Protestak Arrasaten, Udalak onartu nahi duen “mozal ordenantzaren” aurka
Arrasateko eragile eta norbanakoek protesta egin dute Udalak indarrean jarri nahi duen “mozal ordenantzaren” aurka. Martxoaren 22ko osoko bilkuran onartu nahi dute pintaketa, kartel, pankarta, pegatina eta gisakoak erregulatzeko neurria.
Ostiralean, hilaren 18an, protesta ekitaldia egin zuten Arrasateko Plazan, herriko zenbait eragilek deituta. Ordenantzaren inguruko eztabaida irekitzeko eskatu dute, “inposizioen aurrean, moratoria eta eztabaida irekia ezinbestekoak” direla iritzita. “Adierazpen askatasuna ezin da ebatsi garbitasunaren izenean”, gaineratu dute. Martxoaren 22ko osoko bilkuran aurkeztera dei egin diete herritarrei, beren kabuz “gaia aztertu eta ondorioak atera” ditzaten.
Bestelako ekimenak ere burutu dituzte ordenantzaren aurka. Murala egin du Arrasateko Ernaik, “orain arte horma hori erabili dutenei gorazarre egiteko”. Arrasatearrek aldarrikapenak egin eta informazioa jasotzeko erreferentziazkoa duten horma hautatu dute horretarako.
Ordenantzaren bultzatzaileen esanetan, herriko gune publikoak “garbi mantendu” eta “giro atsegin bat sortzea” da xedea. “Adierazpen askatasuna eta errespetuan oinarrituriko bizikidetza” bultzatu nahi du arau berriak, Oscar Garcia Horrillo (PSE-EE) zinegotziaren esanetan. EAJk eta PSE-EEk osatzen dute udal gobernua.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.