Rotaflexa eskuetan, Donostian orain hilabete udaltzainek itxitako gazte lokala ireki dute
Donostiako Alde Zaharreko Aldamar kaleko bideoklub okupatu berria hustu zuen Udaltzaingoak, Ertzaintzak lagunduta, uztailaren 6an. Ordutik metalexko xafla handiek ixten dute atea bai kanpotik, baita atari baten barnetik ere. ARGIAk jaso duen bideo batean ikus daitekeenez, gazteek rotaflexa eskuetan, ate bat berriro ireki eta barruan geratu zitzaizkien gauzak eskuratzea lortu dute ostegun goizean.
Gazteek ARGIAra bidali duten oharra:
"Ohar honen bidez, Donostiako Alde Zaharreko Gazte Asambladak azken egunetako gertakariak azaldu nahi ditu:
Jakina denez, ekainaren 30ean auzoan lokal huts bat okupatu genuen urte askoz abandonatua egon ostean; hain zuzen ere, Aldamar kaleko 32 atarian. Orduan ere saltu genuenez, eraikin honen bizilagunak bota eta espekulatu nahi du Aldamarberri sozietateak (Jokin Errasti pelotari pelotazogilea eta Altuna y Uria empresa txikitzaileak osatuta).
Hainbat dira auzoan espekulazioa jasaten ari diren eraikinak, eta haietako zati bati bizitza eman genion, astebetez hamarnaka gazteren lan, alaitasun eta antolakuntzarekin.
Uztailaren seian ordea, goizean goiz gunea inguatu zuen poliziak eta txapaz estali ziguten lokala. Operazioa Jokin Errastik zuzendu zuen eta udaltzainek uneoro egin zioten uko identifikatzeari. Ohikoa denez, udaletxearen morroiek ez zuten inolako agindurik erakutsi eta bortitz oldartu ziren auzokideen kontra pertsona bat atxilotuz. Bertan geneukan materiala ez ziguten utzi ateratzen Poliziak eta espekulatzaileak alde egin zuten, baina auzotarrek martxan jarraitu zuten eta jarrera hauek salatzeko manifestazioa burutu zen Alde Zaharreko kaleetatik.
Egunean bertan ere, eraikinean jarritako txapetan margoketak egin ziren gazte lokalaren alde eta Altuna y Uria eta Jokin Errastiren kontra. Azken honek, bost aldiz bidali du jendea bere izena ezkutatzera, baina auzotarrek behin eta berriz margotu dituzte.
Pasa den ostegunean, abuztuaren 2an, gazte lokalean gelditu zen materiala berreskuratzea sartu ginen Alde Zaharreko gazteak. Rotaflexarekin txapa moztuz, poliziak eta espekulatzaileak lapurtu zigutena berreskuratu genuen. Gure auzoan gure materiala berreskuratu degul apurren eskuetatik, ekintza zuzenaren bitartez.
Ez dira egun errazak Parte Zaharrean. Hilabete honetan auzokideak hotel bat egiteko desalojatu dituzte, haurrei plazan jolastea debekatu diete, auzoa terrazez eta poliziaz bete dute batzuek beren negozioa handitzeko. Horrelako gertakizunen aurrean, hamaika dira auzotarron erreakzioak. Gure partetik, Gazte Asanbladak asteburuko egitaraua antolatu du:
Bilkurak, protestaldiak, jolasak eta hitzaldiak egingo ditugu kalea berreskuratu eta auzoa bizitzeko. (Atxikituta dijoa astebururako kartela)
Amaitzeko, gure auzokide guztiak animatu nahi ditugu auzoa bizitzen jarraitzera.
Kalean jolasten, elkar zaintzen, antolatzen eta ekimenetan parte hartzera! Hemendik kanpo ere alternatibak eraikitzera animatzen degu. Zentzu horretan, gure elkartasuna adierazi nahi diegu desalojo arriskuan den Maravillas gaztetxeko kideei".
Hemen bideoa.
Hau da lokalaren itxura kanpotik, xafla handiak jarrita.
.jpg)
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Hainbat okupazio "sinboliko" egin ostean, dozenaka lagun Urgulleko Guardetxean sartu dira eta garbitzen eta txukuntzen ari dira, ekitaldi kulturalak antolatzeko.
Beste bizi eredu baten alde eginez, hainbat belaunaldik ikasteko, antolatzeko, esperimentatzeko eta trebatzeko aukera izan dute Lakaxitan bi hamarkada hauetan zehar. Gazte belaunaldi anitz ikusi ditu gaztetxeak, eta Jaion bestan, oraingo gazte mugimenduko kideak ez... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
Azaroaren 19an Justiziaren Eraginkortasunari buruzko Legea eta Prozedura Kirminalaren Legea aldatu zituen Espainiako Kongresuak, beste lege sorta batzuk onartzearekin batera. Horrek epaiketa azkarrak egitea, pisu turistikoen erregulazioa aldatzea edo kaleratze zehatz batzuen... [+]
Pasa den asteko "kaleratze ilegala" salatu dute hainbat herritarrek, ostiral arratsaldean.
Joan den asteko kaleratze "ilegala" salatzeko, manifestaziora deitu dute ostiral arratsalderako.
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.
Iruñerrian bat egin dute hainbat Gazte Asanbladak, Burlatako Gaztetxearen alde. Etxarriren desalojoa gelditzera deitzeko, bestalde, manifestazio bat antolatu dute Bilbon hilaren 28rako.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]