PSOEk eta Sumarrek gobernu akordioa itxi dute: lanaldia 37,5 ordura jaitsiko da bi urteko epean
Espainiako Gobernu osaketarako akordioa erdietsi dute astelehen gauean PSOE eta Sumar alderdiek. Besteren artean, energia konpainia handiei eta bankuei zerga bereziak jarriko zaizkie.
Duela 40 urte ezarri zuen Espainiako Gobernuak 40 orduko lanaldia, eta ordutik ez da moldatu. PSOEk eta Sumarrek bart gauean erdietsi duten gobernu berriaren osaketarako akordioan jaso dute lanaldiaren murrizketa, soldata mantenduta: 2024an 38,5 ordura jaitsiko da, eta 2025ean 37,5era. Helburua, aurrera begira, 35 ordura murriztea izango da.
Sindikatuak, hasiera batean bederen, pozik agertu dira neurriarekin. CEOE patronalak hitz egin du negatiboki: "Ez da unea horretarako".
Bestalde, oinarrizko gutxieneko soldata ere igotzea adostu dute, gazteen langabezia arazoa apaltzeko neurriak hartuko ere dira, Aldaketa Klimatikoaren Legea gogortu, haur eskolen doakotasuna orokortu, gurasotasun baimenetan sakondu eta etxebizitzaren parke publikoa indartu, besteren artean. Mozal Legea derogatzea ere adostu dute, duela lau urte PSOEk eta Podemosek esan zuten bezala, baina ez zen gauzatu.
PSOE eta Sumar adostasunera heltzeak ez du esan nahi, ordea, gobernua osatuko denik. Alderdi nazionalisten eta independentisten babesak eskuratu beharko dituzte azaroaren erdialdera izan daitekeen inbestiduran.
Zer egingo du Sánchezek datorren astelehenean? Dimititu edo jarraitu? Hori da Espainiako Estatuan une honetan bolo-bolo dabilen auzi nagusia. Lau egunotan horretaz besterik ez hitz egitea lortuko du Sánchezek. Eta bide batez Manos Limpias, PP-Vox eta lawfare-ari... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
2022an errekor historikoa hautsi zen Espainiako Estatuan, ia 8.700 milioi litro ontziratu baitziren, Geologia eta Meatzaritza Institutuaren estatistikaren arabera. Aurreko urtean baino 580 milioi gehiago dira horiek, eta 2019an ezarritako mugarria baino % 4,8 gehiago.
142 bisoi europar (Mustela lutreola) baino ez dira bizi Espainiako Estatuan, eta, beraz, espeziearen egoera kritikoa da, Trantsizio Ekologikorako eta Erronka Demografikorako Ministerioaren (Miteco) datuen arabera.
Ceutako Tarajal hondartzan hamalau lagun hil zituzten duela hamar urte, itsasoz igeri Europara iritsi nahian, guardia zibilen eta Marokoko polizien tiro artean. Haien senide eta lagunek urteurrena baliatu dute justizia eskatzeko, auzia oraindik epaitegietan baita. Justizia... [+]