Prentsa askatasunak 130 herrialde baino gehiagotan ditu oztopoak
Mugarik Gabeko Kazetarien arabera, kazetari lanetan aritzeak eragozpen larriak ditu zerrendako 180 estatuetatik 73tan, eta beste 59 estatutan oztopoak.
Prentsa Askatasunaren Munduko Sailkapenak urtero balioesten du 180 herrialde eta lurraldetako prentsa-askatasunaren egoera. Azken azterketaren arabera, kazetaritzan aritzeak eragozpen larriak ditu zerrendako 180 estatuetatik 73tan, eta beste 59 estatutan oztopoak. Guztira, azterturako herrialdeen %73an ezin da modu bateko edo besteko oztoporik gabe aritu kazetari lanetan.
Mugarik Gabeko Kazetariek argitaratutako zerrendaren arabera, Norvegia da kazetaritzan jarduteko herrialderik onena, eta Eritrea, aldiz, okerrena. Norvegiaren atzetik Finlandia dago eta hirugarren postuan Suedia. Eskandinaviako herrialdeak dira prentsa askatasunean nagusi.
Kazetaritza modu librean edo egoera egokian egin ahal da zerrendaren lehen hamabi herrialdeetan. Aurten Alemania talde horretatik kanpo geratu da, osasun larrialdiaren aurkako mobilizazioetan manifestariek kazetariei eraso egin zietelako. Ameriketako Estatu Batuen kasuan egoera nahiko ona dela azpimarratu dute, nahiz eta Trumpen agintaldian kazetariek ia 400 eraso eta 130 atxiloketa pairatu zituzten.
Beti ere Mugarik Gabeko Kazetarien zerrendaren arabera, Eritrea da kazetaritza lanetan aritzeko herrialderik okerrena, bertako informazioaren gaineko kontrol osoa baitauka gobernuak. Duela 20 urte hamar kazetari atxilotu zituzten herrialdean eta oraindik ere ez dute beraien berri eman. Txinaren kasuan ere kezka nabaria azaldu du erakundeak, oraindik ere zentsura, zaintza zorrotza eta interneteko propaganda ohikoak baitira.
Espainiako Estatua eta Frantziakoa iazko leku berean daude, 29. eta 34. postuetan hurrenez hurren. Espainiako Estatuaren kasuan, erakundeen transparentzia urriak kezkatzen dituela adierazi du Mugarik Gabeko Kazetariak elkarteak. Pandemia egoerak ere baldintzak okertu dituela esan dute, alarma egoera eta indarrean dauden murrizketa guztiak direla eta.
Desinformaziorako txertoa
“Kazetaritza da desinformazioaren aurkako txertorik onena”, azpimarratu du Mugarik Gabeko Kazetarien idazkari nagusi Christophe Deloirek. Gainera, faktore politiko, ekonomiko eta teknologikoak direla-eta kazetaritza lanen ekoizpena eta zabalpena sarri blokeatua izaten dela salatu dute elkartetik.
Edelman Trust 2021 barometroaren datuen arabera, herritarrek mesfidantza dute kazetarien lanarekiko: 28 herrialdetako pertsonen %59k uste du kazetariek nahita zabaltzen dutela informazio faltsua.
Hamasen tresna izatea leporatuta ezarri du debekua estatu sionistak. Al Jazeerak akusazioak ukatu ditu eta ahots kritikoak isilarazi nahia salatu du. Nazioarteko hainbat elkartek kritikatu dute “prentsa askatasunaren aurkako erasoa”. Debekua 45 egunekoa da momentuz,... [+]
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Sholomo Karhi Israelgo Gobernuko Komunikazio ministroak ez du gustuko Haaretz egunkari israeldarra gerra nola ari den lantzen, eta bere kontrolpean diren publizitate eta harpidetza guztiak kentzeko mehatxu egin dio. Israelgo Kazetarien sindikatuak elkartasuna adierazi dio... [+]
Joseba Intxausti Rekondo (Segura, 1936 - Donostia, 2023) hil da, Jakin aldizkariko zuzendari izandakoa eta euskararen historia sozialaren ikertzailea eta euskal kulturaren sustatzailea. Liburu eta artikulu ugari idatzi zituen bere bizitzan eta hainbat elkarteren sorrera bultzatu... [+]
Ustelkeria kasuak argira ekarri izanagatik ezaguna da José Rubén Zamora. Siglo Veintiuno, El Periodico eta Nuestro Diario komunikabideen sortzailea da. Iazko uztailean sartu zuten preso, Alejandro Giammattei presidenteari loturiko ustelkeria kasu bat plazaratu eta... [+]
“Nahikoa da”, esan du Anthony Albanese Australiako lehen ministroak Democracy Now!-ko albistegian, eta eskatu du Julian Assangeren kasua bertan behera uztea. Wikileaks-en fundatzaileak lau urte daramatza Londreseko Belmarsh kartzelan, estradizioaren zain AEBetan... [+]
2019an atxilotu zuten, talde terrorista bateko kide izatea egotzita. Telebista kate bereko beste bi kazetari oraindik Egipton daude espetxeratuta.
2023ko Prentsa Askatasunaren Munduko Indizearen arabera, kazetaritzarako giroa "txarra" da munduko hamar herrialdetatik zazpitan, eta eduki faltsuek prentsa askatasunean izandako ondorioak nabarmendu ditu. Mundu osoan zortzi kazetari hil dituzte 2023an, ehunka dira... [+]
Euskal prentsan 1869tik 2000. urtera bitartean argitaratu diren kronika gogoangarriak bildu ditu Koldo Izagirrek ARGIArekin kaleratu berri duen liburuan. Zaldi bat ihes garrezko zelaian, hala du izenburu. Asko ezagutzen ez ditugun kronikarietatik luma ezagunetaraino, urtetan... [+]
Texas Observer AEBetako irabazi asmorik gabeko hedabide aurrerakoi bat da, 1954an sortua. 2022ko udazkenean, Elon Muskek Twitter erosi zuenean, Mastodoneko zerbitzari propio bat (texasobserver.social) sortu zutelako egin ziren ezagunak sare sozial libre eta deszentralizatuen... [+]
2022ko azaroan, Elon Muskek Twitter erosi zuenean, langileen erdia baino gehiago kaleratu zuen, tartean komunikazioko talde ia osoa. Geroztik, kazetarien informazio eskaerek ez dute erantzunik jaso izan. Orain, egoera aldatu da, press@twitter.com helbide elektronikora idatzitako... [+]
Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.
Yesenia Mollinedo eta Johana García kazetariak Veracruzen hil dituzte astelehen honetan, saltoki baten kanpoaldean beraien autoan zeudela tirokatuta. Azkeneko hiru urtetan prentsako langileen kontrako 1.945 eraso zenbatu ditu Mexikoko Gobernuak.
Kazetaria otsailaren 28tik preso dagoela gogorarazi du eta behar diren berme judizial guztiekin egindako auzia eskatu du harentzat, besteak beste, berak hautatutako abokatua izatea eta bere familiarekin komunikatzeko aukera.
Zaila da propaganda olatu erdian Ukrainako gerraren egunerokotasunean gertatzen ari dena aztertzea. Gurean hedabide gehienek hooligan moduko lerrokatze bat egin dute gertakari batzuk anplifikatuz, beste asko isilaraziz eta beste batzuk faltsutuz, histeria kolektiboa sortuz... [+]