Ikuskizuna eskainiko dute Pirritx, Porrotx eta Marimototsek, Burlatan. Hori ekiditen saiatu da Navarra Suma. Pailazoen ibilbidea ETAri lotuta dagoela argudiatu du Navarra Sumak kontrako botoa emateko Burlatako Kultura eta Jaietako patronatuan.
Ikuskizuna eginen dute aurten ere pailazoek Burlatan, hala onartu zuen Burlatako Kultura eta Jaietako Patronatuko zuzendaritza batzordeak astelehenean. Hala gertatu ez zedin saiatu da, halere, Navarra Suma. Kontrako botoa eman zuen eskuineko koalizioak bileran.
"Gure asmoa euskarazko jardueren eskaintza zabaltzea da, baina ezin dugu babestu pailazo batzuk funts publikoekin kontratatzea, haien ibilbidea markatuta baitago proetarren kausarekin duten adostasunagatik, batasuna propagandaren defentsagatik eta gizarteko babesgabeenen erabilera politikoagatik, hala nola haurrena", azaldu dute.
Batzar horretan, patronatuko presidentea ez ezik, Ana Góngora alkatea (Na+), talde politikoetako 6 ordezkari eta eragile zenbaiten 6 ordezkari daude.
Navarra Sumak ohar baten bidez azaldu duenez, jardunari buruzko erabakia zuzendaritza batzordera eraman dute, batzar horren ahalmenei buruzko txosten juridiko baten ostean, eta ondorioztatu dute bera dela horretarako legezko eskumena duen organoa.
Gainera, balizko kontratu baten proposamena Pirritx, Porrotx eta Marimotots pailazo taldetik bertatik datorrela adierazi du. "Burlatako jarduera honen konpromisoa hartutako ohitura batean oinarritzen da; izan ere, aurreko legegintzaldian erregulartasunez jardun dute herrian, eta, are gehiago, data urte honetarako gorde zuten", esan du.
Navarra Sumatik diote haurrentzako euskarazko jarduerak egitearen alde daudela, eta, horren harira, "Burlatan programazioa zabala" dela adierazi dute. Adierazi dutenez, zientzia tailerrak egin dituzte berriki bai Kultur Etxean bai Ripagainan, Burlatako Udalak antolatuta.
Zizur Zendeako Udala (Nafarroa) UPNren hautagaitza batek gobernatzen du. 1936an Iruñean fusilatutako trenbidegileak ordezkatzen dituen Konpartsa Txikiko erraldoi baten presentziari betoa jarri dio.
Talde erlijioso batek eskatuta kenduko dute LKN artistaren obra Iruñeko Morea saltokitik: "Ez dut inoiz iraintzeko asmorik izan; nire begirada artistikoa eskaini nahi nuen".
Ikusgela proiektuko bideo baten aurka jo du Covitek. Argudiatu du Txillardegiren irudia “zuritzen” duela, eta ETAk eragindako biktimak “iraintzen” dituela bideoan bera “euskal kulturaren salbatzaile” gisa aurkezteak.
Jose Luis Rebordinos Zinemaldiko zuzendariak prentsara gutuna bidali du. Bertan, Espainiako hainbat hedabidetan atera den gutuna kritikatu du. Izan ere, zalaparta ari dira sortzen hainbat biktima elkarte, Zinemaldian estreinatuko den No me llame Ternera (Jordi Evole eta Marius... [+]