Presoen gerturatzeak egongo direla dio Marlaskak, baina zehaztapenik eman gabe
Euskal presoen gerturatzeak “jakina egongo direla”, adierazi du Espainiako Barne ministroak, “baina legediaren, objektibotasunaren eta bakarkako irizpideen arabera”. Gaiari buruzko zehaztasunik ez du eman Fernando Grande-Marlaskak, Espainiako Kongresuan egin duen agerraldian.
Sakabanaketa politika aldatu beharraz mintzatu da beste behin Grande-Marlaska, presoak euren herrira gerturatzea ez dela onura bat, legea betetzea baizik, eta profesionalak kasuak aztertzen ari direla jada, baina ez du inongo zehaztapenik eman ezta konpromisorik hartu.
Ematen den urrats bakoitzean biktimekin harremanetan jarriko dela gaineratu du, eta ez duela lekualdatzeei buruzko “kritika faltsurik onartuko, ezta biktimak helburu politikoekin erabiltzerik ere”.
Pedro Sánchezen Gobernuak espetxe politikan aldaketak iragarri zituenetik, bost izan dira Euskal Herrira gerturaturiko presoak: Olga Sanz Martin eta Xabier Moreno Ramajo (EPPK Euskal Preso Politikoen kolektibotik at), Alfredo Remirez, eta Altsasuko auziagatik kartzelaratu dituzten Jon Ander Cob eta Julen Goikoetxea (Adur Ramirez de Alda eta Aratz Urruzola gerturatzea ere espero da).
“Noizko adierazpenekin bat datozen ekintzak?”
Ciudadanos eta PP alderdiek Gobernuari leporatu diote hurbilketa dela EAJri eta EH Bilduri ordaindu beharreko bidesaria. EAJ eta EH Bilduk berriz, gogoratu dute preso orori dagokion eskubidea dela senide eta ingurukoengandik gertu egotea, eta horretarako ez dela baldintzarik bete behar. “Noizko adierazpenekin bat datozen ekintzak?”, galdetu dio ministroari Marian Beitialarrangoitia EH Bilduko diputatuak.
Grande-Marlaskak emandako datuen arabera, 233 dira Espainiako Estatuko espetxeetan preso dauden euskal herritarrak, horietatik 203 lehen graduan.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.
Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]
Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]
34 urtez luzatu den euskal preso politikoen sakabanatze politika amaitutzat eman dute Etxeratek eta Sarek, ostiralean Espainiako Gobernuak iragarritako bost Euskal Herriratzeekin. Pozez hartu dute berria bi elkarteek, eta iragarri dute orain lanean jarraituko dutela preso,... [+]
Urtarrilaren hasieran euskal preso politikoen eskubideen alde Bilbon egiten den manifestazioa beti da berezia eskubideen aldeko egutegian, baina aurtengoa bereziki nabarmendu da, besteak beste, dagoeneko sakabanaketaren amaiera irudikatu nahi delako.
Iñigo Guridi Lasa, Asier Badiola Lasarte, Iñaki Bilbao Goikoetxea, Orkatz Gallastegi Sodupe, Fermin Vila Mitxelena, Iñigo Zapirain Romano eta Alberto Viedma Morillas preso politikoak Euskal Herriko espetxeetara hurbilduko dituzte.
Espainiako Gobernuko Espetxe Zuzendaritzak eta Eusko Jaurlaritzak adostu dute beste hamahiru euskal preso Bizkaia, Araba eta Gipuzkoako espetxeetara hurbiltzea. Ez da jakinarazi zein espetxetara eramango dituzten; Lakuako Gobernuaren esku dago erabakia.
Etxarri Aranazko Jon Gurutz Maiza Artola preso politikoa Frantziako Estatuko Lannemezaneko espetxetik (Euskal Herritik 330 kilometrotara) Donostiako Martuteneko kartzelara hurbildu dute, Etxeratek zabaldu duenez.
Garazi Abrisketa (Zollo, 1988) eta Aitana Izagirre (Zollo, 1993) Mirentxin Gidariak ekimenaren parte izan dira eta euren esperientzia azaldu dute, baita taldearen disoluzioak utzi dien sentsazioa ere.