"Piztu Bilbo, Itzali MTV!" kanpaina aurkeztuko dute ostegunean
Datorren ostegunean, apirilak 26, Piztu Bilbo, Itzali MTV! lemapean sortutako kanpaina jendaurrean aurkeztuko dute.
Prentsara bidalitako oharrean adierazi dute eragile eta kolektibo anitzek osatzen dutela aipatu plataforma, izan eragile internazionalistak, feministak, auzo elkarteak, batzuk aipatzearren. Orain arte bilera irekiak egin dituzte ekimena prestatzeko.
"Bilbon inposatzen ari den hiri eredua salatuko dugu, beti ere 2018ko azaroan ospatuko diren European MTV Awards dierelakoen aurka eginez; eta batez ere alternatibak daudela goraipatuz".
1,5 eta 3 milioi euro arteko kostua izango du Bizkaiko Aldundiarentzat MTV sarien antolaketak. 2018ko azaroaren 4an, BEC nazioarteko musika komertzialaren gune nagusi bihurtuko da. Milioika jarraitzaile izan ohi ditu MTV telebista kateak urtero banatzen dituen Europako Musika Sarien galak, aurten Bizkaian izango da.
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
