Rafa Diez askatu dute
Goizeko 8:30ean geratu da aske Rafa Diez LAB sindikatuko idazkari nagusi ohia. Bateragune auziagatik sei urte eta erdiko zigorra osorik bete du.
Díez zen Bateragune operazioan zigortutako kideetatik kartzelan jarraitzen zuen bakarra, baldintzapean aske geratu baitzen 2010eko apiriletik 2011ko irailera bitarte, ama gaixo zuelako. 2009ko urriaren 13an atxilotu zituzten Arnaldo Otegi, Sonia Jacinto, Miren Zabaleta eta Arkaitz Rodriguez, eta 2015ean eta 2016an askatu zituzten.
Diezi “merezitako ongi etorria" emateko ekitaldiak antolatu ditu LABek. Lehen harrera, ostegunean, goizeko 8etatik aurrera El Duesoko kartzela atarian egin dute eta 11:45ean Muskizko Pobeña auzoan ekitaldia egingo dutela iragarri dute. Iluntzean, 19:30ean Lasarte-Orian beste harrera ekitaldi bat egingo dute.
Ezker abertzaleko, EH Bilduko eta ELAko hainbat ordezkari El Dueson izan dira.
Beheko irudietan ikusten da irteera. LABek bere webgunean jasotakoak dira.
Rafa Diez eta Garbiñe Aranburu ✊️ #rafaOngiEtorri pic.twitter.com/s0urbnJhlm
— #RafaOngiEtorri (@LABsindikatua) 2017(e)ko abuztuak 17
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
