Trumpek Guardia Nazionaleko 2.000 soldadu bidali ditu Los Angelesera, etorkinen sarekaden aurkako protesten aurrean
Donald Trump Etxe Zurira heldu zenetik, nabarmen areagotu dira ICE AEBetako Inmigrazioko eta Aduanetako Polizia Indarrak etorkinen aurka eginiko sarekadak. Horren aurrean, komunitate latino handiena hartzen duen estatuan, Kalifornian, protestak piztu dira azken egunetan. Istiluek AEBetako eta Kaliforniako Estatuko agintarien arteko arrakala sortu du, eta Trumpek Guardia Nazionaleko 2.000 soldadu bidali ditu.
Azken hilabeteetan ICEk etorkinen aurka eginiko sarekadek oihartzun handia izan dute mundu osoan zehar. Hain zuzen, azken egunetan protestak piztu dira Los Ángelesen (Kalifornia) sarekada horien eta ICEren aurka. Los Ángeleseko CNS hedabidearen arabera, ICEk hiri horretako hainbat merkataritza gune izan zituen jomugan joan den asteko asteazkenean, eta gutxienez 100 lagun atxilotu zituztela South Central, Boyle Heights eta Koreatown guneetan.
Sarekada horiek gertatu eta hurrengo egunean irten baziren ere lehen aldiz kalera protestan, manifestarien eta Poliziaren arteko istiluak ostiralean piztu ziren: Compton eta Paramount bezalako auzoetan, esaterako, manifestariek hainbat ibilgailu erre zituzten, baita hainbat dendetara sartu ere lapurtzera, eta Poliziak negar gasa erabiliz erantzun zuen. Orduan heldu zen Trumpen erantzuna: protesten aurka, larunbat goizean Guardia Nazionaleko 2.000 soldadu mobilizatuko zituela jakinarazi zuen. Pete Hegseth AEBetako Defentsa idazkariak ere Kaliforniaren hegoaldean dauden marineak mobilizatzearekin mehatxu egin zuen.
Etxe Zuriko maizter bigarren aldiz izateko hauteskunde kanpainan, Donald Trumpek behin eta berriz hitzeman zuen presidentetzara heldu bezain laster "AEBentzako mehatxu diren etorkin ilegal guztiak" kanporatuko zituela. Segurtasun Nazionaleko Departamentuaren arabera, urtarrilaren 20tik apirilaren 29ra 142.000 pertsona deportatu dituzte. Hain zuzen, OHCHR Giza Eskubideen Nazio Batuen Goi Mandatariak ohar bat kaleratu zuen maiatzaren hasieran egoera hori salatuz. Ohar horretan, OHCHR-ko bozeramaileak adierazi zuen Trumpen administrazioak abiatutako deportazioek hainbat oinarrizko eskubide urratzen dituztela: atxiloketa arbitrarioetatik babesteko eskubidea eta legearen aurrean berdintasuna bermatzeko eskubidea, besteak beste.
Etxe Zuriaren eta Kaliforniaren arteko arrakala, agerian
AEBetako Alderdi Demokrataren gotorleku gisa ezagutu izan ohi da Kaliforniako estatua: 2024ko presidentetzarako hauteskundeetan Kamala Harris hautagai demokratak hogei puntuko aldea atera zion Trump errepublikanoari. Horrek eta herrialdeko komunitate latino handiena bertan bizitzeak –PPIC Politika Publikoen Kaliforniako Institutuaren arabera, bertako biztanleen %40 dira latinoak–, protestak piztu aurretik Etxe Zuriaren eta Kaliforniako Gobernuaren artean zegoen arrakala areagotzea eragin dute azken egunetan.
Gavin Newson Kaliforniako gobernadore demokratak Guardia Nazionala bidaltzearekin Etxe Zuriak "espektakulua" bilatu nahi duela adierazi zuen larunbatean. Gainera, ICEren sarekadak errazteko Trumpek hainbat lege moldatu edota paperik gabeko inmigranteen eskubideak murriztu ditu, baina horiek identifikatzeko eta atxilotzeko Kaliforniako agintariek gobernuarekin elkarlanean aritzeari uko egin diote urtarrilaz geroztik: esaterako, iazko abenduan Kaliforniatik senataria den Alex Padilla demokratak ohar bat kaleratu zuen, esanez gobernu federalak ezin dizkiola estatu bati legeak inposatu.
Gazara laguntza humanitarioa eramateko, duela astebete abiatu zen Madleen itsasontzia Sizialiatik (Italia). Askatasunaren Ontzidiak salatu du nazioarteko uretan zihoazela gelditu dituela Israelgo armadak, Gazako kostaldetik 150 kilometro ingurura. Israelera eraman dituzte... [+]
Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.
"Atzerriko terroristengandik" babestea arrazoi bezala jarrita, Donald Trumpek dekretu bidez agindu du zazpi herrialdetako pertsona guztiei debekatzea AEBetara sarrera, eta beste bost herrialdetako herritarrei mugak jartzea.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
Hamabost urte inguruko lau surflari israeldarren parte hartzea zela eta, hainbat eragilek protesta egin eta Groseko Surf Indarrak elkarteak lehiaketan ez parte hartzea erabaki du. Waxdayz jaialdiaren antolatzaileek ere surflari israeldarrak kaleratzea eskatu die WSL World Surf... [+]
Munduko gatazka ugariak kontatzera ohituta, oraingoan bere gatazka propioari jarri dizkio berbak Ebbaba Hameidak (Tindufeko errefuxiatu guneak, 1992) bere lehen eleberrian: Flores de papel (Paperezko loreak) (Peninsula, 2025). Hiru belaunalditako emakume banaren istorioak... [+]
Iaz ezagutu nuen Hana Zjakic, Bollotomaseko bertso-saioaren aurretik mahai-buelta berean suertatuta. Ingelesez egin behar niola aipatu zidaten. Eta ni, orduan, kezkatu egin nintzen, ea saioan bertan inor arituko ote zitzaion xuxurlari. Lasai egoteko esan zidan berak, lehenago... [+]
Canfranc (Huesca, Espainia), 1940ko ekaina. Charles De Gaulle jenerala buru zuen Londresko Frantzia Askearen gobernuak erabaki baten berri eman zion Albert Le Lay Canfranceko nazioarteko tren geltokiko Frantziako aduanako arduradunari: bere postuan geratu behar zuen. Ez zirudien... [+]
Talentua garai honetan zaindu, babestu eta erakarri beharreko altxorra ei da. Horregatik, Kutxabankeko lehendakari Anton Arriolak hezkuntzan ingelesari garrantzi handiagoa eman behar zaiola adierazi du, eta euskara horretarako oztopo izan daitekeela Poloniatik etor litezkeen... [+]
“Hauxe titulu bitxia” erranen du aspaldian leitzen nauen ARGIAko irakurleak. Jakingo du halaber Stanley Kubrick zinegilearen azken filmaren zale amorratua naizela. Horrek hura esplika dezake. Funtsean, begiak zabal itxita begiratzen diogu munduari, bereziki Gazako... [+]
Badirudi Europar Batasuna eskalada beliko betean sartu dela. Munduaren ordena geopolitikoa kolokan dabil eta Europak bertan zuen pribilegiozko lekua galtzeko arriskua ikusi du. Autonomia estrategikoaren lemapean, beste neurri askoren artean, industria armamentistikoa... [+]
Metro Bilbaok I-SEC Aviation Security S.L. segurtasun-enpresa kontratatu zuen apirilean. Horren aurrean, kexak aurkeztu dituzte dozenaka herritarrek Metro Bilbaoren bulegoetan, Bilbo-Palestina Herri Ekimena eta Nodo BDZ-Bizkaiak deituta.
Urtebete eta erdiz sarraski genozidak gauzatu ondoren, Erresuma Batuko zenbait hedabidetako kontseilu editorialek hitza hartu dute, bat-batean, Israel Gazan egiten den sarraskiaren aurka. Establishmenteko gizatxar mediatikoek aldaketa usaina hartu diote haizeari.