ARGIA.eus

2022ko urtarrilaren 24a

Portugalgo Gobernuak muga jarri dio alokairuaren prezioari

  • Uztailaren lehen egunean martxan jarriko den legearen bidez, etxebizitzen alokairuan gertatzen diren gehiegikeriei oztopoak jarri nahi dizkio Portugalgo Gobernuak. Turismoaren igoerak portugaldarrengan eragin zuzena izan du, hiri nagusietako alokairuaren prezioak etengabe egin baitu gora.

IƱaut Gonzalez de Matauko Rada @inautogdm
2019ko ekainaren 14a
Lisboa

Etxearen tamainaren eta kokapenaren arabera mugatuko ditu prezioak Alokairu Eskuragarrirako Programak, gehiegizko alokairuari aurre egiteko Portugalgo Gobernuak bultzatu duen neurriak.

Kokapenaren arabera, hainbat maila ezarri du programak herrialdearen zonaldeak banatzeko. Lisboa, adibidez, izango da alokairuaren muga altuena izango duena, Portugalen alokairu-eskari handiena duen hiria baita. Esparru bakarreko estudioen alokairua 600 eurokoa izango da gehienez Lisboan. Gela bakarreko etxe bat alokatu ezkero 900€ izango dira gehienez, eta bi gelakoak 250 euro gehiago balioko dute. 1375 eta 1550 euroko prezioak izango dituzte gehienez hiru eta lau geletako etxeen alokairuak, hurrenez hurren, eta hortik aurrera gela bakoitzeko 150 euro gehiago.

Oporto, herrialdeko bigarren hiri nagusia, eskalako bigarren mailan egongo da gehienezko prezioei dagokionez. Hemen 525 euro izango dira esparru bakarreko estudio batengatik gehienez eskatu ahal izango den dirua, eta bost gelako etxe batengatik 1500€.

Portugalgo herri eta hiri gehienak eskalaren bigarren maila merkeenean kokatzen dira. Herri hauetan 250 eurokoa izango da etxe oinarrizkoenen gehienezko alokairua, 450€ bi gelako etxeentzat eta 675€ bost gelakoentzat.

Hala ere, gehienezko prezio hauek urteko errentaren arabera egokituko dira. Bakarrik biziko den pertsona batentzat gehienez urteko 35.000 euroko errenta izan beharko du gehienezko prezio hauek eskuratzeko. Bikote bat bada, elkarrekin gehienez urteko 45.000 euroko errenta izan beharko dute. Bi pertsona baino gehiagok alokatzen badute etxea, pertsona gehigarri bakoitzeko urteko 5.000 euro gehituz kalkulatuko da alokairua eskuratzeko gehienezko errenta.

Kanal hauetan artxibatua: Etxebizitza eskubidea  |  Portugal  |  Portugal

Etxebizitza eskubidea kanaletik interesatuko zaizu...
2022-01-19 | ARGIA
Beasaingo familia baten etxegabetzea behin-behinean geldiarazi dute

Elkarretaratzera deitu du goizean Beasainen Goierriko Kontseilu Sozialistak, eta dozenaka lagun elkartu dira etxegabetze arriskuan zeuden emakumeari eta bere hiru seme-alabei babesa ematera. Gutxienez beste astebetez geratu ahal izango dira etxean, etxejabearekin lortutako... [+]


2022-01-18 | ARGIA
Alokairuaren prezioari muga jartzeko lege-proiektua aurkeztu du Nafarroako Gobernuak

Etxebizitza alokairuaren prezioa kontrolatzea ahalbidetuko duen lege-proiektua adostu dute Nafarroako Gobernua osatzen duten hiru alderdiek. Legebiltzarrean bide luzea du oraindik aurretik.


Cerverus funts putrearen lokal bat birjabetu dute Galdakaon

Galdakaoko Etxebizitza Sindikatuak eta Elkarlaguntza Sareak okupatu dute espazioa, Herri Gunea izendatu duten proiektuaren aterpe bilakatzeko. Aurreratutakoaren arabera, espazioak funtzio soziala izango du eta herritarren bizi baldintzak hobetzeko tresna izango da.


2016: kultura aitzakia gisa erabili zen urtea?

Atzera begira, inork gutxik uste du 2016ak bere helburu kulturalak bete zituenik. Kontrara, ordutik hona, hiriaren turistifikazio masiboaren erantzuleetako baten moduan ikusten dute askok egitasmoa. Baina zer zioten garaian hiriburutzaren kontrakoek? Izan al du hiriburutzak... [+]


2022-01-12 | ARGIA
Eraikin bat hustu eta hogei pertsona inguru kaleratu ditu Ertzaintzak Donostiako Egia auzoan

Hustearekin "gutxienez" hogei pertsona migratzaile kaleratu dituzte Donostiako Kontseilu Sozialistak jakinarazi duenez. Donostiako Okupazio Bulegoak elkarretaratzea deitu du asteazken arratsaldean, kaleratzea salatu, kaleratuei babesa adierazi eta etxebizitza eskubidea... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude