Presoak lanaren bidez birgizarteratu nahi dituela dio Jaurlaritzak
Eusko Jaurlaritzak espetxeen eskumena hartu eta hiru hilabetera aurkeztu dute programa. Funtsezkotzat jo dute presoen prestakuntza eta ekoizpen jarduerak bultzatzea, haiek “birgizarteratzeko” eta “segurtasun handiagoa emateko gizarteari”.
Urrian hartu zuen bere gain Zaballako (Araba), Martuteneko (Gipuzkoa) eta Basauriko (Bizkaia) kartzelen kudeaketa Eusko Jaurlaritzak, eta urtarrilaren 12ko agerraldian “gogobeteta” agertu da Beatriz Artolazabal Berdintasun, Justizia eta Gizarte Politiketako sailburua, nahiz eta onartu duen “hobetzeko arloak” dituztela. Zenbait neurri aurkeztu ditu, besteren artean, Aukerak Birgizarteratze Elkargoa, “euskal espetxe-ereduaren oinarri” gisa definitu duena.
Urte hasieran abiatu duten programaren helburua da presoak lanaren bidez jendarteratzea. “Gure ustez, helburu hori prestakuntza areagotuz lor daiteke, presoen trebetasunak eta ezagutza aztertuz eta haien mesederako bihurtuz”, azaldu du Artolazabalek. Aukeraken oinarria izango da prestakuntza, lantegiak eta ekoizpen jarduerak sustatzea. Sailburuaren esanetan, horrek delituen “errepikapen txikiagoa” eragingo du, eta “ziur” dago presoak laneratzeak jendarteari “segurtasun handiagoa” ekarriko diola.
Artolazabalen arabera, egun 346 preso daude EAEko espetxeetan lanean: 223 lantegi produktibo propioetan (206 gizon eta hamazazpi andre) eta 123 kanpoko enpresekin lankidetzan kudeatutakoetan (110 gizon eta hamahiru andre).
Carlos Roy elkargoko zuzendariak zehaztu du “presoen prestakuntzarako interesa” eta “lan produktiboa” sustatu nahi dituztela 2022an. Jakinarazi du programako alor guztietan genero-ikuspegia txertatuko dutela, eta espero duela Orientazio eta Akonpainamendu Integraleko Zerbitzua sortzea.
Hiru hilabetetako balantzea
Aukerak aurkezteaz gain, sailburuak azaldu du 2022an hirugarren graduko egoitzetako plaza kopurua handitzeko sei milioi euroko inbertsioa egingo duela Jaurlaritzak. Halaber, azken hiru hilabetetan egindako aldaketei buruz hitz egin du: Basauriko, Zaballako eta Martuteneko espetxeak sarean lan egiten hastea, koltxoiak aldatzea, prestakuntza-gelak hobetzea, hezetasuna kentzea, genero-ikuspegiari lotutako ekintzak antolatzea eta buru osasuneko eta mendekotasuneko planak egitea, besteak beste. Zehaztu du ekintza guztiak “biktimaren beharrak zaintzera” daudela bideratuta.
Bestalde, EAEko hiru kartzeletan dauden presoen datuak eguneratu ditu, zenbakitan: guztira 1.356 pertsona, 1.251 gizonezkoak eta 114 emakumezkoak. Zehaztu du horietatik 84 “ETArekin lotutakoak” direla. Gainera, 163 pertsona baldintzapean aske daudela jakinarazi du.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
40 urte pasatxoko espetxealdiaren ostean, joan den ostiralean atera zuten espetxetik, eta segituan Libanora eraman, bere jaioterrira. Libanoko Frakzio Armatu Iraultzailearen sortzailea izan zen, eta diplomazialari israeldar eta amerikar bana hiltzeaz akusatu zuten. Inoiz ez... [+]
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
Nafarroako Gobernuak espetxeetako osasun zerbitzuaren eskumena eskuratu zuenetik, baliabideak “indartu” dituzten arren, presoek nabarmendu dute ez diela sobera eragin egunerokoan.
Kartzelan 27 urte egon eta gero askatasunean geratu dela iragarri du Etxerat elkarteak.
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Hogeigarren edizioa ekainaren 14an egingo da eta futbol partida, bazkari eta kontzertuz josia egongo da. 20 urtez presoekin elkartasunez lelopean ospatuko dute eguna, eta ekintza "bereziak" iragarri dituzte.
Elkarteko Andoni Burguetek nabarmendu du espetxean dauden presoek egindako delitu gehienek behar sozioekonomikoekin lotura dutela.
Baldintzapeko askatasunaren alde agertu bada ere Parisko dei auzitegia, ekainaren 19ra atzeratu du epaia, Georges Ibrahim Abdallahk ez dizkielako kalte-galerak ordaindu AEBei. Baldintzapeko askatasunaren alde agertu zen azaroaren 15ean Frantziako Zigorrak Aplikatzeko Epaitegia,... [+]
49 urte preso pasa ondoren, libre utzi dute Leonard Peltier AEBetako ekintzaile autoktonoa. Otsailaren 18 honetan heldu da bere senide eta lagunen artera 80 urte dituen preso-ohia.
Banku atrakatzailea, presoa, Trantsizio garaian espetxetan borroka historikoa piztu zuen COPEL taldeko sortzailea, euskal talde armatuetako kideen laguna, ostalaria, militantea, libertarioa, ortuzaina. Gauza asko izan da eta da oraindik ere Daniel Pont. Abenduan Girona utzi eta... [+]
Torturaren kontrako eguna baliatuz, Aske antolakundeak prentsaurrekoa egin du Bilboko Justizia Jauregian. Gaur egun ere tortura gauzatzeko baldintzek bere horretan jarraitzen dutela salatu dute.
Nafarroako Salhaketak jakinarazi duenez, laguntza hori ezinbestekoa zen preso egondako pertsonek "gutxieneko oinarri ekonomiko bat" eduki zezaten, "askatasunean bizitzen hastera igarotzean". 480 eurokoa baino ez zen subsidioa.
Urriaren 24an 40 urte egin du preso Georges Ibrahim Abdallah libanoarrak Frantziako Estatuan. Palestinaren askatasunaren aldeko militantea, Libanoko Frakzio Armatu Iraultzailearen sortzailea izan zen, eta diplomazialari israeldar eta amerikar bana hiltzeaz akusatua da... [+]
Berrogei urte eginen du urriaren 24an Georges Ibrahim Abdallah libanoarra atxilotu eta preso sartu zuela Frantziako Estatuak, eta horrenbestez Europako preso politiko zaharrena da. Palestinaren askatasunaren aldeko militantea, Libanoko Frakzio Armatu Iraultzailearen sortzailea... [+]