Preso bat topatu dute hilik berriro ere Zaballa espetxean

  • Salhaketa Arabak eman du heriotzaren berri. Elkartearen arabera, 47 urteko jatorri hegoamerikarreko gizonezkoa da hildakoa, eta bere burua urkatu du. Jaurlaritzak espetxeen eskumena hartu zuenetik Arabako espetxean hiltzen den bigarren presoa da.

Argazkia: irekia.eus

2023ko azaroaren 27an - 09:57

Larunbatean bere ziegan aurkitu zuten hilotz presoa, baina espetxeak ez du gertaeraren berri eman. Behin Salhaketak albistea emanda, Jaurlaritzak EITBri baieztatu dio heriotza.

Salhaketako Julen Guarestik EITBri azaldu dionaren arabera, egunak ziren presoa ez zegoela ondo, eta larunbatean bere buruaz beste egin zuen. Elkarteak adierazi du presoa bakarrik zegoela bere ziegan. Horrek esan nahiko luke ez zaiola suizidioaren aurkako protokoloa aplikatu, protokoloak eskatzen baitu presoa bakarrik ez egotea.

"Euskal espetxe ereduak huts egiten du"

“Espetxea eta birgizarteratzea bateraezinak dira, antagonikoak”, adierazi dio EITBri Guarestik. “Kartzelak buruko gaixotasunak izateko baldintzak sortzen eta areagotzen ditu”, salatu du, presoaren egoerari erreferentzia eginez. Bi urte dira Jaurlaritzak EAEko espetxeen eskumena jaso zuela, eta Guarestiren ustez ez da funtsezko aldaketarik izan. Eskumen aldaketaz geroztik Zaballan hiltzen den bigarren presoa da asteburu honetakoa. Apirilean, Malek izeneko gaztea aurkitu zuten ziegan hilotz. Jaurlaritzak adierazi zuen Malek ez zegoela suizidioen aurkako protokoloan, familiak adierazi bazuen ere bere buruaz beste egiten saiatu zela aurretik. “Euskal espetxe ereduak huts egiten du, betiko eredua izaten jarraitzen duelako", salatu du Guarestik.


Kanal honetatik interesatuko zaizu: Espetxe baldintzak
2024-03-18 | Gedar
Kataluniako 5.000 preso konfinatuta izan ditu Generalitateak

Kartzeletako funtzionarioen protestak aitzakiatzat hartuta, milaka preso erabat giltzapetuta eduki dituzte Kataluniako sei espetxetan.

 


Zaballako espetxean hildako Oroitz Herreroren senideak
"Gu horrela tratatu bagaituzte, zer ez dute egingo espetxe barruan"

Iragan astean Oroitz Herrero 26 urteko irundarra hilik aurkitu zuten Arabako Zaballa espetxeko bere ziegan. Eusko Jaurlaritzaren arabera “heriotza naturala” izan zen. Gaztearen senideek ARGIAri adierazi diote, ordea, Herrerori ez diotela arreta mediku egokirik eman... [+]


2024-02-07 | Hala Bedi
Preso bat hil da Zaballako espetxean, bi urtean hirugarrena

Eusko Jaurlaritzak espetxeen transferentzia bere gain hartu zuenetik, duela bi urte eskas, laugarren heriotza izan da euskal kartzeletan, hirugarrena Zaballako espetxean.


Espetxeko azken heriotza “izebergaren punta” besterik ez dela dio Salhaketak

Salatu du larunbatean bere burua urkatu zuen presoari ez zitzaiola suizidioen aurkako protokoloa ezarri eta ziegan bakarrik zegoela, aurreko egunetan “ondo ez zegoela” adierazi bazuen ere. Azpimarratu du Jaurlaritzak espetxeen eskumena hartu zuenetik bere buruaz... [+]


Eguneraketa berriak daude