Pisu turistikoak debekatu ditzakete bizilagunek, Espainiako Auzitegi Gorenak ebatzi duenez
Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.
Espainiako Auzitegi Gorenak ebatzi du auzokideen erkidegoek ahalmena izango dutela beren jabetzan pisu turistikoak debekatzeko, betiere, eraikin horretako etxebizitzen estatutuetan edozein jarduera ekonomiko debekatzen bada. Donostian eta Oviedon (Asturias) izandako bi kasuren ondoren hartu du erabakia. Epaileen arabera, erabilera turistikorako etxebizitzen alokairua jarduera ekonomikoa da.
Auzitegi Gorenak nabarmendu du estatutuetan ezarritako mugek “argiak, zehatzak eta esplizituak” izan behar dutela. Halaber, adierazi du “koherentea” dela turismo-alokairua debekatzea, neurriak etxebizitzetan merkataritza-, lanbide- edo enpresa-izaerako jarduera ekonomikoak gauzatzea eragozten baitu.
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.
Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.
Donostiako Parte Zaharrean turistei zuzendutako saltoki eta ostalaritza guneak bizilagunei eragindako kalteen eragile nagusiak direla adierazi du Bizilagunekin plataformak.