Psilocybe elkarteak 30 urteak ospatzeko disko bilduma aurkeztuko du larunbatean
Hondarribiko Psilocybe musika elkarteak 30 urte bete zituen iaz, eta berak kudeatzen duen musika aretoak, 15 urte. Etxeko talde eta teknikarien eskutik, hemeretzi abestiko bilduma osatu du.
aurre egingo dieten hedabide independenteak
Gabonen bueltan Hondarribiko Psilocybenea aretoan antolatzen den bertsio gaua erreferentziazko jaialdia da Psilocybe musika elkartearentzat, sortzen den giroaz harago, musikari askok elkartzeko eta proiektu amankomunak sortzeko aukera gisa baliatzen dutelako hitzordua. Ohiko talde zurrunetatik at, musikarien elkar-trukaketa eta eremu berrien esplorazioa ahalbidetzen du bertsio gauaren gisako jaiak. Elkarteak nabarmendu duenez, bertatik sortu da P30 musika bilduma, elkarteak iaz 30 urte bete zituen aitzakian Psilocybenearen bueltan antolatu diren musikari eta teknikarien eskutik.
2023an grabatu dituzte kantu guztiak –hemeretzi guztira–; Mono eta Mikel Iturria aritu dira horretan, eta Joseba Baleztenak ere lagundu die lanean. Masterizazioaz, berriz, Karlos Osinaga Txap arduratu da. Musika taldeak, aldiz, den-denak etxekoak, ondorengo hauek dira: The Iiingles, Krin, Kosmaikosin, Julz, Müntzer, The Arritmicks, Lefthook,Velozet, Horzdun, Imago4, Txavvö, Gornutz, Skubi, Angelight Family, Midnight Sinners, Linternakin, MKL, Naica eta Tzar.
Hirugarren bilduma
Elkartearen sorrera garaian autoekoiztutako lehen disko bilduma kaleratu zuten, 2001ean, Psilocybe Enea deiturikoa, gerora aretoari izena emango ziona. Elkartea sortzerakoan erreferente izan ziren Dut eta Lif talde ezagunek hartu zuten parte disko hartan, baita Killing Moon, Pinbol, Semtex edota Dead Jauregi's-ek.
Handik bi urtera, 2003an, Psilocybe 10 bilduma egin zuten, elkarteak hamarkada betetzen zuenaren aitzakian. Aurreko diskoan egon ziren taldeei berri batzuk batu zitzaizkien, baita zaharragoak ere, Sorotan Bele edo Beti Mugan kasu.
Hauspo horrek, elkartearen esanetan, eskatzen zuen behar zela kontzertuak antolatzeko espazio bat ere, entsegu lokal auto-kudeatuez gain. Musika erdigunean jartzeko, diotenez. Urrats handi hura emateko prozesuaz gehiago jakin nahi duenak, irakurgai dauka 25. urtemugaren kari Lander Arretxeak eginiko erreportajea.
PTP jaialdia, larunbatean
PTP jaialdia, edo Psilocybeko Taldeen Partia. Larunbaterako ipini dute hitzordua, 17:30ean hasita, Psilocybenea aretoan. Sarrera borondatezkoa izango da.
Albistearen hasieran nabarmendutako bertsio gauaren bertsio baten gisako ekitaldia izango da, hau da, espiritu berekoa: kontzertu motzak, musika-ekipoa elkarbanatuta, ahizpatasuna eta giro aparta. Psilocybenean egonkortuta dauden taldeek hartuko dute oholtza, eta P30 bilduma aurkezteko baliatuko da gaua.
Goizegi Hiltzeko
Ødei
Autoekoizpena, 2025
53 min.
Ulertzen nauten herrian ez da musika hau entzuten. Rap musikak akaso urte okerragoak izan ditu Euskal Herrian, baina oraindik ez da beste batzuen altuerara heldua. Denentzat ditu koplak Odei Barroso urruñarrak:... [+]
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Zatitxu 7
Zikin
Mendeku diskak, 2025
-------------------------------------------------------------
Aurten ere, udarekin batera dator Zikinen lan berria, esanez bezala: berdin zait oporrek hartzen bazaituzte Elantxoben, Belaguan edo Copacabanan. Eguraldi onak ez du egoera... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Musika-eszena antikomertzialean alea jartzeko asmoz sortu dute Aurka kolektiboa. Martin eta Katalin kideekin hitz egin dugu arlo horretako kolektiboen loraldiaz, musika politizatuaz eta musikaren potentzialitateez, industria musikalaz, makrojaialdiez eta beste.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
Azken urteotan egin dudan bezala, Musika Hamabostaldiak 86. ediziorako prestatu duen egitarau ederra ikusita, nire iradokizun eta gomendio bereziak egiten dizkizuet.
Egia esan, eta ia beti gertatzen den bezala, oso zaila da kontzertu batzuk nabarmentzea, horiek guztiak... [+]
Bizi-biziak dira oraindik musikan dabiltzan emakume eta genero disidenteen azalean bizi izandako indarkeriaren orbainak. Ugaritu dira, halaber, orbain horiei buruzko ahotsak komunikabideetan, ikerketetan zein hainbat ekimenetan. “Asko dago egiteko oraindik”, diote... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Ingalaterrako Massive Attack taldeak artisten arteko aliantza sustatu du, hasi berri diren artistei edo Israelen aldeko erakundeen zentsura pairatzen dutenei babesa emateko.
Alegoría del mal
Rat-zinger
Kasba Music, 2025
--------------------------------------------------------------
Apokalipsiaren aurreko garai ustel hauetan, non eskuin atzerakoienak lortu duen bere diskurtsoa erdian jartzea, erabat ezabatuta dagoen gizarte batean,... [+]
Aspaldi ez bezala hunkitu nintzen Bloñ lehen aldiz ikustean. Bizi osorako ahots bakarra entzun ahalko banu kantuan, zalantzarik gabe, Maia Iribarnerena litzateke. Obretan ari dira etxe barnean eta inguruko zuhaitzen itzalpean jarri ditugu aulkiak, parez pare. Mintzatu... [+]
Norbere gorputzaren gaineko erabakiez, estetika heteropatriarkalaren morrontzaz, kontraesanez eta musikaren industriaz solastatzeko baliatu dugu Arrigorriagako polemika: herri horretako jai batzordeak Vulkano orkestra festa-egitarautik kentzea erabaki du, ikuskizuneko... [+]
C.R.I.N.G.E
Azuleja
Le Royale, 2024
--------------------------------------------------------------------
Bai, ia beti euskal taldeak dira lerro hauetan intereseko. Guretzat, eta zuentzat. Baina pixka bat epifania moduan, Amabirjina ikusi duenak nola, hala daukat... [+]