafarroa Oinez-ekin eta Nafarroako Ikastolen Elkartearekin elkarlanean antolatu du saioa, eta Tuterako Udalaren laguntza ere jaso du.

Saio puntugarriaren ostean, Saats Karasatorrek eskuratu du puntu gehien (253,5), eta hortaz, martxoaren 3an Atarrabian jokatuko den lehen finalaurrekorako txartela eskuratu du. Haren atzetik sailkatu dira Alazne Untxalo, Aimar Karrika, Eneko Fernandez, Joana Ziganda eta Mikel Lasarte. Bost bertsolari hauek gainontzeko final-laurdenetako puntuazioen zain egon beharko dute hurrengo fasera sailkatzen diren jakiteko.  Osotara, 18 bertsolarik egingo dute aurrera, oraingo 24tatik.

Honela geratu da saioko puntuazioa:

Saats Karasatorre Martinez: 253,5

Alazne Untxalo Erregerena: 249

Aimar Karrika Iribarren: 247

Eneko Fernandez Maritxalar: 241

Joana Ziganda Olano: 240

Mikel Lasarte Cia: 233

Albiste hau Euskalerria Irratiak argitaratu du eta Creative Commons lizentziari esker ekarri dugu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Nafarroako Bertsolari Txapelketa  |  Tutera

Nafarroako Bertsolari Txapelketa kanaletik interesatuko zaizu...
Julio Soto nagusi bertsolari txapelketako bigarren final-laurdenean, Urdazubin

Martxoaren 9an Etxarri Aranatzen jokatuko den finalaurrekorako txartela lortu du egungo txapeldunak. 


Otsailaren 9an hasiko da Nafarroako Bertsolari Txapelketa

24 bertsolari lehiatuko dira. Tuteran hasi eta Iruñean amaituko da martxoaren 23an.


Eguneraketa berriak daude