Klubeko emakumeei mezu matxistak bidaltzeagatik, Amsterdamgo Ajaxek kirol zuzendaria kanporatu du

  • Marc Overmars Ajax taldeko kirol zuzendaria kargutik kendu bezperan, Rayo Vallecanoko emakumeen B taldeko prestatzaile fisikoak dimisioa eman du, Carlos Santiso nesken A taldeko entrenatzaileak bidalitako mezu matxisten harira.


2022ko otsailaren 07an - 07:28
Azken eguneraketa: 08:33
Besteak beste Ajax, Arsenal eta Bartzelonan jokatu zuen Overmarsek. / Twitter

Klubeko hainbat kideri bidalitako "mezu desegokiak" direla-eta kendu dute Marc Overmars kargutik. Zuzendaritzak ez du ohar ofizialean zehaztasun handiagorik eman, baina izaera sexuala duten mezuez ari dela ematen da aditzera. Jokalari ohiak lotsaturik dagoela adierazi, errua onartu eta barkamena eskatu du.

Rayoko prestatzailearen dimisioa

Duela lau urte, Carlos Santiso futbol entrenatzaileak, esan zuen 15 urteko neska baten aurkako sexu erasoa eredu zela, taldekideen arteko batasuna nola sendo daitekeen ikusteko. Haren hitzek hautsak harrotu dituzte berriro, Rayo Vallecanok fitxatu berri duelako nesken taldea entrenatzeko.

Madrilgo klubaren kasuan, zuzendaritzak ez du entrenatzailea kargugabetzeko asmorik agertu, baina taldearen barruan bada mugimendurik. Asteburuan, esaterako, nesken B taldeko prestatzaile fisikoak, Jorge Blancok, dimisioa aurkeztu du, "balore eta printzipioengatik". "Erabaki pertsonala da", adierazi du, "balore eta printzipioengatik, ezin naiteke egon pertsona zehatz batzuk dauden instituzio berean. Beti defendatu ditut nire eta auzoaren baloreak. Horregatik, egoera aldatuz gero, gustora asko itzuliko naiz".

Futbolaren gerizpean

Kirolean, eta futbolean zehazki, hainbatetan ikusi dugu nola antzeko jokabideak "babestu" egiten diren, Javier Vizcaíno kazetariak gogorarazi duen moduan Noticias de Gipuzkoa egunkarian: Sánchez Pizjuán estadioan, José Ángel Prenda –Sanferminetako manadako liderra– txalokatzen zuten; Benito Villamarín estadioan, Rubén Castro futbolariak eraso egin ziola salatu zuen emakumeari "puta" deitzen zioten; eta hurbilago, Ipuruan, bideo sexual bat neskaren baimenik gabe zabaldu zuen Sergi Enrich jokalaria "heroi baten gisara" tratatu dute.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
#5
Azoka
Kanal honetatik interesatuko zaizu: Indarkeria matxista
Gasteizen gizon bat atxilotu dute bikotekide ohia hainbat orduz lonja batean giltzaperatuta izan ostean

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz eta hainbat alditan egin dio eraso. Gizonak, urruntzeko agindua zuen, aurrez egindako tratu txarrak tarteko.


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Gasteizen atxilotutako gizona espetxera bidali dute, bikotekidea labankadaz hiltzen saiatzeagatik

Astearte honetan, herritarrek eta erakundeek erasoa gaitzetsi dute udaletxe aurrean egindako elkarretaratzean.


Gasteizen bi gizon atxilotu dituzte bikotekideei eraso egiteagatik

Astelehen goizaldean bikotekideari izterrean labankada bat emateagatik, hilketa saiakera leporatu diote 31 urteko gizon bati. Beste gizon bat ere atxilotu dute igande goizaldean.


Asun Casasola, ez zaude bakarrik

Indarkeria matxistarik gabeko jendarte bat irudikatzea helmuga duen Asun Casasola Ipuin Lehiaketak sariak banatu ditu. “Plaza bat zure izenean” aurtengo gaia oinarri hartuta, memoria ariketa egin dute sarituek, gizonek hildako emakumeak, historia egin dutenak eta... [+]


Eguneraketa berriak daude