Pisu turistikoen %23,6 bost etxebizitzatik gora dituzten jabe edo enpresen esku daude
Hego Euskal Herrian ofizialki 5.521 apartamentu turistiko iragartzen dituzte interneteko Airbnb eta antzeko operadoreek. Horietatik 1.302 bost etxebizitza baino gehiagoren jabe diren norbanako edo enpresen esku daude.
aurre egingo dieten hedabide independenteak
El Diario.es-k Espainiako Estatuko pisu turistikoen merkatua aztertu du Donostiako Tabakaleran ondutako DataHippo proiektuak bildutako datuak baliatuz. Hamar enpresa espezializatuk kontrolatzen dituzte hirietako eta gune turistikoetako 4.000 ostatu. Egunkariak ondorioztatu du Airbnb-ren “profesionalizazioak” plataforma kolaboratiboaren hasierako ideia zapuztu duela.
Lurraldez lurraldeko erradiografia ere egin daiteke. Araba, Bizkaia, Gipuzkoa eta Nafarroan eskaintzen diren pisu turistikoen ia laurdena bost etxebizitza baino gehiago dituzten jabe edo enpresen esku daude, eta etxebizitza bakarra eskaintzen duten erabiltzaileak ez dira erdira iristen.
Daturik esanguratsuenak Gipuzkoan ageri dira: iragarleen %5 da pisu turistikoen %38ren jabe. Edo beste modu batera esanda, enpresa edo jabe handien esku daude hamar pisu turistikotik lau. Areago, lurralde horretan ematen da Espainiako Estatuko eskaintza kontzentrazio handienetakoa –iragarki kopuru eta pisu-jabe handien portzentajearen arteko alderaketa eginez lortzen dena– segidako grafikoan ikus daitekeenez:
Datuok 2018ko maiatza eta ekaina artekoak dira, DataHipporen azken eguneraketarenak alegia. Bere webgunean grafikoki ere ikus daiteke non pilatzen diren apartamentu turistiko gehienak: hirietako erdigune nahiz alde zaharretan eta kostaldean.
Alokairuen gorakadaren zergatia
Espainiako lehiakortasunerako erakundeek kontrakoa dioten arren, aditu gehienak bat datoz esatean apartamentu turistikoen ugaritzeak lotura zuzena duela hirietako auzo xehetan gertatzen ari den alokairuaren igoerarekin. Bartzelonan, Madrilen, Sevillan eta antzeko hiri handietan atzeman dute fenomenoa, baina baita Donostian ere.
Donostiako EH Bilduk Idealistas.com atariak emandako datuak plazaratu ditu eta dio estatuko igoera handiena izan dutela Gipuzkoako hiriburuko alokairuek. Hamabi hilabetean %20,8 egin dute gora alokairuek Donostian, eta 2018ko bigarren hiruhilekoak azken urteetako errekorra ondu du: metro koadroa 15,4 euro ordaintzen du maizterrak hilero.
Koalizio abertzaleak nabarmendu du Eneko Goia (EAJ) agintean denetik izan dela igoera handiena eta apartamentu turistikoen “boom”-arekin lotu du gorakada: “Fenomenoa behar bezala arautzea ezinbestezkoa da alokairuen prezioa kontrolpean mantentzeko –dio EH Bilduk–. Pisu turistikoen ordenantzarekin aukera paregabe bat galdu da”.
Tokiko EH Bilduk deitoratu du Bilboko Portu Agintaritzak hotel bat egin gura duela Getxoko Kirol Portuan. Udal taldearen esanetan, lau izarreko, 190 logelako eta 26 metroko altuerako eraikina gurutza-ontzien turismoa bultzatzeko estrategiaren parte da, eta, horregatik, proiektua... [+]
Bilboko Portu Agintaritzaren datuen arabera, abendurako Getxora 150.000 turista lehorreratuta izango dira, 90 itsasontzitan. Gehiengoa britainiarrak, estatubatuarrak eta alemaniarrak. Azkenak, irudikoak, 16 autobus bete turista jaurti zituen Eskuinaldeko hirira, handik Bilbora... [+]
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
Reggaetonarekin eta antzekoekin, musika estilo bat ez ezik, Puerto Ricok beste ideia bat zabaldu du mundu osora: turistifikazioaren eta iragan kolonialaren artean dagoen lotura estua. Milioika jarraitzaile dituen Bad Bunny artista da mezu horren bozgorailu. Azken diskoan Jorell... [+]
Mingainari kosk txikia eginda joan ginen oporretan Kanarietako Lanzarote irlara. Maiatzaren erdian, turista asko-askorik topatuko ez genuela jakinda, prezio guztiak ere merkeago, eta hara eta hona mugitzeko lasaitasun gehiago. Espero bezalaxe izan zen. “Esperientzia”... [+]
Ekimen honekin tonu alai eta ironikoan salatu nahi dute aldaketa klimatikoa eta turistifikazioa elkar elikatzen ari direla, eta horrek "gure hiria eta lurraldea merkatuaren logikaren esku uzten" dituela.
Egungo Venezia 118 uhartez osaturiko artxipelago baten gainean eraikita dago. Uharte horiek 455 zubik elkar lotzen dituzte. Lura baino lokatza du oinarri hiriak. Inguruetako milioika zuhaitz mozteari ekin zioten IX. mendetik aurrera, piloteak eraiki eta hiria zimendatzeko... [+]
Abenduan ezagutarazi ziren Espainia, Maroko eta Portugalen jokatuko den Munduko Futbol Txapelketako egoitzak. Donostia eta Bilbo zerrendan ageri ziren. Donostiako sei auzo elkartek, gutun bidez, FIFAri eskatu diote atzera botatzeko hiriaren egoitza izendapena; FIFA bera ere... [+]
Ilbeltzeko igande goiz batez jo dugu Baztanera. Eguzkiak oraindik ez du Lekarozko plaza argitu; bertan elkartu gara Garbiñe Elizegi Narbarte, Itziar Torres Letona eta Ernesto Prat Urzainkirekin. Itzaletan hotz egiten du eta umorez goxatu dugu lehen agurra, hogei urtean... [+]
Plan berriak Baztango bailara lau zonalde historikoetan bereiztea proposatzen du. Ostatu turistiko berriak irekitzeko araudia ere hartuko du bere gain, definitutako hiri iraunkortasun adierazleen araberakoa izango dena.
Azken hamar urteetan turismoak eragindako CO2 isurketen emendioa ekonomia orokorrarena baino bi aldiz handiagoa izan da. Nature Communications aldizkari zientifikoak abenduaren 10ean plazaratu ikerketaren emaitzak dira.
Bilboko Udalak ez du lizentzia berririk emango, hirigintza planean etxebizitza turistikoen figura arautu bitartean. "Kautelaz" jokatzea erabaki du Juan Mari Aburtoren udal gobernuak, baina gehienez ere urtebeteko epea eman dio debekuari.
