ARGIA.eus

2022ko irailaren 28a

Red Fanzine: hilekoaren estigmak apurtzeko lehergailu kulturala

  • Hilekoa normalizatzeko eta bere inguruko "estigma eta kondairak apurtzeko" asmoarekin, Red Fanzine argitalpena osatu dute Gasteizen bizi diren hamabi emakume sortzailek. 250 kopia izango ditu eta urtarrilaren 23an aurkeztuko dute.

Hamabi emakume sortzailek sortu dute 'Red Fanzine' / @red_fanzine
Arabako Alea @ArabakoALEA
2020ko urtarrilaren 23a
Albiste hau Arabako Aleak argitaratu du eta Creative Commons BY-SA 3.0 lizentziari esker ekarri dugu.

Naiara Ortiz, Irene Larrimbe, Laura Durana, Natalia Albeniz, Iratxe Gil, Dorleta Martinez de Aramaiona, Rocio Lopez, Ainara Tavarez, Leire Lejarazu, Irati Baztarrika, Bildotsne Arrizabalaga eta Goiuri Barriga dira proiektuaren atzean dauden hamabi emakume sortzaileak.

Galdera batetik abiatu dute sortze-prozesua: "Nola liteke munduko biztanleriaren erdiak bere bizitza erdian zehar hilabetero bizi duen prozesua estigmatizatua eta ikusezina izatea?".

Sortzaileen arabera, "zerbait nazkagarria eta lotsagarria bezala" hartu ohi da hilekoa. Hortaz, hilekoaren zikloari buruz duten ikuspuntua "modu sortzaile, didaktiko, kritiko, aldarrikatzaile eta pentsakor" batetik azaldu nahi izan dute, "diziplinarteko lan prozesu pluralaren" bitartez.

Red Fanzine proiektuak artea, ilustrazioa, komunikazioa, argazkilaritza, diseinua eta hilekoaren hezkuntza lantzen duten emakume profesionalak bildu ditu.

"Bakoitzak duena eta nahi duena sortzeko eta elkarbanatzeko espazio librea" bihurtu nahi dute; horregatik, fanzinearen 250 kopien azkeneko orriak zuriak dira, "nahi duenak bere aportazio egiteko, proiektua handitzeko modu kolektiboan", azaldu dute.

Aurkezpen jaialdia ostegunean izango da, 20:00etatik aurrera Errementari kaleko 86. zenbakian dagoen Darkahead tabernan. Ostiraletik aurrera, Alde Zaharreko Zuloa Irudian, Judimendiko Candela Tabernan eta Darkahead Tabernan bertan salgai egongo da fanzinea.

Gainera, Gasteizko liburutegietan ere irakurgai egongo dela azaldu dute. Bestalde, fanzinearen web orrialdean bertsio digitala eskainiko dute.

Red Fanzine Gasteizko Udalaren Gazteria Zerbitzuaren Haziak lehiaketan saritutako proiektua da. Hala ere, fanzinea argitaratu ostean, jarraipena eman nahi diotela adierazi dute: "Jaiotzeko, hazteko eta hegan egiteko sortu da".

Kanal hauetan artxibatua: Hilekoa  |  Gasteiz  |  Fanzineak

Hilekoa kanaletik interesatuko zaizu...
2022-09-25 | Ana Mendia
Hilekoa

- Ba al zatoz, izeba? –galdetu zidan bainujantzia soinean eta loredun flotagailuak besoetan.

- Bai. Egon pixka batean, komunetik pasa behar dut eta –erantzun nion maitekor.

- Lagunduko dizut! –Eskutik helduta abiatu ginen eskaileretan gora.

Soinekoa... [+]


Hilekoa Euskal Herriko literaturan I
Odola dario literaturari

Nola dago irudikatua hilekoa euskal literaturan? Ainhoa Aldazabal Gallastegik esku artean ibilitako liburuetan aurkitu ditu, besteak beste, hain hedatuak dauden hilekoarekiko isiltasuna, tabua eta mina, baina baita hilekoaren beste perspektiba bat plazaratzen duten narrazioak... [+]


2022-08-26 | Estitxu Eizagirre
Eragiten al dute obulazioaren faseek kirolean? Nola?

Hilekoaren zikloak kirol emaitzetan duen eragina “gehiago ikertzeko” eskatu zuen Dina Asher-Smith Erresuma Batuko atletak, Europako txapelketan 100 metroko finala azkena bukatu eta egun gutxira 200 metroko finalera lehena sailkatu zenean. Orain arte gaiaz dauden 35... [+]


2022-08-23 | ARGIA
Kirolean hilekoa gehiago ikertu dadila eskatu du Dina Asher-Smith atletak

Erresuma Batuko Dina Asher-Smith zen Munichen jokatu berri diren Europako Atletismoko Txapelketan 100 metroko lasterketa irabazteko hautagai nagusia, baina azkena egin zuen. BBC hedabidearen elkarrizketan aditzera eman du hilekoaren eraginek zaildu ziotela lasterketa eta kirol... [+]


Bizitza linealak vs. bizitza ziklikoak

Bizitzak buelta asko ematen ditu. Nork ez du esaldi hori entzun eta esan? Bizitza faseak dira, ziklikoa da eta momentura egokitzen joaten gara. Badu bertute hori gizakiak. Egokitzearena. Baina zer gertatzen da hileko ziklikotasunarekin? Munduaren erdia gara gutxi gorabehera... [+]



Irakurrienak
Argia buletina
Egunaren laburpena
zure e-postan
Eguneraketa berriak daude