Plastiko beltzen artean desfilatu du aurten ere Alarde parekideak Hondarribian
Hondarribiko Alardean aurten istilurik egon ez bada ere, plastiko beltzen artetik desfilatu behar izan du beste behin Alarde mistoak. Ertzaintzak hainbat agindu eman zituen: Talde mistoari eskatu zitzaion pankartarik ez ateratzeko eta ez egiteko manifestazio itxuran, eta talde tradizionalari plastiko beltzik ez jartzeko kaleetan. Alarde mistoa antolatzen duen Jaizkibel konpainiak esan du tradizionalaren aldekoek ez dutela beren partea bete.
Parte Zaharrean eta Kale Nagusian atera zituzten plastiko beltzak eta “Betiko Alardea” leloa zeramaten kartelak. Ondoan izan zituzten, bestalde, Alarde parekidea txaloka babestu duten herritarrak ere. 08:25ean hasi zen Jaizkibel konpainiaren desfilea 400 bat partehartzailerekin, eta hau bukatzean abiatu zen Alarde konpainiak antolatutakoa. 5.000 gizon inguruk desfilatu zuten Alarde tradizionalean.
Talde mistoko kapitain Izaskun Larruskain pozik agertu da plastiko beltzen presentziaren gainetik. Aurten pauso handiak eman direla zehaztu du eta “Jaizkibelek duen ametsa gertuago” ikusten dutela esan du: Alarde publiko eta parekide bat izatea. Ertzaintzaren aginduaz esan du: “Guk gurea bete dugu, besteek ez dute beraiena bete”.
Desfile tradizionalean parte hartutakoek egunaren balorazio positiboa egin zuten ezustekorik egon ez zelako. Ez dute aipamenik egin desfile mistoan ateratako plastiko beltzen inguruan.
Hondarribiko alkate Aitor Kerejetak esan du: “Ebazpen bat zegoen alde bientzat. Ez dakit zehaztasunez bete den, baina Barne Kontseiluak hartuko du erabakia”.
Hemen Jaizkibel konpainiaren desfilea, Berriak egindako bideoa:
Alarde baztertzailean ardura duen kide bat Jaizkibel konpainiako kide baten kontra oldartu zen. Txosnako kideek inolako erasorik onartuko ez dutela adierazi eta babesa helarazi diote erasoa pairatu zuen pertsonari.
Jaizkibel konpainia berdinzaleak ekintza berezia egin du Hondarribiko alardearen egun honetan. Gutuna eman diote alkateari, mahai gainean bestelako planteamendu batzuk jar ditzala eskatuz.
Hondarribiko udal gobernuaren “ausardia faltaz”, kontsentsua bilatzearen tranpaz eta “gatazkaren espiritua berpiztu” nahi duen alarde tradizionalaren aldeko elkarteaz mintzatu zaigu Uxoa Anduaga, Jaizkibel konpainia berdinzaleko kidea. “Ez dira... [+]
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
Inkestatuen %45,6k alarde parekide bakarra nahiago du herriarentzat eta %65ak baino gehiagok alardearen gatazka konpontzeko herritarrek gai horren inguruko hitzaldi eta tailerretan parte hartu behar dutela adierazi dute.
Alardean desfilatuta ere honek «herriaren benetazko errealitatea irudikatzen ez zuela» ikusita sortu zen 2019an Guztion Alardea, «herria polarizatua dagoelako, baina ikusten ez den masa gris handia dagoela irudikatu beharra zegoelako». Eneko Gonzalez eta... [+]
Hondarribiko Alardearen harira herrian aurten bizi izan den tentsioa garbi islatu du Igor Enparan alkateak, hondarribiar guztiei bidali dien eskutitzean. "Gezurrez eta gorrotoz betetako kanpaina pairatu dut. Zurrumurruak eta gezurrak zabaldu dira herritar guztion arteko... [+]
Hondarribiko jai egun handian, Alarde tradizionalak eta Jaizkibel konpainia parekideak bat egin behar zuten lehen aldiz abiapuntuan, baina argazki hori saihesteko, tradizionaleko konpainia guztiak berandu joan dira hasiera puntura. Plantoak planto, ordea, lehen aldi ugari bizi... [+]
Hondarribiko Alarde tradizionala eta Jaizkibel konpainia desfilatzen aterako dira, urtero bezala, irailaren 8an. Baina orain arte EAJk gobernaturiko udala Abotsanitzek eskuratu du eta egin dituen aldaketek hautsak harrotu dituzte Alarde tradizionalean. “Konpainia guztiak... [+]
«Gatazkaren konponbidean baliagarria izango delakoan» EH Bilduko Lantalde Feministak egindako hausnarketa plazaratu du Arma Plazan. Igor Enparan alkateari «Jaizkibel konpainiak bakarrik betetzen duen legea betearazten hasteko, eta Alarde bakarra, guztiona eta... [+]
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.
Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]