PODCAST #34 | Britainia Handiak Australia AEB-ei entregatu zienekoa

• 1975eko estatu kolpe ahantzia ekarri digu gogora Pello Zubiriak aste honetan. Erresuma Batuko erreginak eta Australiako Gobernadore Nagusiak 1970eko hamarkadan elkarri bidalitako mezuak –denak ez arren, gehienak– ikusgai jartzea ebatzi du Australiako Auzitegi Gorenak. Australia demokratikoaren historiako pasarte ilun bat argitzeko balioko dute agiri horiek: jendeak hautatutako gobernu bat nola uzkaili zuten AEBek eta Britainia Handiak. Irakurri artikulua lotura honetan.